Ерлинг Халанд (24) ќе отсутвува најмалку еден месец во чувстилениот дел од сезоната, кога неговиот тим се бори за пласман во Лигата на шампионите и трофејот во ФА купот. Норвешкиот напаѓач, со помош на патерици го напушти стадионот „Виталити“ во Бормут, во неделата.

„Манчестер сити може да потврди дека Ерлинг Халанд заработи повреда на левиот скочен зглоб. Норвешкиот напаѓач се повреди за време на четвртфиналето на ФА Купот во неделата на гостувањето кај Борнмаут. Ерлинг ги имаше првите лекарски прегледи во Манчестер во понеделникот наутро и сега ќе побара стручно мислење за да се утврди степенот на повредата. Се очекува Ерилнг да биде подготвен за финишот на сезоната и дека ќе настапи на Светското клупско првенство. Сите во клубот му посакуваат брзо закрепнување, а клубот редовно ќе известува за напредокот на неговата рехабилитација“, пишува во клупското соопштени.

По натпреварот со Борнмаут медиумите го прашаа Пеп Гвардиола колку е сериозна повредата, но тој тогаш немаше одговор на тоа прашање.

„Го видов на масата за масажа по натпреварот, но не разговарав со него или со докторот. Не знам колку е сериозна повредата”, изјави Гвардиола во неделата.

Халанд оваа сезона постигна 30 гола за Сити на 40 натпревари.

Американската МЛС лига одлучи да му забрани на телохранителот на Лионел Меси да влегува на теренот за време на натпреварите.

„Болавип“, наведува дека ваквата забрана е мотивирана од тоа што секој стадион има обезбедување на кое не му е потребна дополнителна помош.

Телохранителот на Меси неколку пати беше во центарот на вниманието, во ситуации кога фанови влегуваа на теренот за да се фотографираат со напаѓачот на Интер Мајами.

„Веќе не ми е дозволено да влегувам на теренот. Работев во Европа седум години, во Лига 1 и Лигата на шампионите. За тоа време, само шест луѓе влегоа на теренот. Откако дојдов во САД, имаше 16 обиди за само 20 месеци. Овде постои голем проблем. Проблемот не сум јас. Дозволите ми да му помогнам на Лео. Ја сакам МЛС, но мораме да работиме заедно. Сакам да помагам. Не сум подобар од никого, но имам искуство од Европа. Секако ја разбирам одлуката на лигата“, изјави Јасин Чеуко.

Sign Lionel Messi's security guard up for Trump security detail!
Wow!pic.twitter.com/5rLmy40fHx

— Dana Simmens 🇺🇲 (@simmens_dana) December 13, 2024

Телохранителот на Меси е поранешен припадник на специјалните единици на Армијата на САД со борбено искуство во Ирак и Авганистан, но и учесник во неколку ММА борби.

Сезоната на Милан се заканува да биде целосно фијаско и јасно е дека по завршувањето на сезоната ќе бидат направени сериозни промени, особено во спортскиот сектор. Според италијанските медиуми, Јувентус има намера да го ангажира актуелниот спортски директор на Тотенхем, Фабио Паратичи.

Паратичи стана надалеку познат како еден од креаторите на последниот моќен Јувентус. Оној кој освои девет последователни скудета меѓу 2012 и 2020 година и во тој период два пати играше во финалето на Лигата на шампионите.

Заедно со легендарниот Бепе Марота беше задолжен за трансферите, а имаше и одлучувачка улога во доведувањето на Кристијано Роналдо. Тој помина 11 години во „Старата дама“ од 2010 до 2021 година кога се пресели во Тотенхем.

Во Лондон како тренер го донесе Антонио Конте. Сепак, покрај тоа што досега Тотенхем не освои ниту еден трофеј, неговиот престој во Лондон го искомплицира суспензијата што ја доби во март 2023 година, поради што поднесе оставка од директорската функција.

Сепак, тој се уште е под договор со лондонскиот клуб, но се чини дека двете страни одамна се подготвени да се разделат.

Милан под товарот на лошите резултати и неуспешната трансфер политика се сврте кон искусен оперативец. Медиумите во Италија пренесуваат дека Паратичи е многу заинтересиран следната сезона да седне на местото спортски директор на седумкратниот европски шампион.

Во моментов, функцијата спортски директор во Милано ја извршува извршниот директор Џефри Монкада, кој е надгледуван од Златан Ибрахимовиќ како советник на челникот Џороџо Фурлани.