Спорт
(Видео) Милан лесно ја надигра Рома

Foto/ EPA
Фудбалерите на Милан ја совладаа Рома на „Сан Сиро“ со резултат 3:1 во дербито од 20. коло во Серија А. Росонерите сега се на третото место во Серија А со 42 бода, два помалку од првопласираниот Интер. Од друга страна, Рома е на деветтото место со 29 освоени бодови.
Милан многу подобро влезе во натпреварот и поведе веќе во 11. минута, кога Јасин Адли погоди на асистенција на Тијани Рајндерс.
Домашниот тим можеше да го удвои водството во 29. минута, но ударот на Тео Ернандез ја погоди стативата.
Во продолжение Рома ја презеде иницијативата, во 31. минута шанса имаше Зеки Челик, но Мајк Мењон одлично реагираше и го одбрани неговиот удар.
До полувремето гостите не реализираа уште една добра шанса, Французинот брилјираше на голот на Милан и го одбрани обидот на Леонардо Спинакола.
Во раната фаза од вториот дел Оливие Жиру погоди по додавањето на Симон Кјер.
Во 67. минута Рома успеа да ја намали негативата, Леанрдо Паредес го реализираше пеналот.
Сите надежи за гостите паднаа во вода во 84. минута, кога проработи „француската врска“, Жиру го проигра Ернандез, кој стави точка на натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net
Спорт
Нема да има дуел меѓу Црвена звезда и Динамо во главата фаза во Лига Европа

Регионалните великани, Црвенз звезда и Динамо Загреб се избегнаа во главната фаза во Лига Европа. Ждрепката за Лига Европа се одржа попладнево.
Црвенз звезда и Динамо добија четири исти противници, ќе играат против Лил, Малме, Селта и ФЦСБ.
Противници на Црвена звезда: Лил. Порто, Селтик, Брага, Штурм, ФЦСБ, Штурм, Малме
Противници на Динамо Загреб: Бетис, Лил, Фенербахче, Макаби Тел Авив, ФЦСБ, Митјиланд, Целта, Малме.
Првите натпревари од Лигат Европа ќе се играат на 24 и 25 септември, а последното коло од групната фаза е на 29 јануари следната година. Финалето е закажано за 20 мај 2026 година во Истанбул.
Фото/ Принтскрин