Спорт
(Видео) Клиперсите го пречекаа Јокиќ со коњски глави
 
																								
												
												
											Денвер Нагетс претрпеа тежок пораз од ЛА Клиперс (83:117) во третиот натпревар од првото коло од плејофот на Западот. По првиот натпревар во Лос Анџелес, во серија која се игра на четири победи, Клиперсите водат со 2:1.
Кај гостите, Никола Јокиќ беше најдобар. Актуелниот и трикратен МВП на најсилната лига постигна 23 поени (9/14 шут од игра) со по 13 скока и асистенции. Јокиќ беше најдобар играч на натпреварот во сите три најважни категории, но неговиот тим убедливо загуби.
The Clippers gave fans horse hats to distract Nikola Jokić😂😂 #MileHighPlayoffs pic.twitter.com/Q0ZetbeqOX
— Guerilla Sports (@guerillasports_) April 25, 2025
Пред натпреварот, Клиперси им обезбедија на најстрасните навивачи специјални реквизити наменети да го провоцираат најдобриот противнички играч. За навивачите кои се зад кошевите, во делот од гледалиштето познат како „Ѕидот“, на столчињата имаше плишани коњски глави.
Клиперси им делеа реквизити на навивачите за да го одвлечат вниманието на Јокиќ, особено кога ги изведуваше слободните фрлања свртен кон „Ѕидот“.
Оваа бизарна провокација е насочена кон Јокиќ бидејќи тој е голем љубител на коњи и сопственик на хиподром во неговиот роден Сомбор.
The horse distractions worked on Jokic 😭 pic.twitter.com/86jWAKN5U8
— BricksCenter (@BricksCenter) April 25, 2025
Ова не е прв пат Јокиќ да биде пречекан со ваков вид провокација кај Клиперс. Минатиот декември, додека шутираше слободни фрлања во Лос Анџелес, еден домашен навивач држеше транспарент на кој пишуваше „Тато, ми недостигаш“, а носеше маска на коњ.
Српските медиуми бурно реагираа на оваа „акција“ на Клиперсите.
„Телеграф“ пишува за неа под наслов „Срамна провокација за Никола Јокиќ: Коњски глави го пречекаа Србинот во Лос Анџелес, НБА не паменти вакво нешто“. Насловот на „Блиц“ е „Отворена провокација од Клиперси за Јокиќ! Погледнете што го пречека Србинот во Лос Анџелес, ова никогаш не е видено во НБА“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
НБА ја одобри продажбата на Лејкерси
 
														Управниот одбор на НБА едногласно ја одобри продажбата на мнозинскиот удел во Лос Анџелес Лејкерс на Марк Волтер.
„Се очекува трансакцијата да се затвори наскоро“, се вели во соопштението на НБА.
За една од најславните франшизи во НБА, Марк Волтер ќе плати приближно 10 милијарди долари, објави „ESPN“ во јуни.
„Марк Волтер има долгогодишна врска со нашите лиги, бидејќи беше малцински сопственик на Лејкерс и главен сопственик на WNBA Спаркс повеќе од 10 години. Бидејќи Марк ја презема функцијата мнозински сопственик на Лејкерс, не се сомневам дека ќе се истакне на таа позиција“, рече комесарот на НБА, Адам Силвер.
Семејството Бас, кое држи мнозински удел од 1979 година, ќе задржи приближно 15 проценти од тимот, а Џени Бас ќе остане на својата позиција како директор на клубот најмалку пет години.
Волтер е извршен директор на „TWG Global“, холдинг компанија која поседува бројни тимови, вклучувајќи ги Лос Анџелес Доџерс (бејзбол) и Лос Анџелес Спаркс (женска НБА). Вклучени се и тенискиот турнир „Били Џин Кинг Куп“ и тимот „Кадилак“, кои ќе се натпреваруваат во Формула 1 од следната година.
Лејкерс беа основани во Минеаполис во 1947 година, а потоа пред сезоната 1960/61 се преселија во Лос Анџелес, а во 1979 година ги презеде Џери Бас. Тимот стигна до плејофот на НБА 65 пати, освојувајќи 17 титули, една помалку од Бостон Селтикс.
Спорт
Меси заработува најмногу во Америка
 
														Американската асоцијација на играчи од МЛС (MLSPA) ја објави својата годишна листа на плати, а трета година по ред, Лионел Меси, ѕвездата на Интер Мајами, е на врвот.
Аргентинскиот магионичар го држи првото место со годишна плата од 20,45 милиони долари. Оваа сума не го вклучува неговото неодамнешно продолжување на договорот.
На второто место е Сон Хјеонг Мин, ас на Лос Анџелес, кој годишно заработува 11,15 милиони, додека клупскиот колега на Меси, Серхио Бускетс, е трет со 8,78 милиони долари. Четврти е Мигел Алмирон од Атланта со 7,87 милиони долари, додека петти е Ирвинг Лозано со 7,63 милиони долари.
Кога се гледа колку клубовите трошат за плати, Интер Мајами е далеку пред сите други.
Клубот офд Флорида на плати годишно издвојува 48,97 милиони долари, што е за 18,87 милиони долари повеќе од она што го издвојува Лос Анџелес. На третото место е Аталанта со 28,5 милиони долари.
Сепак, Интер Мајами ќе ослободи значаен дел од буџетот следната сезона, речиси 15 милиони долари, поради пензионирањето на Серхио Бускетс и Џорди Алба, што отвора простор за доведување нови ѕвезди.
Спорт
Микел: Салах беше многу блзок со Жота, затоа денес не личи на себе
 
														Поразот на Ливерпул од 3:2 кај Брентфорд ги остави актуелните шампиони седум бода зад лидерот во Премиер лигата, Арсенал, што покренува сомнежи за нивниот успех во одбраната на титулата.
Поранешниот играч од средниот ред на Челзи, Џон Оби Микел, верува дека проблемите на тимот се поврзани со емоционалните последици од трагичната смрт на Диого Жота во сообраќајна несреќа минатиот јули.
Зборувајќи во подкастот „The Obi One“, Микел рече дека смртта на Жота длабоко го погодила тимот, особено Мохамед Салах, кој бил особено близок со Португалецот. Тој нагласи дека фудбалерите поминуваат голем дел од своите животи заедно и дека загубата на соиграчите остава трајни емоционални лузни кои влијаат на перформансите.
„Не смееме да заборавиме дека во клубот се случи голема трагедија што никој не ја очекуваше. Како фудбалери, поминуваме повеќе време со нашите соиграчи отколку со нашите семејства бидејќи сме заедно во соблекувалната секој ден.
Загубата на толку важна личност секогаш ќе остави трага врз играчите. Не е важно колку добро ја започнале сезоната или колку се талентирани – нешто такво ве погодува емотивно и останува со вас.
Според мене, што и да се случува во клубот во моментов, емоциите се сè уште многу свежи. Кога ќе го погледнете Салах, кој беше многу близок со Жота, можете да видите дека тој е само бледа сенка од играчот што беше минатата сезона. Затоа мислам дека мора да бидеме повнимателни и поразбирливи кога го критикуваме овој тим на Ливерпул.“


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											