Спорт
(Видео) Клоп потврди дека ќе го напушти Ливерпул
„Знам дека ова ќе биде шок за оние што го слушаат првпат, но ќе објаснам. Или барем ќе се обидам“, изјави еден од најголемите менаџери во историјата на Ливерпул и откри дека ќе се повлече од функцијата на крајот од сезона по девет незаборавни години на „Енфилд“.
Германецот го презеде Ливерпул во 2015 година и со клубот ја освои Премиер лигата, Лигата на шампионите, ФА Купот и Лига купот.
Одлуката која ја шокираше јавноста ја обзнани преку видео порака која е објавена профилите на Ливерпул на социјалните мрежи.
„Сакам апсолутно сè што е поврзано со овој клуб, го сакам градот, нашите навивачи, тимот, го сакам персоналот. Но, фактот што ја донесов оваа одлука, покажува дека сум убеден дека морам да ја донесам. Тоа е дека, како да кажам, јас сум на крајот од моите сили. Сега немам проблем, очигледно, долго време знаев дека во одреден момент ќе треба да го објавам, но сега сум сосема добро.
Знам дека не можам да ја работам работата одново и одново и одново и одново. После годините поминати заедно и после сето време поминато заедно и после се што поминавме заедно, порасна почитта кон тебе, порасна љубовта кон тебе и најмалку што ти должам е вистината – и тоа е вистината. Толку“, изјави Клоп.
🚨💣 OFFICIEL ! 𝗝𝗨̈𝗥𝗚𝗘𝗡 𝗞𝗟𝗢𝗣𝗣 𝗔𝗡𝗡𝗢𝗡𝗖𝗘 𝗤𝗨'𝗜𝗟 𝗤𝗨𝗜𝗧𝗧𝗘𝗥𝗔 𝗟𝗜𝗩𝗘𝗥𝗣𝗢𝗢𝗟 𝗔̀ 𝗟𝗔 𝗙𝗜𝗡 𝗗𝗘 𝗟𝗔 𝗦𝗔𝗜𝗦𝗢𝗡 ! 👋pic.twitter.com/7a1ytFHKkG
— Actu Foot (@ActuFoot_) January 26, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи и Хојлунд постигнаа договор, на потег е Манчестер јунајтед

Расмус Хојлунд еден од непожелните играчи во системот на менаџерот Рубен Аморим е чекор поблиску до новиот клуб. До крајот на преодниот рок, Данецот, ќе го засили Наполи. Италијанскиот шампион мораше да реагира на пазарот откако се повреди Ромалу Лукаку.
Вчера, како што објавија италијанските медиуми, Наполи ги заврши клучните преговори. Со фудбалерот клубот го договорил должината на договорот и платата.
Манчестер јунајтед е информиран за сè, па трансферот е многу блиску до реализација. „Црвените ѓаволи“ нема да прават проблем бидејќи Хојлунд не е во плановите на менаџерот Аморим.
Хојлунд по две сезони ќе се врати во Серија А. Претходно го носеше дресот на Аталанта.
Спорт
Продолжува доминацијата на Маркез – Шпанецот ја освои пол-позицијата во Унгарија

Осумкратниот светски шампион Марк Маркез беше најбрз во квалификациите на патеката Балатон Парк во рамките на трката за Големата награда на Унгарија.
Марк Маркез ја продолжи доминацијата во „кралската класа“, во шест наврати го направи најбрзиот круг, а пол-позцијата ја освои со време 1:36.518.
Првиот ред, заедно со 32-годишникот од Сервера го комплетираа Италијанците Марко Бецеки (Априлија) и Фабио ди Џанантонио (ВР46).
Во третата минута од втората квалификациска рунда, Шпанецот Педро Акоста (Ред Бул) излета од патеката и не можеше да продолжи со натпреварувањето. Мотоциклот на 21-годишникот стана неупотреблив.
Енеа Бастијанини (Ред Бул), Франко Морбидели (ВР46) и Фабио Квартараро (Јамаха) ќе стартуваат од вториот ред, а Педро Акоста, Фермин Алдегер (Гресини) и Лука Марини (Хонда) од третиот.
Иако помладиот брат на Маркез, Алекс, го имаше 11-то најбрзо време во квалификациите, возачот на Гресини беше префрлен на 14-та позиција бидејќи, ден претходно заработи казна од три позиции поради блокирањето на Франческо Бањаја.
Тимскиот колега на Маркез од фабричкиот тим на Дукати, Франческо Бањаја, не успеа да ја помине првата квалификациска сесија.
Италијанецот, кој освои две титули по ред во елитното натпреварување, ќе стартува од 17-та позиција.
Foto/ EPA/Tamas Vasvari
Спорт
Заем со право на откуп – Родриго ќе заврши во Тотенхем

Според британските и шпанските медиуми, Тотенхем е блиску до договор со Реал Мадрид за позајмицата на Родриго.
На „Сантијаго Бернабеу“ го прифатиле моделот на позајмица со можност за откуп, а останува да се договори кој колку од платата ќе покрие и согласноста на играчот.
Клубовите се во постојан контакт за позајмица со опција за откуп, а Арсенал, Ливерпул и Манчестер сити претходно покажаа интерес за Бразилецот.
Родриго е во втор план кај новиот тренер Чаби Алонсо што отвори простор за излезен трансфер.
Како што се приближува крајот на преодниот рок, се очекува преговорите да се забрзаат, а исходот ќе зависи од условите на позајмицата и одлуката на самиот играч.
Според „Tрансфермаркт“, Родриго вреди 90 милиони евра. Тој е бразилски репрезентативец и има 24 години.
Foto/ EPA/Mariscal