Спорт
(Видео) Леверкузен во 90. минута ја испушти победата во Бремен
Фудбалерите на Вердер Бремен и Баер Леверкузен ремизираа во Бремен 2:2 во последниот натпревар од саботната програма од осмото коло на германската Бундес лига.
„Фармацевтиците“ двапати водеа со головите на Виктор Бонифас во 30. минута и автоголот на Феликс Агу во 77. минута.
Но, домашните двапати се враќаа преку Марвин Дукш во 74. минута и Роман Шмид во 90. минута.
Баер е третопласиран со 15 бодови, пет помалку од лидерто Лајпциг, а Вердер е деветти со три бода помалку.
Во следното коло Вердер ќе гостува во Менхенгладбах, додека Баер ќе го пречека Штутгарт во дербито на деветтата рунда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Блиц-криг на Левандовски, Барселона среде Мадрид го декласира Реал
Барселона го декласира Реал на „Сантијаго Бернабеу“ со 4:0 во 11.коло во Ла Лига. Тимот на Ханси Флик сега има шест бода повеќе од Реал на првата позиција на табелата.
Барселона ги соголи сите проблеми на Реал и нефункционалноста во нападот меѓу Винисиус Жуниор и Килијан Мбапе. Најголемото засилување за Реал во летниот преоден рок, Мбапе промаши две добри шанси во вториот дел при резултат 0:2, но тешко излегуваше на крај со дефанзивците на Барселона кои шест пати го „уловија“ во офсајд.
Винисису пак во првото полувреме поради себичноста ја упропасти најдобрата шанса на Реал кога резултатот беше 0:0.
Барселона откако го иконтролира првото полувреме, во вториот дел го декласра противникот.
Блиц-криг на Роберт Левандовски во 54. и 56.минута. Полјакот дојде до 12. и 13. гол во првенството. Во нареднките 15 минути Левандовски не реализираше две чисти шанси.
Дебаклот на Реал го комплетираа Ламин Јамал во 73. и капитенот Рафиња во 84.минута.
Спорт
Чави води преговори со Манчестер јунјатед, побарал да му го донесат Рафиња
Чави Ернандез од крајот на минатата сезона е без работа. Легендата на Барселона го напушти клубот, а на неговото место дојде Ханси Флик.
Тиражниот каталонски „Спорт“, вечерва одјави дека Чави е главен кандидат да го наследи Ерик Тен Хаг во Манчестер јунајтед.
Изворите за „Спорт“ велат дека неговите менаџери веќе се сретнале со претставници на Манчестер јунајтед, каде двете страни ја претставиле својата визија и имале контруктивни разговори.
Од друга страна „Фихаес“ пренесува дека Чави имал интересно барање во текот на разговорите. Тој би сакал да го види Рафиња од Барселона во Манчестер јунајтед.
Бразилецот пред неколку дена постигна хет-трик во Лигата на шампионите против Баерн Минхен, тој е еден од капитените на Барса и еден од омилените играчи на тренерот Флик.
Според овој извор, Барселона нема да се противи на продажбата на крилниот напаѓач, но само доколку понудата е вредна 100 милиони евра. Доколку и успеат преговорите трансферт би можел да биде реализиран дури наредното лето.
Спорт
Ти Џеј Шортс МВП на 5. коло во Евролигата
Кошаркарот на Париз, Ти Џеј Шортс е најкорисен играч (МВП) на петтото коло во Евролигата, објавено е денеска на официјалниот сајт на елитното европско натпреварување.
Париз пред два дена го совлада Монако во петтото коло од Евролигата со резултат 87:80, а на овој меч блескаше Американецот со македонски пасош. Шортс за 29 минути игра постигна 28 поени, 10 асистенции и четири скока, над него беа направени девет прекршоци, што му донесе вкупен индекс 38.
TJ Shorts stays HOT ♨️
'MVP of the Round' goes to the @ParisBasketball dynamic guard who had a crazy statline in the French Derby 📈
28 PTS | 10 AST | 38 PIR
MVP of the Round I @PaniniAmerica pic.twitter.com/duUnbYIA6g
— Turkish Airlines EuroLeague (@EuroLeague) October 26, 2024
На второто место е кошаркарот на Партизан, Тајрик Џонс, кој во поразот на црно-белите од Виртус (69:70), имаше учинок од 20 поени, шест скока и пет украдени топки, што беше доволно за индекс 32.
На третото место е поранешниот кошаркар на Црвена Звезда, Факундо Кампацо, кој сега во дресот на реал против црвено-белите индекс 30 во победата 95:72.