Спорт
(Видео) Кејн со хет трик го врати Баерн на чело на Бундес лигата
Фудбалерите на Баерн предводени од расположениот голгетер Хари Кејн убедливо го совладаа Штутгарт во дербито од осмото коло на Бундес лигата.
Натпреварот на Алијанц Арената во Минхен заврши со резултат 4:0 (0:0).
Ова беше пресметка на второпласираниот (Штутгарт) и третопласираниот (Баерн) од претходната сезона.
Гостите се одлучија за дефанзива и во првите 45 минути ги неутрализираа нападите на Хари Кејн и неговите соиграчи.
Сепак, во продолжението од мечот Англичанецот конечно го најде патот до мрежата.
Најпрвин во 57. минута шутираше силно од околу 25 метри и го совлада Александар Нибел, а истото го направи три минути подоцна. Во тој момент беше јасно дека „Швабите“ ќе претрпат пораз во Минхен.
Во 80. минута Хари Кејн уште еднаш ја затресе мрежата на гостите. Тоа е негов втор хет-трик во Бундеслигата оваа сезона, првиот беше против Холштајн Кил минатиот месец.
Конечниот резултат го постави Кингсли Коман со првиот гол сезонава. Баерн по оваа победа се врати на врвот на табелата со ист број бодови како и Лајпциг, но со подобра гол-разлика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Автогол го реши дербито Јувентус-Лацио
Фудбалерите на Јувентус го победија Лацио со 1:0 во 8. коло од Серија А и се израмнија со Наполи на врвот на табелата, со меч повеќе од тимот на Антонио Конте.
Тимот од Торино победи со автогол на Шпанецот Марио Гила во 85. минута и на тој начин ја материјализира големата офанзива бидејќи повеќе од 60 минути играа со фудбалер повеќе на теренот.
Од 24. минута домашните играа со фудбалер повеќе отако беше исклучен Алесио Ромањоли поради фаулот што го направи врз Пјер Калулу како последен играч во одбраната.
И на овој натпревар Јувентус го оправда епитетот најдобра одбрана во овој момент, тимот на Мота прими само еден гол во осум натпревари во Серија А.
Спорт
Алкалоид го декласира Драгунас, на реваншот патува со предност од 11 гола
Фото/ rkalkaloid.mk
РК Алкалоид успешно стартуваше во ЕХФ Европскиот Куп. Вечерва во Автокоманда го декласираа литванскииот преставник Клаипеда Драгунас со 42:31.
Алкалоид првата посериозна предност ја стекна во финишот на првото полувреме кога со серија од 8:1 додјде до водство 17:10. На полувреме домашниот тим имаше предност од 18:12.
Во второто полувреме избраниците на Кире Лазаров одржуваа предност од шест до осум гола, во 52.минута имаа 35:25, на крајот славеа со 11 гола пред реваншот во Литванија.
Костески со 10 и Бинго со девет гола го предводеа Алкалоид, голманот Галевски имаше девет одбрани.
По натпреварот тренерот Лазаров истакна дека е горд од изданиетот на неговиот тим и посочи дека ист пристап неговите играчи треба да имаат и во реваншот.
„Уште мислам дека тие се многу опасен тим кој игра модерен ракомет. Нивниот тренер игра многу брз ракомет, но ние бевме подготвени за нив. Секако дека ќе сакаме да победиме и таму. Предноста е голема, на чекор до следното коло сме, но мора да бидеме претпазливи““, изјави Лазаров.
Спорт
МЗТ го победи Работнички, дербито во сенка на дивеењето на навивачките групи
Фото/ facebook.com/kkmztskopje
МЗТ го победи Работнички со 70:56 во градската пресметка, која ја обележа дивеењето на навивчките групи.
Првата четвртина го покажа реалниот однос на силите во овој момент. По две минути игра резултатот беше 6:6, а потоа започна серијата на МЗТ од 22:0. По 10 минути игра МЗТ водеше 28:8.
Во втората, по три минути игра при резултат 30:13, започна дивеењето на навивачките групи „Фемили“ и „Сити Парк Бојс“. На паркетот беа фрлени петарди и чадни бомби. Кошаркарите се повлекоа во соблекувалните, а делегатото донесе одлука да бидат испразнети трибините каде се наоѓаа оние што го прекинаа натпреварот.
Откако навивачките групи беа отстранети од салата „Кале“, по 85 минути пауза натпреварот продолжи.
Копривица го предводеше МЗТ со 15 поени, а Ѓуровски со 12 беше најефикасен кај Работнички.