Спорт
(Видео) Кливленд Квалирс загубија добиен натпревар, им пресуди тројката на Халибартон

Кошаркарите на Индијана поведоа со 2:0 во победи против Кливленд во второто коло од плејофот на Источната конференција на НБА. Индијана славеше против Кавалирс со 120:119.Ова е прв пат Пејсерс да ги добијат првите два натпревари од плејоф серијата на гостински терен од 1994 година, кога го добија првото коло против Орландо.
Херој на Пејсерс, во победата над најдобриот тим во Источната конференција, беше Тајрис Халибартон, кој погоди тројка за победа на 1,1 секунда до крајот на натпреварот. Пејсерс во последните 47,9 секунди постигнаа осум поени и забеележаа уште еден брејк, пред да ја преселат серијата на дмашен терен.
Халибартон постигна 11 од своите 19 поени во последните 12 минути од натпреварот.
Откако Ендру Нембхард го пресече лошо изведениот аут на Макс Струс на 27,5 секунди до крајот, Индијана се обиде да дојде до потенцијално израмнување, Халибартон беше фаулиран, го погоди првото слободно фрлање, но го промаши второто, фати офанзивен скока, потоа издрибла до линијата за три поени и погоди за победа.
Арон Нембхарт и Мајлс Тарнер ја предводеа Индијана до победата со по 23 поени, а покрај Тајрис Халибартон 19 поени постигна Бенедикт Матурин.
На Кливленд не му помогна ниту брилијантниот Донован Мичел кој постигна 48 поени и девет асистенции, а се истакнаа и Макс Страс со 23 и Џарет Ален со 22 поени и 12 скока.
Серијата се игра на четири победи, а следниот натпревар е во ноќта помеѓу петок и сабота, а домаќин е Индијана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.