Спорт
(Видео) Кошмар за Македонија – од 2:0 до 2:3, Мудрик нè „уништи“

Македонија не успеа да сочува фантастично водство од 2:0 по првото полувреме, и загуби со 2:3 со Украина на „Тоше Проески“ во Скопје во второто коло од квалификациите за Европското првенство во 2024 година, во лоша најава за следниот меч, гостувањето кај Англија на „Олд Трафорд“ во Манчестер во понеделник.
Во првото полувреме, Македонија можеби не беше доминантна во играта, но ги контролираше случувањата на теренот и дојде до сосема заслужено водство. По играњето со рака на Матвиенко, и по проверката на ВАР системот во 31. минута, Енис Барди беше прецизен од белата точка за 1:0. Само осум минути подоцна го видовме најубавиот момент на мечот, кога ѕвездата на Наполи, Елиф Елмас постигна прекрасен гол за 2:0 и тотален шок на Украинците.
Но, второто полувреме тешко дека ќе се памети по убаво за навивачите на Македонија. Во 62. минута, по вториот корнер за гостите, дефанзивецот на Борнмут, Иља Забарниј ја натскока цела наша одбрана и го совлада Столе Димитриевски, за само шест минути подоцна, ѕвездата на Челси, Михајло Мудрик да му асистира на Јухим Конопља за израмнување.
„Колапсот“ во играта беше комплетиран во 73. минута, кога Висар Муслиу доби црвен картон, оставајќи не со 10 играчи, за Мудрик да покаже зошто Челси платија стотина милиони евра за него во 83. минута, кога го пронајде Виктор Циганков за 2:3.
На Малта, Англија немаше проблем за да стигне до убедлива 0:4 победа со еден автогол, два гола од пенал (Хери Кејн и Калам Вилсон) и гол од игра на Трент Александер-Арнолд.
Графика: Sofascore за Топспорт.мк
ЕУРО 2024 КВАЛИФИКАЦИИ, ГРУПА Ц
Македонија – Украина 2:3
Малта – Англија 0:4
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Договорено: Еламс се враќа во Наполи

Елиф Елмас по 18 месеци се враќа во Наполи. Трансфер инсајдерот, Фабрицио Романо, објави дека Наполи и Лајпциг ги договориле сите детали околу трансферот. Елмас во градот под Везув се враќа на позајмица.
Елмас, пред 18 месеци од Наполи замина во Лајпциг за 24 милиони евра, сега се враќа во Неапол. Наполи ќе ја плати позајмицата со 1,5 милиони евра, а по завршувањето на сезоната за околу 12 милиони евра ќе може да го откупи договор на Елмас.
Она што е најважно за Лајпциг е што Наполи во целост ќе ја преземе платата на македонскит репрезентативец, која на годишно ниво изнесува три милиони евра.
Foto/ EPA
🚨🔵⚪️ Elif Elmas to Napoli, here we go! Deal in place for loan with buy clause as Elmas returns to Napoli from RB Leipzig.
Elmas has agreed immediately to the move weeks ago as he only wanted Napoli ahead of other options.
Back. 🔙🇲🇰 pic.twitter.com/GLanIUiVDJ
— Fabrizio Romano (@FabrizioRomano) August 28, 2025
Спорт
Шкендија во продолженијата остана без Лига Европа

Фудбалерите на Шкендија есенва ќе се натпреваруваат во главната фаза во Конференциската лига. Фудбалерите на македонскиот шампион, во Разград паднаа во продолженијата. Лудогорец во регуларните 90 минути победи со 2.1, а во продолженијата Бугарите постигнаа уште два гола за конечни 4:1.
Лошото прво полувреме, во кое на противникот му дозволија да упати 14 удари кон голот, од кои шест одеа во рамките на голот, ги чинеше фудбалерите на Шкендија поволен резултат. Два оф тие шетс удари завршија во голот во првите 24 минути. Куртулус и Чочев беа стрелци во деветтата и 24 минута.
Во вториот дел Шкендија се спротивцтави на вистински начин, во 64.минута Тамба постигна гол за 2:1. Гаје имаше нестварна интервенција во 87.минута, а во следниот напад Тамба не реализира во ситуација еден на еден.
Во дополнителните 30 минути, Лудогорец постигна два гола преку текпетеј во 98. и Биле во 122.минута.
Шкендија ждрепката за Конференциската лига ќе ја чека од петтиот шешир. Ждрепката е во петок од 13 часот.
Foto/ EPA/GEORGI LICOVSKI
Спорт
Трансфер „бомба“ во Премиер лигата – Волтемаде во Њукасл за повеќе од 80 милиони евра

Итлијанскиот инсајдер Фабрицио Романо објави ексклузива дека Штутгарт ја прифатил понудата на Њукасл од 80 милиони евра, која со бонусите може да достигне 90 милиони, за германскиот напаѓач Ник Волтемаде (22).
Германскиот репрезентаивец е на пат кон Њукасл, кога ќе ги заврши медицинските тестови ќе потпише договор со „страчките“.
Напаѓачот висок 198 сантиметри, кој се покажа како вистински кошмар за стоперите минатата сезона, има закажан лекарски преглед за утре, а британските медиуми истакнуваат дека ова е шокантен развој на настаните со оглед на тоа што напаѓачот беше поврзуван со Баерн поголемиот дел од летото.
Оваа сезона, тој одигра два натпревари за Штутгарт, по еден во Купот и првенството, и постигна еден гол.
Волтемаде беше цел на Баерн во текот на целото лето, но Штутгарт одби повеќе понуди вклучувајќи ја последната од 60 милиони евра, инсистирајќи на поголема сума.
Поради ова веста за понудата на Њукасл претставува пресврт во однос на претходната позиција на Штутгарт дека продажбата нема да се случи во овој преоден рок.
Доведувањето на Волтемаде многу веројатно ја отвора и вратата за трансфер на Александар Исак, кој штрајкува веќе неколку недели и тренира одделно со цел да го напушти клубот и да се приклучи на Ливерпул, актуелниот шампион на Англија.
Foto/ EPA/ANNA SZILAGYI