Спорт
(Видео) Лукас Васкез одигра нестварен меч, Белингем во 91.минута го реши Ел Класико

Реал Мадрид ја победи Барселона со 3:2 и на шест кола до крајот на сеозната стекна предност од 11 бода во однос на најголемиот ривал. Реал победи со голот на Џуд Белингем во 91.минута. Блескаше на натпреварот Лукас Васкез, изнуди пенал, го постигна голот за 2:2 и на крајот му асистираше на Белингем.
Стартот на мечот им припадна на гостите од Барселона. Кристенсен во шестата минута го шокираше „Сантијаго Бернабеу“. Данецот ја искористи лошата проценка на голманот Лунин и го постигна 300. гол за Барселона во пресметките со Реал.
Две минути подоцна Винисиус промаши чиста шанса.
Во 18.минута Винисиус изедначи од пенал. Претходно Лукас Васкез со прекрасен дриблинг го осфрли од игра Кансело, а потоа се закачи за ногата на Кубарси.
Во 30.минута спорен момент, која ВАР го проверуваше неколку минути, на крајот пресуди дека топката по обидот на Ламине Јамал не ја минала гол линијата со целиот обем.
Вториот дел започна бавно и во такво темпо се играше до 70.минута, кога Фермин Лопез ја врати предноста на Барселона. Каталонците водеа само три минути, кога по асистенцијата на Винисиус, играчот на натпреварот Лукас Васкез изедначи на 2:2.
И во оваа ситуација очајна реакција во одбраната имаше Жоао Кансело, кој стоеше премногу далеку од својот човек.
И кога сите очекуваа крај на натпреварот, Дијаз повлече една топка, го проигра Васкез, а овој упати иделан центаршут до Белингем кој стави точна на Ел Класико и на шампионската трка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Очоа ќе брани за АЕЛ Лимасол

Гиљермо Очоа има сериозни планови да настапи на Светското првенство во 2026 година.
Искусниот мексикански голман потпиша за АЕЛ од Лимасол и ќе биде во натпреварувачка форма пред Светското првенство следната година.
Очоа дебитираше за Мексико пред точно 20 години. Препознатлив е по своите наверојатни партии на најголемото фудбалско натпреварување, а сега доаѓа на Кипар, за прв пат во кариерата.
Очоа претходно го носеше дресот на Клуб Америка, Ажаксио, Малага, Гранада, Салернитана.
Забележа над 150 настапи за мексиканската репрезентација, а учествуваше и на Светските првенства во 2006, 2010, 2014, 2018 и 2022 година.
Foto/ ael.com.cy
Спорт
Слот зборуваше за Исак, но и за неуспешниот трансфер на Гуеи

Арне Слот одржа прес конференција пред натпреварот со Барнли во Премиер лигата. Видно располоѓен, Холанѓанецот одговараше на прашањата поврзани со Александер Исак и Марк Гуеи.
Слот е задоволен од фактот што Александар Исак се врати во Англија по репрезентативната пауза подготвен за игра. Швеѓанецот долго време не одиграл официјален натпревар, па затоа постоеше ризик од повреда.
Поради ова причина Слот го пофали селекторот на Шведска, Јон Дал Томасон:
„Шведскиот тренер заслужува огромен комплимент. Одигра два важни натпревари, а го имаше еден од најдобрите, ако не и најдобриот напаѓач на клупата, но знаеше дека ако Исак играше двапати по 90 минути, ќе се повреди и тоа би значело дека нема да биде на теренот неколку недели.“
"The Swedish manager Jon Dahl Tomasson deserves a big big big compliment" 👏
Arne Slot on if Alexander Isak is ready to make his Liverpool debut for Burnley, after playing with Sweden during the international break pic.twitter.com/XBlT795zjS
— Sky Sports News (@SkySportsNews) September 12, 2025
Слот зборуваше и за неуспешниот трансфер на Марк Гуеи во Ливерпул:
„Би било лудо ако негирам дека бевме блиску до неговиот трансфер. Такви работи се случуваат во фудбалот. Сакавме да го доведеме, се обидовме, но не успеавме.“
Ливерпул ќе го пречека Барнли во Премиер лигата во недела од 15:00 часот, а се очекува Исак да дебитира за клубот од „Енфилд“.
Фото/ Принтскрин
Спорт
Синот на Роналдињо во Чемпионшип

Синот на славниот Роналдињо, Жоао Мендеш (20) потпиша едногодишен договор со англискиот клуб Хал.
Англискиот клуб, член на Чемпионшип, со пораката „Добредојде Жоао“, го официјализираше трансферот на фудбалерот кој ќе се обиде да се докаже во нова средина.
Досега, Жоао не играше сериозен фудбал во континуитет.
Претходната сезона ја помина во Барнли, без ниту еден настап, не регистрираше ниту еден натпревар за сениорите (играше за тимот до 21 година), па ги напушти редовите на новиот член на Премиер лигата по само една сезона.
Претходно, како јуниор, играше за бразилските клубови Фламенго, Боависта, Васко да Гама и четири сезони за Крузеиро. Својата европска кариера ја започна во Барселона, каде што не ја помина пробата.
Фото/ Принтскрин