Спорт
(Видео) Лудница на Ју-ес опен, Медведев дивееше, загуби добиен меч

Рускиот тенисер Данил Медведев дожевае елиминација во првото коло за третиот Гренд слем по ред.
Во спектакуларен натпревар, кој траеше речиси четири часа, Медведев загуби од Французинот Бенџамин Бонзи со резултат 3-2, на стартот на Ју-ес опен.
Бонзи победи со 6:3, 7:5, 6:7 (5), 0:6, 6:4 и во следната рунда ќе игра против Американецот Маркос Жирон.
Медведев избегна елиминација во три сета, успеа да спаси меч топка во третиот сет на нестварен начин.
Прво, фотограф влезе на теренот, по што Медведев полуде и влезе во расправија со судијата, кој му даде на Бонзи нов прв сервис. Прекинот траеше пет минути, доволно за моментумот да се сврти, а Медведев направи брејк.
„Што рече Рајли Опелка? Судијата заработува пари по натпревар, а не по час. Судијата сака да си оди дома“, што предизвика лавина од реакции на трибините.
Daniil Medvedev was visibly upset after a camera person walked on the court at match point. pic.twitter.com/5wnVf2GSFm
— ESPN (@espn) August 25, 2025
Преку тај-брејк, тој го обезбеди четвртиот сет, а потоа во четвртиот го декласира противникот, го доби сетот со нула.
Тој имаше сè во свои раце и во решавачкиот сет, дупли брејк, можеше да стигне до третиот, но во маратонскиот седми гем Бонзи спаси пет шанси за брејк.
out of context daniil pic.twitter.com/VdAxCgmhBB
— Set Tenis (@settenisok) August 25, 2025
Казната за Медведев дојде во 10-от гем, во кој Бонзи ја искористи меч-топката за пласман во следната рунда.
На крајот, Данил, во очај, почна да го крши рекетот, а однесувањето и гестикулациите, за кои долго ќе се зборува ги имаше и за време на самиот дуел.
Daniil Medvedev looking totally distraught after his loss to Bonzi at the U.S. open.
He’s smashing his racquet and just sitting on the court.
Brutal loss to swallow.
— The Tennis Letter (@TheTennisLetter) August 25, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Комо и Нико Паз одбиле 70 милиони евра од Тотенхем

Нико Паз, Аргентинец роден во Шпанија, постигна гол и запиша асистенција во победата на Комо од 2:0 над Лацио. Неколку часа по завршувањето на вчерашниот натпревар, се појави веста дека тој и Комо одбиле профитабилен трансфер во Тотенхем.
Тотенхем очајно бара офанзивен играч од средниот ред по заминувањето на Сон и повредата на Медисон.
Долго траат преговорите со Манчестер сити за Савињо, Арсенал го „киднапираше“ Езе, па Спарс мора да бараат други решенија.
Се обидоа со Комо со Паз, но не успеаја. Понудија 70 милиони евра, но Комо категорично одби. И фудбалерот не е расположен да ја напушти Италија.
Првенствено затоа што неговите амбиции се поврзани со Реал Мадрид, за што и постои клаузула во неговиот договор.
Имено, Реал може да ја изедначи секоја понуда што Комо ќе ја прифати, а исто така во летото 2026 година, тие имаат право да купат од Комо за само 10 милиони евра.
Сепак, уште порано, „кралскиот клуб“ на џентлмени го информираше Комо дека може да смета на поголема отштета. Фудбалерот никогаш не криел дека желба му е да се врати на „Бернабеу“, па Тотенхем објективно немаше шанси и покрај богатата пнуда да го реализира овој трансфер.
Спорт
Ристовски на „Инстаграм“: Добредојдовте во аматерската Премиер лига (да живее Тито)

Во петтото коло од Премиер лигата на БиХ, Сараево претрпе тежок пораз на гостувањето кај Борац во Бања Лука. Екипата чии дрес го носи поранешниот капитен на фудбалската репрезентација на Македонија, Стефан Ристовски, загуби со 5:1.
Медиумите пишуваат дека натпреварот го обележа судењето на Сабри Топаловиќ. Најмногу контроверзии предизвика поништениот гол на Сараево за 2:2. ВАР процени дека на почетокот на акцијата Михаел Млинариќ играл со рака.
Можете да ја погледнете ситуацијата на видеото од 5:42.
Ситуацијата стана уште покомплицирана во 64-та минута, кога Момоду Џата беше исклучен при резултат 2:1.
Стефан Ристовски ги одигра сите 90 минути за Сараево. По натпреварот објави на Инстаграм: „Добредојдовте во аматерската Премиер лига. (Да живее Тито)“, напиша тој, а набрзо ја избриша објавата. Ристовски јасно го изрази своето незадоволство од судењето.
Фото/ Принтскрин
Спорт
(Видео) Навивачите на Јунајтед бесни на капитенот: Пратете го тој никаквец во Арабија

Навивачите на Манчестер јунајтед ги искажаа своите фрустрации на социјалните мрежи откако Бруно Фернандеш промаши пенал против Фулам.
Капитенот на „црвените ѓаволи“, шутираше високо над голот, што предизвика лавина од коментари и критики на социјалните медиуми. Во дел од коментарите се бара одговорност од лидерот на тимот, некои му порачаа да си змаине.
„Ова е најлошото промашување од пенал што сум го видел. Дали замина на месечината затоа што таму гаѓаше!! Срамно и понижувачки, ова не е доволно добро.“
„Испратете го тој клошар во Арабија“
„Пукаше кон ѕвездите, падна на месечината. Бруно Фернандеш“
„Бруно Фернандеш, ова не е рагби“.
„Манчестер јунајтед мора да продолжи понатаму без Бруно Фернандеш. Тој го носи клубот наназад“
Контроверзноста беше засилена со видео од моментот пред да биде изведен пеналот. Фернандес тврдеше дека судијата случајно го допрел и ја му нарушил рутината, и рече дека отсуството на извинување дополнително го вознемирило. Тој истакна дека промашувањето не се должи на неговата техника на шутирање, но го нагласи психолошкиот ефект бидејќи судијата му ја нарушил рутината.
Натпреварот заврши нерешено 1:1. Јунајтед поведе преку автоголот на Родриго Муниз, а Емил Смит Роу израмни неколку минути по влегувањето во играта.
Фото/ Принтскрин