Спорт
(Видео) Меси жестоко исвиркан, страшен волеј на Мбапе – ПСЖ го прегази Ажаксио

Фудбалерите на Пари Сен Жермен убедливо со 5:0 го совладаа тимот на Ажаксио во 35.коло од Лига 1.
ПСЖ дојде на чекор до титулата, на три кола до крајот има шест бода повеќе од Ленс. Од друга страна Ажаксио ги загуби сите шанси за опстанок во лигата, од наредната сезона ќе игра во Лига 2.
Овој натпревар ќе остане запаметен по немилите сцени. Освен што навивачите на Пари Сен Жермен повторно го исвиркаа Лионел Меси во неколку наврати кога тој ја прими топката, овој меч го одбележа и физичката пресметка на крајот од мечот беа исклучени Хакими и Мангани.
اقسم بالله احبببه قاعدين يصفرون عليه وهو يدقدق في الكوره😭😭😭😭😭😭😭😭😭😭😭😭😭😭😭😭😭😭😭 pic.twitter.com/jzAULrwKTn
— بطل العالم (@i_messi30) May 13, 2023
Фабијан Руиз во 22. минута го постигна првиот гол, а предноста ја зголеми Хакими во 33.минута.
На стартот од второто полувреме на сцена стапи Мбапе, кој најпрвин во 47. минута собра една одбиена топка и ја смести во голот, а во 54. фати страшен волеј од 16 метри за 4:0.
Маркињос шутираше во 73. минута, топката попат го погоди Јусуф и заврши во мрежата за конечни 5:0.
Во 77. минута дојде до физичка пресметка и голема гужва на гостинската половина, Хакими веднаш заработи црвен картон, а фудбалерот Ажаксио беше исклучен по интервенцијата од ВАР собата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) „Петарда“ на Реал во Алмати, Аталанта по пресврт го победи Бриж

Реал Мадрид убедливо славеше во Алмати (5:0), а Аталанта по пресврт го победи Бриж (2:1), во воведните натпревари од второто коло во Лигата на шампионите.
Килијан Мбапе во 6.000 километри оддалечениот Алмати на Каират му испорача хет-трик и дојде до бројката од пет гола во првите два натпревари. Во последните 10 минути по гол постигнаа Камавинга и Бахим Дијаз.
За разлика од дуелот во Казахстан. во Бергамо Аталанта и Бриж одиграа неизвесен дуел. Аталанта победи и му се одмазди на Бриж за елиминацијата во осминафиналето минатата сеозна.
Пресвртот на Аталната дојде во последните 15 минути, откако Бриж поведе во 38-та минута со голот на Циолис.
Пресвртот го режираа Самарџиќ од пенал во 74-та и Пашалиќ во 87-та минута.
Foto/ EPA
Спорт
Дубаи и Хапоел ги декласираа Партизан, односно Барселона

Со убедливи победи на дебитантите Дубаи и Хапоел започна новата сезона во Евролигата. Дубаи го победи Партизан со 89:76, а Хапоел славеше во дуелот со Барселона 103:87.
Поранешниот кошаркар на Партизан, Дејвис Бертанс, го предводеше Дубаи до историската прва победа во Евролигата. Летонецот го заврши натпреварот со 20 поени (11 во првата четвртина) , 3 скока и 4 асистенции.
Џанан Муса заврши со 19 поени, 4 скока и 5 асистенции, Мфионду Кабенгеле имаше 15 поени и 5 скока, Филип Петрушев имаше 14 поени и 8 скока.
Во тимот на Партизан, Тајрик Џонс беше најистакнат стрелец со 13 поени и 6 скока, а имаше и по 2 асистенции, блокади и украдени топки, како и 3 изгубени топки и 4 лични грешки.
Друштво му правеше Дилан Осетковски со 12 поени и 2 скока (имаше 10 на полувреме), додека Џабари Паркер постигна 11 поени со 4 скока и 2 асистенции, а Шејк Милтон исто така постигна двоцифрен број поени со 10 поени, 3 скока и 2 асистенции.
Во второто коло Партизан ќе го пречека Милано, а Дубаи ќе гостува кај Монако.
Хапоел домашните натпревари ги игра во Софија. Актуелниот шампион во Еврокупот ја победи Барселона со 16 поени разлика.
Василије Мициќ постигна 18 поени со три скока и две асистенции во својот прв натпревар во Евролигата во дресот на Хапоел.
Антонио Блекни беше најефикасниот играч за победничкиот тим со 20 поени, додека Ден Отуру и Василије Мициќ постигнаа по 18 поени.
Кај Барселона, Вил Клајбурн забележа 23 поени и седум скока, додека Кевин Пантер додаде 13 поени, ист број како и Јан Весели.
Во нареднотоколо Хапоел ќе гостува кај Ефес, додека Барселона ќе гостува кај Панатинаикос.
Спорт
Руски хокеар го потпиша најголемиот договор во историјата на НХЛ

Рускиот хокеар, Кирил Капризов (28) потпиша нов осумгодишен договор со Минесота Вајлд вреден 136 милиони долари, што е најголемиот договор во историјата на НХЛ. Договорот важи од сезоната 2026/27 и трае до сезоната 2033/34.
Капризов со потписот на договорот сруши два рекорда. Стана играч што го потпишал најголемиот договор, надминувајќи ги 124 милиони долари на Овечкин во текот на 13 години, а со 17 милиони долари по сезона го сруши рекордот на Леон Драјсаитл од 14 милиони долари по сезона (112 милиони долари во текот на осум сезони).
Рускиот напаѓач има уште една сезона од петгодишниот договор вреден 45 милиони долари што го потпиша во 2021 година.
Капризов, добитник на трофејот Калдер за најдобар дебитант во НХЛ во сезоната 2020/21, вкупно собра 386 поени (185 гола, 201 асистенција) во 319 натпревари во кариерата за Минесота Вајлд.
Тој учинок од 1,21 поен по натпревар и 0,58 гола по натпревар го прави најдобар во историјата на франшизата, а тој го држи и клупскиот рекорд со 10 гола во продолженијата.
Во плејофот, тој додаде 21 поен во 25 настапи, а минатата сезона, иако ограничен од повреди, постигна 25 гола и 31 асистенција во 41 натпревар, демонстрирајќи елитна ефикасност дури.
Foto/ EPA