Спорт
(Видео) Луда завршница во Индијанаполис, Јанис трагичар во поразот на Милвоки
Индијана Пејсерс во драматичен меч славеа победа над Милвоки Бакс 115:114. Пејсерси на три секунди до крајот на мечот губеа со три поени разлика, Халибартон погоди тројка под фаул, а потоа го реализираше слободното фрлање.
Неверојатно е како Милвоки ја испуштија победата на теренот на Индијана Пејсерс. На три секунди Јанис Адетокумбо го фаулираше Халибартон, кој погоди тројка. Потоа ладнокрвно го реализира и слободното фрлање за триумф на Пејсерс 115:114.
TYRESE HALIBURTON OH MY GOODNESS!!!!
FADING TRIPLE TO TIE IT AND THE FOUL 🔥🔥
Get to TNT for the final seconds of Bucks/Pacers! pic.twitter.com/o3Pr7qFRw9
— NBA (@NBA) March 12, 2025
TYRESE HALIBURTON VIRA O JOGO COM O LANCE LIVRE
GIANNIS ANTETOKOUNMPO ERRA O ÚLTIMO ARREMESSO
VITÓRIA HEROICA DO INDIANA PACERSpic.twitter.com/IG7YFwPXyD
— NBA do Povo 🏀🇧🇷 (@NBAdoPovo) March 12, 2025
Интересно е тоа што Халибартон не одигра добар меч, погоди само четири пат од поле. Го заврши натпреварот со 14 поени и 10 асистенции.
Клучот за победата на Пејсерс можеби лежи и во тоа што седум кошаркари беа двоцифрени. Паскал Сијакам постигна 25 поени (12 скока и пет асистенции), Бенедикт Матурин додаде 17 од клупата, Ти Џеј Меконел постигна 12, Мајлс Тарнер 14 …
Најефикасен кај Милвоки беше Брук Лопез со 23 поени. Јанис додаде 19 поени, заедно со 17 скока и седум асистенции, Торијан Принс 18, Демијан Лилард 15.
Кливленд Кавалирс ја постигнаа 15. победа во низа и 55. во сезоната, со што дополнително се зацврстија на првото место во Источната конференција. Бруклин одиграа извореден меч, но не успеаја да го победата лидерот и покрај тоа што на полувреме водеа со 15 поени разлика.
Блескаше Дариус Гарланд, кој постигна 18 од своите 30 поени во последната четвртина.
Ова е втор пат оваа сезона Кливленд да има 15 победи во низа. Кавси се на пат да го постигнат најдобриот резултат во лигата во историјата на франшизата. Тие станаа седмиот тим во историјата на НБА кој стигнал до 55 победи во првите 65 натпревари.
Покрај најефикасниот Граланд (кој на 30-те поени додаде осум асистенции и четири украдени топки), кај домаќините вечерва се истакнаа и Џерет Ален со 23 поени и 13 скока и Еван Мобли кој постигна 21 поен, подели шест асистенции и фати девет топки.
Кај Нетс, Кам Томас беше многу подобар од останатите со 27 поени.
Лос Анџелес Клиперс загубија од Њу Орлеанс со 120:127.
Најдобри играчи на Клиперси беа Кавиј Ленард и Џејмс Харден. Првиот постигна 29 поени, вториот 25 и забележа 17 асистенции. Ивица Зубац имаше учинок од 19 поени, 11 скока.
Пеликанс ги предводеа Си Џеј Меколум со 23 (5/9 за три), Зион Вилијамсон забележа трипл-дабл со 22 поени, 12 скокови и 10 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.

