Спорт
(Видео) Кошаркарите на Партизан актери на жестока тепачка во Белград
Во голема тепачка во Белград наводно учествувале четворица кошаркари на Партизан.
Во ноќта помеѓу недела и понеделник, во Белград се случи голем инцидент и тепачка во која, според непотврдени информации, актери биле кошаркари на Партизан.
По тепачката, две лица се здобиле со полесни повреди, додека едно лице се здобило со тешки повреди, дознава „Спортал“.
Овој извор наведува дека биле вмешани Карлик Џонс, Стерлинг Браун, Исак Бонга и Френк Ниликина.
„Ги провоцираа девојките само затоа што беа во друштво на кошаркари. Ми се чини дека ги навредуваа и на расна основа, односно ги нарекуваа девојките со погрдни имиња и ги прашуваа што прават со момчиња со темна кожа. Потоа го напуштија клубот и ги чекаа кошаркарите надвор, каде што избувна општа тепачка“, изјави еден од очевидците за Спортал.
Спортал понатаму го опишува инцидентот:
„Полицијата добила повик околу 5:30 часот и излегла на теренот каде што пронашла тројца повредени мажи, М.К., Н.Ј. и Ј.К. Споменатите лица веќе дале изјава во полицијата и тврделе дека играчите на Партизан биле актери во тепачката. Брзата помош исто така реагирала, повредените млади мажи биле пренесени во Ургентниот центар. Ј.К. и Н.Ј. имале полесни повреди на главата, а М.К. скршен прст. Кошаркарите на Партизан не била на местото на настанот, но се очекува ди тие да дадат изјави за инцидентот.“
Никој од КК Партизан сè уште не проговорил за инцидентот.
Haos ispred noćnog kluba "Bank" rano ujutru u ponedeljak pic.twitter.com/FBR7wbKMNR
— sportsscandals (@sportsscandals1) May 5, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Волејот на Доргу му пресуди на Њукасл
Фудбалерите на Манчестер Јунајтед го победија Њукасл со 1:0 во 18-то коло од Премиер лигата.
„Црвените ѓаволи“, победија на „Олд Трафорд“ по повеќе од два месеци, беа во серија од три натпревари без победа.
Манчестер Јунајтед беше подобриот противник во првото полувреме и ги искористи шансите што им се укажаа.
Матеус Куња имаше шанса, но беше запрен од Рамсдејл, меѓутоа, неколку десетици секунди подоцна, по одбиена топка, Доргу фати волеј и ја „искина“ мрежата.
THAT VOLLEY FROM DORGU 😮💨🔥 pic.twitter.com/QVAi1hQWvZ
— Goals ⚽ 🥅 (@goalplus) December 26, 2025
Второто полувреме му припадна на Њукасл. „Страчките“ нападнаа, а Хол имаше одлична шанса кога ја погоди пречката.
Гостите можеа да израмнат на крајот од 90-та минута, кога топката стигна до Мајли во шеснаесетникот, но тој шутираше над пречката.
Со овој триумф, Манчестер Јунајтед ја презеде петтата позиција на табелата во Премиер лигата со 29 бода, додека Њукасл е 11-ти со 23.
Foto/ depositphotos
Спорт
Жестока казна за Марко, му рекол на судијата дека е „ку..ин сим“
Реал Мадрид во последниот меч во 2025 година, одигран минатиот викенд, ја победи Севилја со 2:0.
Гостите од Севилја од 68-та минута, играа со фудбалер помалку, кога Маркао го доби вториот жолт картон.
Бразилецот, потоа влезе во расправија со судијата Алехандро Муњиз Руиз, му рекол дека е „ку..ин син“, што судијата го нотирал во извештајот од натпреварот.
Шпанската фудбалска федерација му изрече жестока суспензија на фудбалерот на Севилја. Маркако ќе отсуствува во наредните шест натпртевари.
Во образложението стои дека по еден натпревар суспензија добил поради исклучувањето и неспортското однесување, а четири натпревари суспензија добил поради навреда упатена кон судијата.
Тој ќе ги пропушти средбите со Леванте, Селта, Елче, Атлетик Билбао, Мајорка и Џирона, и нема да му биде достапен на тренерот Матијас Алмеида до 15 февруари, кога Севилај ќе игра против Алавес.
Спорт
(Видео) Макаби среде Белград го прегази Партизан, Тајрик Џонс жестоко се расправаше со навивачите
Кошаркарите на Партизан доживеака уште еден дебакл во Евролигата. На домашен терен, загубија во 18-то коло од Макаи со 87:112.
Партизан, на овој меч повторно го собори негативниот клупски рекорд, прими најмногу поени во еден натпревар во Евролигата. Во претходното коло, црно-белите примија 109 поени.
На клупата на Партизан дебитираше Џоан Пењароа, а на теренот Камерон Пејн, кој со 15 поени беше најефикасен играч кај домашниот тим.
Навивачите, пред во текот и по натпреварот беа гласни во свирежите кон некои играчи и клупското раководство.
Во главна улога беше Тајрик Џонс, кој по завршувањето на натпреварот влезе во вербална и речиси физичка пресметка со навивачите.
Tajrik Džons se nakon meča Partizana i Makabija našao u raspravi s publikom.#kkp #kkpartizan pic.twitter.com/A9YthpP7e5
— Meridian Sport Srbija (@meridiansportrs) December 26, 2025
На Џонс не му се допаднаа свирежите, затоа беше во центарот на вниманието, покажувајќи му на некого од трибините да слезе и да се соочи со него.

