Спорт
(Видео) Мајсториите на Дамфрис ја решија Аталанта, Интер на чекор до трофејот во Суперкупот

Фудбалерите на Интер се пласираа во финалето на италијанскиот Суперкуп. На „Конгдом арена“ во Ријад, актуелниот италијански шампион ја победи Аталанта, во првото полуфинале со 2:0 (0:0). Херојот на Интер е десниот бек, Дензел Дамфрис кој ги постигна двата гола.
Симоне Инзаги го испрати најсилниот тим на теренот, Џанпјеро Гасперини ротираше, Интер беше доминантен во првото полувреме, Лаутаро Мартинез промаши буквално се, а Карнесеки блескаше на голот на Аталанта.
Вториот дел му припадна на Дензел Дамфрис, кој покажа дека може да биде исклучително опасен во нападот.
Се играше во 49. минута кога Бисек со глава ја спушти топката во шеснаесетникот по корнер од десната страна, а таму Дамфрис го доби дуелот со Скалвини, ја прими топката на гради, со грб свртен кон голот, а потоа го фати „ножички“ и мајсторски ја погоди мрежата, за 1:0.
Во 61. минута Бисек во сопствениот шеснаесетник му ја одзеде топката на Адемола Лукман и иницираше молскавичен контранапад кој со прекрасен удар од 18 метри го заврши Дамфрис.
Во последните 30 минути Аталанта нападна со сите „оружја“, голот на Едерсон беше поништен по интервенција од ВАР собата, а потоа голманот на Интер, Зомер му одбрани зицер на Џимшити.
Интер ќе се бори за првиот трофеј во сезоната со победникот од натпреварот Јувентус – Милан кој се игра утре исто така во Ријад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Матеус: Баерн ќе го елиминира Интер

Лотар Матеус верува дека Баерн Минхен и покрај поразот од Интер (1:2) на првиот натпревар сепак ќе продолжи понатаму.
„Цврсто верувам дека Баерн оди понатаму! Вистина е дека „Сан Сиро“ има посебна моќ, но кога се работи за Баерн, играњето на противничкиот стадион, пред противнички навивачи, секогаш носи посебна мотивација“, изјави Матеус.
Тој смета дека Интер не може двапати да се „провлече“.
„Дури и минатата недела во Минхен можеше да се види дека Баерн е подобар тим. Единствениот проблем е, како и против Дортмунд, што не успеваат да ги искористат шансите. Ако успеат, Баерн ќе успее да ја анулира негативата од еден гол. На првиот натпревар решија ситници. Хари Кејн ја погоди стативата, не му оди најдобро во последно време, но не верувам дека е во криза. Знае тој што треба да направи за да постигне гол“.
На крајот, Матеус изјави дека резултатот од натпреварот на стадионот „Џузепе Меаца“ ќе биде 3:1 за Баерн.
Спорт
Емери: Рашфорд и Воткинс нема да го формираат напаѓачкиот тандем против ПСЖ

Менаџерот на Астон Вила, Унаи Емери, изјави дека неговите играчи Маркус Рашфорд и Оли Воткинс нема да играат заедно во нападот на претстојниот реванш од четвртфиналето на Лигата на шампионите против Пари Сен Жермен.
„Следниот чекор, ако имам време, ќе биде тој да играат заедно, но двајцата да бидат во врвот на нападот. Тоа е следниот чекор. Сакам да го пробам тоа. Сакам да тестирам, но не сега, кога ќе имам доволно време“, изјави Емери на прес конференцијата.
Астон Вила во вторник од 21 часот ќе ги пречека „светците“ во реванш четвртфиналето на Лигата на шампионите во Бирмингем.
Англискиот клуб загуби со 1:3 во првиот натпревар на гостински терен во Париз.
Рашфорд и се приклучи на Астон Вила на позајмица од Манчестер Јунајтед на 2-ри февруари, досега постигна три гола на 14 натпревари, додека Воткинс е најдобар стрелец на клубот од Бирмингем оваа сезона со вкупно 15 гола.
Емери рече дека има план за реваншот против ПСЖ и додаде дека е клучно секој од неговите играчи да знае и да ја разбере својата задача на теренот.
Спорт
(Видео) Ѓоковиќ: Меси е Г.О.А.Т

Новак Ѓоковиќ имаше интересна задача да избере кој според него е најдобар спортист на сите времиња.
На српскиот ас му беа понудени великани од сите спортови, по системот на елиминација го избра најдобриот.
Еве како изгледаше.
„Брејди или Џордан“
„Ќе го изберам Брејди, бидејќи приватно сме пријатели“, изјави Ѓоковиќ.
„Брејди или Мејведер“
„Том Брејди“
„Брејди или Мек Грегор“
„Том Брејди“
„Брејди или Болт“
“Ухх Том Брејди”
„Том Брејди или Хамилтон“
„Оооо Том Брејди“
„Брејди или Фелпс“
„Том Брејди или Меси“
„Извини Том, Меси“
„Меси или Ѓоковиќ“
„Меси“, со насмевка заврши Ѓоковиќ.
Novak must choose between some legends
pic.twitter.com/gS1geQPqQr
— ᖴᖇᗩᑎI (@frani2312) April 13, 2025