Спорт
(Видео) Мегваер и Онана му донесоа победа на Јунајтед, Наполи со Елмас победи во Берлин
Фаворитите забележаа победи во преостанетите шест натпревари во Лигата на шампионите, кои се одиграа во вечерва.
Манчестер јунајтед ја запиша првата победа оваа сезона во елитното натпреварување. Јунајтед одигра уште еден лош натпревар, но сепак успеа да ја забележи третата последовна победа во сите натпреварувања.
Победата на Јунајтед му ја донесоа фудбалерите кои трпат најмногу критики од навивачите. Хари Мегваер во 72.минута го постигна единствениот гол, а голманот Андре Онана во 97.минута му одбрани пенал на Џордан Ларсон.
Во оваа група води Баерн со девет бода, Галатасарј има четири, Јунајтед три, а Копенхаген еден бод.
Арсенал се врати на врвот на табелата во групата Б по победата на гостувањето кај Севилја.
Во претходното коло Арсенал беше изненадувачки поразен на гостувањето кај Ленс, но од вториот натпревар одигран на гости ги донесе сите три бода, Топџиите беа успешни против Севилј- 2:1.
Финишот на првото и почетокот на вториот дел беа одлични за избраниците на Микел Артета. Во двата случаи Габриел Жесус учествуваше во головите, најпрвин во 45+3. минута кога му асистираше на Мартинели, па во 53. кога самиот беше стрелец.
Во 58. минута, хрватско-српската комбинација, Иван Ракитиќ го проигра Немања Гудељ, кој со гол ја остави Севилја во игра. Сепак, шпанскиот тим до крајот не успеа да израмни и да освои ниту бод.
Во истата група Ленс му одолеа на ПСВ, и го освои четвртиот бод во три натпревари од Лигата на шампионите. Гостите поведоа во 55. минута со голот на Бакајок. Десет минути подоцна конечниот резултат го постави Вахи.
Арсенал има шест бода, Ланс и ПСВ по четири, а Севилја два.
Иако во Берлин беше постигант само еден гол, дуелот меѓу Унион и Наполи беше доста огнен и на теренот и на трибините. На крајот се радуваа навивачите на Наполи. Единствениот гол го постигна Распадори на асистенција на Кварацхелија во 65. минута. Елиф Елмас го одигра второто полувреме.
Третата победа ја оствари Реал, кој славеше во пресметката на екипи од Пиринејскиот полуостров, на гостувањето кај Брага со 2:1.
Избраниците на Карло Анчелоти поведоа со голот на Родриго во 16. минута, водството го удвои Белингем во 61. минута Брага брзо возврати со голот на Џало во 63. минута, но не успеа да израмни.
Реал води со девет бода, Наполи има шест, Брага три, а Унион Берлин се уште чека на првиот бод.
Во Д групата, Реал Сосиедад ја продлабои кризата на Бенфика. Во Лисабон, клубот од Баскија победи со голот на Браиз Мендез, кој стана првиот Шпанец по пауза од 23 години кој постигнал гол на воведните три натпревар.
Интер и Реал Сосиедад во оваа група имаат по седум бода, Салцбург три, а Бенфика е без бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(ВИДЕО) Шпанија рутински ја победи Грузија
Шпанците почнаа да доминираат од првата минута и имаа огромна предност во поседот на топката.
Тие создадоа и неколку ситуации пред противничкиот гол во воведните минути, но не ги искористија, додека на другата страна Грузијците погодија од еден од нивните први поконкретни напади.
Во 18. минута тргнаа во брз контранапад, а Отар Какабадзе нафрли од десната страна.
По тој центаршут натрча Хвича Кварацхелија, а пред него несмасно реагираше Робин Ле Норманд кој ја смести топката во сопствената мрежа.
И по водството на Грузија се играше како и досега, Шпанците напаѓаа, а Грузијците своите прилики ги чекаа на контра.
Сепак, Шпанија овојпат постигна гол. По долгиот напад во 39. минута, Нико Вилијамс му ја даде топката на Родриго, а тој од 16 метри упати неодбранлив удар за 1:1.
Второто полувреме беше отворено со една интересна ситуација во која Кварацхелија за малку ќе го искористеше тоа што Унаи Симон беше далеку од неговиот гол со паметен удар од својата половина.
Веќе во 51. минута Фабијан Руиз погоди за пресврт.
Ламине Јамал нафрли од десната страна, а Руиз остана сам пред голот на Грузија и од непосредна близина реализираше со глава за 2:1.
Грузијците потоа се отворија со намера да се обидат да израмнат, но тоа ги чинеше и го примија третиот гол.
Руиз со долга топка го пронајде Вилијамс, а тој брилијантно ја проби десната страна на противничката одбрана и со силен удар упати покрај Џорџи Мамардашвили за зголемување на водството.
Дани Олмо ја потврди победата и преминот во четвртфиналето за Шпанците.
Грузија ја загуби топката на својата половина, а Микел Ојарзабал ја пропушти за Олмо.
Поранешниот играч на Динамо си создаде простор за шут и од нешто помалку од 16 метри со помош на блок ги постави конечните 4:1.
Спорт
Српскиот кошаркар кај Јокиќ во Денвер
Српскиот плејмејкер Василије Мициќ летово би можел да му се придружи на Никола Јокиќ во Денвер.
Мициќ по трејдот би можел да заврши во Денвер.
Според нив, Нагетс се заинтересирани за неговите услуги и ги интересира каков трејд би можел да донесе во тимот од Колорадо.
Во дресот на Хорнетс, Мициќ забележа 10,8 поени, 2,1 скок и 6,2 асистенции по натпревар.
Ако тоа се случи, Мициќ оди кај Јокиќ во Денвер.
Денвер бил заинтересиран да го донесе и Расел Вестбрук од Клиперс, но тој избрал да активира уште една година од договорот и да остане во сегашниот тим за 4 милиони долари.
И тоа не е се, во Денвер биле заинтересирани да го донесат и хрватскиот кошаркар Дарио Шариќ, кој претходните сезони настапуваше за Феникс и Оклахома Голден Стејт.
Спорт
Нема да ги завршам натпреварите во 3.00 часот наутро!
Српскиот тенисер Новак Ѓоковиќ вели дека му е драго што Вимблдон има ограничување на термините за натпревари.
Тенисот се игра на терените на Ол-Енгланд клубот најдоцна до 23:00 часот, кога стапува на сила полицискиот час.
„Сигурно, пристапот кон Вимблдон е различен оваа година поради околностите, но јас размислувам за тоа се помалку и помалку.
Сакам се да оди добро, да размислувам за играта и што треба да се направи тактички.
Моите мисли се насочени на турнирот, се чувствувам добро, целото тело е подготвено за максимален напор, во пет можни сетови бидејќи имаат полициски час .
Имам добар тим од луѓе околу мене, добро се подготвивме, одиме на победа на секој натпревар“
На прашањето за состојбата со коленото на кое имаше операција?, Новак одговори.
„Коленото?…денес со Корда, пред тоа Медведев, Руне, Грешник, итн.
Имав доволно време и простор да го тестирам коленото, да видам колку можев да направам, дури и се лизнав неколку пати денес, тоа е показател дека сум добар“, изјави српскиот тенисер.