Спорт
(Видео) Лафај со победа на ТдФ, трката се доближува до местата каде што има нереди

Французинот Виктор Лафај имаше фантастичен напад во финишот на втората етапа на Тур де Франс од Виторија Гастеиз до Сан Себастијан во Шпанија, пред од понеделник трката да навлезе во регионите на Франција каде што има нереди.
Белгиецот Вут ван Ерт беше фаворит за победа на етапата од 208.9 километри, но Лафај ги изненади сите со фантастичен спринт за да ја оствари првата етапна победа на Трката околу Франција за тимот на Кофидис од 2008 година. Словенецот Тадеј Погачар го освои третото место зад Ван Ерт. Британецот Адам Јејтс останува лидер во генерален пласман по победата на првата етапа.
По првите два дена во Баскија, ТдФ утре влегува во Франција и во текот на првата недела ќе влезе во големите градови Бјон, Дакс, Пау и Бордо, од кои во Бордо имаше повеќе уапсени во протестите поради полициското убиство на тинејџер со алжирско потекло минатата недела.
„Постојано сме во конакт со државните власти и ги следиме сите препораки. Немаме грижа дека ќе имаме проблем“, изјави директорот на ТдФ, Кристијан Прудом.
⏪Relive the final km of Stage 2 of the #TDF2023, where @victorlafay won by attacking under the flamme rouge
⏪Revivez le dernier km de la 2ème étape du #TDF2023, où @victorlafay a gagné en attaquant sous la flamme rouge! pic.twitter.com/xLryP6X00E
— Tour de France™ (@LeTour) July 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Полска доминираше во финалето на Лигата на нации

Полските одбојкари ја освоија Лигата на нации на FIVB по втор пат во историјата. Овој пат тоа го направија на завршниот турнир во Нингбо, Кина.
Избраниците на Никола Грбиќ убедливо ја победија Италија во големото финале со 3-0 во сетови – 25:22, 25:19, 25:14.
Најдобар играч за Полска на овој натпревар беше Вилфредо Леон со 16 поени. По него следуваа Камил Семењук со 13, а капитенот Јакуб Кочановски со седум поени.
За Италија, Даниеле Лавија беше најефикасен и единствен играч со двоцифрен број на поени со 11. Алесандро Мичиелето додаде седум поени.
Грбиќ, кој е селектор на Полска од 2022 година, го освои својот шести медал со оваа репрезентација, трето злато.
Тој го освои најбрилијантниот медал во 2023 година во Лигата на нации и на Европското првенство, сребро на Светското првенство во 2022 година и на Олимписките игри во 2024 година, и бронза во Лигата на нации во 2022 и 2024 година.
Да потсетиме дека третото место во Лигата на нации му припадна на Бразил, кој по пресврт ја победи Словенија со 3-1 .
Спорт
Милан сериозно заинтересирани за Дарвин Нуњез

Милан е заинтересиран за напаѓачот на Ливерпул, Дарвин Нуњез.
Раководството на Милан го контактирало уругвајскиот фудбалер и сериозно сака да го засили нападот со квалитетен играч.
Милан е заинтересиран и за Душан Влаховиќ, Арно Калимуенде и Расмус Хојлунд, но Нуњез е прв избор на клубот од Милано.
Уругвајецот одигра 30 натпревари во Премиер лигата минатата сезона, постигна пет гола и имаше две асистенции.
Ливерпул го доведе напаѓачот Уго Екитике ова лето и се обидува да го доведе Александар Исак од Њукасл, па затоа е подготвен да слушне понуди за Нуњез.
Саудискиот Ал Хилал е исто така заинтересиран за Нуњез, но клубот не испратил официјална понуда.
Спорт
Флорентино Перез сака да ги дознае плановите на Винисиус

Реал Мадрид ќе се врати на тренинзите во клупскиот камп во понеделник, но темата за Винисиус Јуниор (25) сè уште не ги напушта насловите страници. Проблемот со Винисиус лежи во несовпаѓањето помеѓу неговите зборови и постапки, според шпанските медиуми специјализирани за настаните во Реал. Имено, додека за време на турнејата во Соединетите Американски Држави јавно ја изрази својата желба да остане во клубот долгорочно, неговото однесување сугерира спротивно, според шпанските новинари.
Претседателот на Реал, Флорентино Перез, планира лично да се појави во клупскиот камп во Валдебебас следната недела, каде што, покрај посетата на тимот, ќе разговара и со Винисиус, објавува „Дефенса Централ“.
Причината е информацијата што протече во јавноста во последните недели, а се однесува на наводната желба на Бразилецот да има иста или поголема плата од Килијан Мбапе.
„Перез, познат по блискиот однос со Винисиус, сака да има искрен, личен разговор лице в лице со играчот за да дознае од прва рака што всушност планира и како ја гледа својата иднина“, пишува „Дефенса Централ“.
Според истиот извор, претседателот верува дека Винисиус грешил с тајмингот кога ги испорачал барањата.
Неговата моментална форма е далеку од онаа што го стави во конкуренција за Златната топка. Затоа Перез планира да го советува прво да го подигне нивото на својата игра на препознатливо ниво, а дури потоа повторно да седне на маса и да разговара за евентуално продолжување на договорот што трае до јуни 2027 година.