Спорт
(Видео) Меси го однесе Интер во четврт-финалето во ЛШ

Лионел Меси со гол и асистенција го однесе Интер Мајами во четвртфиналето во Лигата на шампионите на Северна и Централна Америка. Интер во победи Нешвил од 3:1 во осминафиналето и со вкупен резултат 5:3 влезе во четвртфиналето.
Се беше решено по 23 минути во првото полувреме. Во осмата минута, Аргентинецот му асистираше на својот најдобар пријател Луис Суарез, кој ја испрати топката низ нозете на голманот за 1:0. Меси 15 минути подоцна зголеми на 2:0.
Меси излезе во 50. минута поради полесна повреда, а Тејлор, кој го замени, погоди со глава за 3:0. Во самиот финиш, Сариџ постигна почесен гол за гостите.
Во четвртфиналето Мајами ќе игра со подобриот од двомечот Монтереј-Синсинати.
Suárez starts off our second leg of @TheChampions with a bang💥
Messi sets up Suárez for a finish that puts us in the lead! #MIAvNSH | 1-0 pic.twitter.com/RAh1hBukeP
— Inter Miami CF (@InterMiamiCF) March 14, 2024
Messi makes it✌️
Diego Gómez finds Messi who puts it away and doubles the lead!#MIAvNSH | 2-0 pic.twitter.com/Psranb2vck
— Inter Miami CF (@InterMiamiCF) March 14, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Глазгов Ренџерс го отпушти тренерот Клемент

Филип Клемент повеќе не е тренер на Глазгов Ренџерс. Белгиецот доби отказ по поразот од Сент Мирен, откако претходно доживеа и елиминација од Квинс Парк во Купот на Шкотска. Ренџерси на табелата имаат 13 поени помалку од лидерот, Слетик.
Дополнително, самиот клуб е во транзиција бидејќи веќе со месеци се водат преговори за продажба, а до крајот на сезоната се очекува „49 Ентерпрајс“ да купи мнозински пакет акции.
Стивен Џерард медиумите го сметаат за прв фаворит за наследник на Клемент.
Спорт
Шекил, поради мафини, бил позитивен на кокаин на ОИ

Легендарниот кошаркар Шекил О’Нил, коментирајќи ја суспензијата на Боби Портис од Милвоки Бакс, поради прекршување на програмата за борба против дрогата, се присети на инцидентот што тој го имал Олимпијадата во 1996 година.
Играчот на Бакс беше суспендиран на 25 натпревари поради, како што изјави неговиот менаџер, бизарен превид, поточно консумирање лек против болки со слично кој е дозволен за употреба.
„Ни беше кажано да не јадеме ништо пред тестирањето и бевме принудени да стоиме во редот три до четири часа. Видов мафини со афион и ги изедов. Потоа еден член на тимот влезе во собата и ми рече: „Друже, разочаран сум“, се сеќава О’Нил и продолжи:
„Мојот тест беше позитивен на кокаин. Мислев: „Чекај, чекај, чекај.“ Мајка ми ќе ме убие. „Никогаш не сум направил вакво нешто“.
Легендарниот центар бил шокиран, како и сите во репрезентацијата на САД.
„Потоа беше направено дополнително тестирање и беше откриено дека мафините од афион ги содржат истите деривати како кокаинот“.
Спорт
Тенисерка ја заврши кариерата на 24 години поради смртни закани

Дестани Ајава, австралиска тенисерка, на 24-годишна возраст реши да стави крај на кариерата.
Поради огромната количина на омраза, па дури и смртни закани, таа одлучи дека и е доста.
Одлуката ја донела откако загуби од Габриела Кнутсон со 6:4, 3:6, 7:5 во финалето на ИТФ турнирот во Прага. Вообичаено, оние кои се обложуваат на спортски резултати први пишуваат ужасни пораки, први пцујат, навредуваат и се закануваат.
„Донесов одлука да се повлечам поради пораките со омраза (мизогинија) и смртните закани што ги добивам по секој изгубен натпревар“, рече Ајава.
Во моментот кога го напушти тенисот, таа беше на 169. место во светот, а во текот на 2017 година стигна до 147. позиција.