Спорт
(Видео) Кари испиша историја во НБА, Оклахома го подобри рекордот на франшизата

Неколку интересни натпревари се одиграа изминатата ноќ во НБА лигата. Стеф Кари влезе во историјата на НБА лигата, Оклахома го запиша 13 триумф во низа, а дуелот меѓу Бруклин и Милвоки имаше неверојатен финиш.
Голден стејт Вориорс ја декласираа Филаделфија со 139:105. Вориорс ги предводеше Стивен Кари со 30 поени, 10 асистенции и шест скока. Не промаши за три поени, ги погоди сите осум обиди.
Плејмејкерот на Голден Стејт стана единствениот играч во историјата на лигата кој искомбинира ваков учинок со двоцифрен број асистенции.
Оклахома ги совлада Лос Анџелес Клиперс со 116:98 и ја постигна 13-та последователна победа. што е нов рекорд на франшизата.
Шеј Гилџис-Александер беше најефикасен кај победничкиот тим со 29 поени и 8 асистенции, Џејлен Вилијамс додаде 18 поени.
Најефикасен во тимот на Лос Анџелес беше Амир Кофи со 26 поени.
Кошаркарите на Бостон ја совладаа Минесота со 118:115, предводена од Џејсон Тејтум, кој постигна 33 поени, заедно со девет асистенции и осум скока.
Џулиус Рендл беше најефикасен кај Минесота со 27 поени, осум скока и седум асистенции. Наз Рид додаде 20 поени, а Џејден МекДаниелс имаше 19 поени и 8 скока.
Лос Анџелес Лејкерс го совлада Портланд со 114:106. Најефикасен кај победничкиот тим беше ветеранот Леброн Џејмс со 38 поени и осум асистенции, Макс Кристи постигна 28 поени, а Остин Ривс имаше 15 поени, 11 асистенции и осум скока.
Кошаркарите на Бруклин го совладаа Милвоки со 113:110.
Нетси ги предводеа Камерон Џонсон со 26 поени и Кем Томас со 24 поени и седум скока. Ник Клакстон додаде 16 поени и 11 скока, а Д’Анџело Расел забележа 11 поени и 12 асистенции.
Јанис Ацдетокумбо натпреварот го заврши со 27 поени, 13 скока и седум асистенции, Демијан Лилард постигна 23 поени со седум асистенции, а Боби Портис имаше 15 поени со осум скока.
Бруклин водеа со 111:90 на неполни седум минути до крајот, по што Бакс постигнаа 20 последователни поени, имаа шанса да поведат, но Адетокумбо промаши положување.
Заир Вилијамс на 6,1 секунда до крајот со двете слободни фрлања му ја обезбеди победата на Бруклин.
НБА, резултати:
Мајами – Индијана 115:128
Минесота – Бостон 115:118
Бруклин – Милвоки 110:113
Оклахома – ЛА Клиперс 116:98
Голден Стејт – Филаделфија 139:105
ЛА Лејкерс – Портланд 114:106
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Христов: Сакаме да продолжи позитивната серија на Македонија ЃП

Екипата на Македонија ЃП на последните четири меча во домашниот шампионат има три победи и еден пораз. Во текот на оваа серија совладани се Пелистер, Брера и Шкупи додека единствениот неуспех беше на гостувањето против Вардар.
Благодарение на победничката низа „лавовите“ полека но сигурно се искачуваат на табелата со девет освоени бода и во моментов се на шестата позиција.
Денеска Македонија ЃП ја очекува нов предизвик. Во Кавадарци од 15:00 часот се среќава со екипата на Тиквеш. Нема лесни противници, нема лесно освоени бодови на ниту еден терен. Македонија ЃП тоа почувствува на минатонеделното гостување кај Шкупи. На тој меч рано постигнатиот гол за водство ја олесни задачата.
„Планот е сличен и за денешниот дуел. Максимална концентрација, ангажираност од првата секунда. На време постигнат гол, контролирање на ситуацијата. Подготвени сме. Имаме добра атмосфера во тимот, победите си го прават своето. Максимален респект за противникот, Тиквеш е квалитетен тим. Неговата позиција на табелата не е реален показател на силата на овој тим. Како што на пример не беше ни нашата на стартот на шампионатот. Добрата работа, тренинзите, вложувањето на терен секогаш го даваат резултатот. Ако правиме се како што треба, бодовите нема да изостанат“ – вели искусниот Симеон Христов.
Спорт
Арсими посакува победа против последнопласираниот Шкупи

Во осмото коло од Првата македонска фудбалска лига, Арсими ќе го пречека составот на Шкупи. Натпреварот има големо значење за домашниот тим, Арсими сака да се врати на победничките патеки по незгодниот пораз од Брера во Струмица додека Шкупи е во серија на лоши резултати и бара излез од кризата.
Дуелот во Гостивар е одлична можност за домашната екипа да освои значајни бодови во трката за подобра позиција на табелата.
Еден од носителите на играта на Арсими, Башким Велија, е полн со оптимизам и решителност пред оваа средба.
„Нормално е што сме разочарани што не ја совладавме Брера, затоа што не реализиравме многу шанси. Но, фудбалот е таков ,мора да гледаме напред. Сега не очекува противник како Шкупи, знаеме дека тие се во криза, но ние ќе излеземе на терен само за победа. Сакаме да фатиме победнички ритам и да ги покажеме нашите вредности”, изјави Велија.
Фудбалерот на Арсими потенцираше дека атмосферата во екипата е позитивна и дека сите играчи се подготвени да дадат максимум.
„Имаме добра енергија во екипата и сите сме фокусирани на истата цел. Со поддршка од публиката верувам дека можеме да дојдеме до посакуваниот резултат”, додаде Велија.
Арсими сезонава покажа борбеност, но честопати резултатите не го отсликуваа вложениот труд. Затоа дуелот со Шкупи се гледа како вистинска прилика тимот да ја врати самодовербата и да им подари радост на навивачите. Средбата ќе се одигра на Градскиот стадион во Гостивар со почеток од 15:00 часот.
Спорт
Милај: Шкупи ги бара првите бодови, но не го потценуваме Арсими

Екипата на Шкупи сè уште нема бодови ниту по седум кола во елитниот фудбал во Македонија. Денес пред нив е Арсими, кој ги загуби последните три натпревари во Гостивар.
Шкупи верува дека сега е време да ги освои првите бодови во оваа сезона. Играчот од средниот ред Адонис Милај бара максимална посветеност од своите соиграчи, а во исто време предупредува да не се потценува тимот од Чегране.
„Иако е тим кој штотуку пристигна во Првата лига, врз основа на нашите резултати и анализи, Арсими не е лесен противник. Очекуваме тежок натпревар, но ќе го дадеме максимумот за да ги освоиме трите бода“, рече Милај.
Според Адонис Милај, сега е време Шкупи да ги освои првите бодови во оваа сезона.
„Иако доаѓаме од лош момент, минатото е зад нас. Сега сме целосно фокусирани на предизвикот што нè очекува. Навистина се надеваме дека со добра и компактна игра, ќе бидеме наградени со резултатот кон кој се стремиме“, заклучи Милај.
Натпреварот помеѓу Арсими и Шкупи ќе се одигра на стадионот во Гостивар, со почеток во 15:00 часот.