Спорт
(Видео) Комичен авто-гол си постигна голманот на Блекбурн
Блекбурн во директен дуел за опастанок во лигата загуби со 1:3 од Шефилд Венздеј, во рамките на 44. коло, во Чемпионшип. Натпреварот го обележа третиот гол на гостите, односно автоголот на голманот на Блекбурн, Ајнсли Пирс.
При 2:1 за гостите во 64. минута Пирс прими ниска топка од соиграчот Доминик Хајам, но неговиот обид да ја исфрли топката напред беше толку слаб што топката доби чудна патека и тргна кон неговиот гол. Голманот имаше време да ја запре топката, но повторно се заплетка и Блекбурн го прими третот гол.
Блекбурн е во тешка ситуација по овој пораз, оддалечен е само три бода од 22. место кое води во Лига1.
И покрај победата, во тешка ситуација се наоѓа и Шефилд Венздеј, се наоѓа на 21. место со бод пред Бирмингем. Во претпоследното коло Блекбурн го пречекува Ковентри, додека Шефилд ќе му биде домаќин на Вест Бромвич Албион.
Couldn't goalkeeper Aynsley Pears have made the second move in this position?
Blackburn is in trouble!pic.twitter.com/ga6qhTeNAR
— FootColic ⚽️ (@FootColic) April 21, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Македонија ја оствари целта, победи во Рига
Фудбалската репрезентација на Македонија славеше во Рига против Летонија со 3:0 (1:0), во третото коло во Групата 4, во Ц-дивизијата во Лигата на нации.
Македонија во натпреварот против Летонија влезе како фаворит и таа улога играчите на Боби Милевски ја оправдаа на теренот.
Мрежата на Летонците прв ја погоди Атанасов во 35.минута, а конечниот резултат со деби голот во националниот тим го постави Ќамили во 70.минута. Фудбалерот на Сондерјиске на теренот влезе четири минути претходно.
— goals (@StefanDaskalov5) October 10, 2024
— goals (@goals9961429696) October 10, 2024
Точка на натпреварот стави Елмас во 93.минута, играчот на Лајпциг од 16 метри ја закова топката во летонскиот гол. Играчот на Лајпциг го постигна 13. гол во националниот тим.
— Live stream @FCStreamTV (@IgnaciaSma39875) October 10, 2024
Пп три кола Македонија има седум бода и е прва на табелата. За три дена македонските фудбалери ќе гостуваат кај Ерменија.
Спорт
Купмajнерс скрши ребро, го пропушта „Дербито на Италија“
Холанѓанецот Теун Купмајнерс скршил ребро, соопшти неговиот клуб, италијански Јувентус.
Италијанските медиуми објавија дека Копемајнерс може да отсуствува и до еден месец.
Поради ова, тој најверојатно ќе го пропушти дербито Интер на 27 октомври.
„Според наодите на лекарот, тој има мала скршеница на реброто на десната страна“, се вели во соопштението и се истакнува дека неговото враќање на теренот ќе зависи од неговото закрепнување.
Копмајнерс (26), кој летово пристигна од Аталанта Бергамо за 55 милиони евра, се повреди на натпреварот Јувентус-Каљари минатиот викенд (1:1).
Спорт
ПСЖ е воодушевен од најавената продажба на Париз на Ред Бул
Како што објави „Лекип“, Ред Бул се подготвува да го преземе парискиот фудбалски клуб со семејството Арно, а веста одекна во Франција бидејќи големото богатство на идните сопственици потенцијално ќе го промени фудбалот во Париз и низ целата земја.
Во Лига 1, од повеќе причини, нема градови кои имаат два клуба во лигата. Како што стојат работите оваа сезона, географски се најблиску Ница и Монако – ги делат околу 20 километри. Но, тоа може да се промени.
Париз вложи многу во тимот во текот на летниот преоден рок, а тоа полека но сигурно се исплати. Париз моментално е лидер во Лига 2. Доколку се случи најавеното преземање на клубот, семејството Арно и Ред Бул сигурно ќе имаат пари за високи амбиции.
Очекувано, реакциите на навивачите на Париз на оваа вест се позитивни, а ништо поразлично не е и кај потенцијалните градски ривали Пари Сен Жермен.
„Тоа е одлична вест. Тоа би било фантастично за Париз и за францускиот фудбал. Тоа би донело здраво ривалство во нашиот главен град на највисоко ниво“, изјави првиот човек на Пари Сен Жермен, Насер Ал Хелаифи за RMC Sport.