Спорт
(Видео) Леао и Милан му го расипаа дебито на Лукаку за Рома
Ромелу Лукаку доби херојски пречек од страствените навивачи на Рома на „Олимпико“, но во својот прв меч за „волчицата“ тој и Жозе Мурињо мораа да се задоволат со 1:2 пораз од Милан, кои пак, ја почнуваат сезоната со три победи во низа промовирајќи се во сериозни кандидати за скудетото.
Само по девет минути игра во Рим беше досуден оправдан пенал за гостите, кој Оливие Жиру сигурно го реализираше за рано водство. Но, најдобриот потег на мечот следуваше во 48. минута, кога Рафаел Леао постигна прекрасен гол кога беше во пад во шестнаесетникот на противникот.
⚽️🇮🇹 GOAL | AC Milan 2-0 AS Roma | Rafael Leao
What a fantastic goal from Rafael Leao. 🤩✨pic.twitter.com/fzDNVF3zMw
— Tekkers Foot (@tekkersfoot) September 1, 2023
Надеж на „романистите“ дека е можен камбек дојде во 61. минута, кога втор жолт картон доби Фикајо Томори за домаќините да имаат играч повеќе, а во 70. минута Лукаку доби шанса да влезе во игра на местото на Стефан Ел Шарави. И покрај теренската доминација и предност на играч повеќе, домаќините не успеја да постигнат гол до 92. минута, кога Леонардо Спинацола успеа да го совлада Мајк Мањон за нервозни последни минути.
За Рома ова е крајно разочарувачки старт на шампионите со едно реми и два порази во првите три кола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024