Спорт
(Видео) Милер: Ова ми се случи во 2017 година кога Роналдо ни даде два гола од офсајд
Баерн испадна од Реал во полуфиналето, но прашање една ситуација долго ќе се прераскажува и ќе биде тема на расправи во фудбалските кругови. Во 13.минута од судиското надополнување на времето, Де Лихт постигна гол за 2:2, кој беше поништен бидејќи неколку секунди претходно се слушна свирчето на судијата Марчињак.
Суитуацијата во која беше Де Лихт е дискутабилна, гранична, но во моментот кога топката беше упатена помошникот на Марчињак го крена знаменцето, сигнализираше офсајд.
Залудни потоа беа протестите на фудбалерите на Баерн, Марчињак не можеше да се консултира со ВАР собата бидејќи играта беше прекината пред да биде постигнат голот.
„Не сакам да кажам дека Реал Мадрид секогаш ги има судиите на своја страна, но тоа ја направи разликата денес“, рече Де Лихт и додаде:
„Мислам дека сите ги знаеме правилата. Доколку ситуацијата не е јасна, не смеете да ја прекинувате акцијата! Тоа е правилото! Сметам дека тоа е малку срамно. И голот на Хоселу беше на работ на офсајд и им беше дозволено да ја продолжат акцијата, зошто тогаш не ни дозволија да ја продолжиме акцијата?“, гласно прашува холандскиот фудбалер.
„Тоа беше луда судиска одлука. Не знам што му помина низ главата“, изјави Томас Милер.
„За жал, ова се случува многу често во Мадрид. Тоа веќе ми се случи во 2017 година кога Кристијано Роналдо постигна два гола од офсајд, но тогаш немаше ВАР“, дополни легендарниот играч на Баерн.
Од Баерн тврдат дека помошникот на Марчињак, Томаш Лискиевиќ им се извинил по натпреварот за направената грешка.
„Тој свирна, што значи дека ВАР не можеше да интервенира бидејќи тоа се случи пред голот. Судијата рече дека е негова вина. Не паѓаме на такви глупости. Сите видовме германското финале. Сите освен полските судии. Тој ја призна грешката и се извини, но што да правиме со неговото извинување?”, рече спортискиот директор на Баерн, маркс Еберл.
„Што мислам за „Сантијаго Бернабеу“? Да речеме дека има голем ефект врз судиите“, изјави по натпреварот тренерот на Баерн Томас Тухел и додаде:
„На крајот дури и постигнавме гол за продолженија, но не уништи катастрофална одлука на линискиот и главниот судија. На крајот се чувствувам изневерен. По натпреварот помошниот судија ни кажа дека му е жал поради одлуката што ја донел, но тоа не ни помага многу во овој момент.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Њукасл нема да го пушти Исак ова лето
„Ливерпул Ехо“, медиум кој е апсолутно наклонет кон клубовите од нивниот град и за тоа е награден со ексклузивни информации и од црвениот и од синиот табор, објави оваа сабота дека трансферот на Александар Исак ова лето нема да се случи.
„Њукасл јунајтед е решен да го држи Александар Исак колку што е потребно пред да се согласи на трансфер во Ливерпул ова лето“, објави Ехо.
Незадоволниот Швеѓанец се труди да изнуди преселба од „Сент Џејмс Парк“, пред почетокот на сезоната 2025/26.
„Црвените“ нудат 127 милиони евра за напаѓачот, но Њукасл ја одби понудата, главно затоа што не е во можност да ангажира соодветна замена во нападот.
Последниот во низата фудбалери кои избраа други клубови и им се заблагодарија на црно-белите е Бенјамин Шешко.
Спорт
Шешко е нов играч на Јунајтед – Словенецот е трет најскап екс-Ју играч
Словенецот Бенјамин Шешко е нов играч на Манчестер јунајтед, објави англискиот клуб.
Шешко (22) потпиша договор со Јунајтед до јуни 2030 година. Тој дојде во Манчестер за 76,5 милиони евра, плус уште 8,5 милиони преку бонуси, објавува Би-Би-Си.
„Историјата на Манчестер јунајтед е многу посебна, но она што навистина ме возбудува е иднината. Кога разговаравме за проектот, беше јасно дека сè е подготвено овој тим да продолжи да расте и наскоро повторно да се натпреварува за најголемите трофеи. Од моментот кога пристигнав, можев да ја почувствувам позитивната енергија и семејната атмосфера. Очигледно е совршеното место за мене да го достигнам моето максимално ниво и да ги исполнам сите мои амбиции“, изјави Шешко за веб-страницата на клубот.
Словенечкиот фудбалер постигна 21 гол и шест асистенции на 45 натпревари во сите натпреварувања минатата сезона во Лајпциг. Шешко е најмладиот дебитант на словенечката репрезентација, за која одигра 41 натпревар и постигна 16 гола.
На овој начин, Шешко стана третиот најскап играч од територијата на поранешна Југославија, со оглед на тоа што беше платен 76,5 милиони евра.
Скалата високо ја крена Хрватот Јошко Гвардиол, на кого Сити плати 90 милиони евра, а втор на листата е Србинот Душан Влаховиќ, за кого Јувентус издвои 83,5 милиони евра.
Foto/ manutd.com
Спорт
Челзи отпиша шест играчи
Фудбалскиот клуб Челзи им соопштил на шестмина фудбалери дека менаџерот Енцо Мареска нема да ги користи во новата сезона. заврши со шест играчи, според англиските медиуми.
„Стенфорд Бриџ“ ќе го напуштата: Николас Џексон, Кристофер Нкунку, Бен Чилвел, Рахим Стерлинг, Аксел Дисаси и Ренато Веига. Засега нема информации каде овие фудбалери ќе ги продолжат своите кариери, но наводно повеќето од нив веќе се во преговори со дригу клубови.
Челзи со овој потег влезе во последната фаза од реконструкцијата на тимот и ростерот за сезоната 2025/2026.
Следните играчи го напуштија Челзи оваа сезона:
Нони Мадуеке (Арсенал), Жоао Феликс (Ал Наср), Ѓорѓе Петровиќ (Борнмут), Лесли Угочукву (Бернли), Кирнан Дјусбери-Хол (Евертон), Армандо Броја (Бернли), Матис Амугу (Стразбур), Башир Хамфрис (Бернли), Кепа Аризабалага (Арсенал), Маркус Бетинели (Манчестер сити).
Нови играчи на „Стенфорд Бриџ“ се:
Жоао Педро (Брајтон), Џејми Гитенс (Борусија Дортмунд), Жорел Хато (Ајакс), Лиам Делап (Ипсвич), Естевао (Палмеирас), Дарио Есуго (Спортинг), Мамаду Сар (Стразбур) и Кендри Паез (Индепендиенте).
Пијан скопјанец преминал на спротивна лента кај Петровец, удрил во автомобил- повредени се две бебиња
Против 57-годишен жител на селото Трубарево, Основното јавно обвинителство Скопје поведе постапка за кривично дело – Загрозување на безбедноста во...
МВР се огласи по случајот со началникот во Демир Хисар: Преземаме соодветни мерки
Во однос на реакциите на јавноста поврзани со постапувањето на полициските службеници за време на претресот, Одделот за внатрешна контрола,...
Сомнежи за финансиски злоупотреби и низа неправилности во Стоматолошката комора: Здравство ги презема нејзините надлежности
Поради сомнежи за финансиски злоупотреби и низа неправилности во Стоматолошката комора, Министерството за здравство ги презема нејзините надлежности, изјави министерот...
(Видео) СДСМ повторно ќе го поднесе Законот за минимална плата од 500 евра
СДСМ повторно ќе го поднесе Законот за минимална плата од 500 евра, најави потпретседателот на СДСМ, Методија Илиевски. „Владата е...
(Видео) Началник бара Итната помош на носилка да однесе директорка на информативен разговор во станица
На социјалните мрежи е објавено видео на кое се гледа началник во домот на директорка на училиште во Демир Хисар...
Зеленски остро им одговори на Трамп и Путин: Украинците нема да му ја дадат својата земја на окупаторот
Украинскиот претседател, Володимир Зеленски, остро ја отфрли секоја можност за територијални отстапки во замена за мир, нагласувајќи дека суверенитетот на...
Пронајдени неексплодирани гранати од Првата светска војна во близина на ГП Меџитлија и во Старо Градско
Припадници на Дирекцијата за заштита и спасување (ДЗС) успешно реализираа две интервенции за отстранување на неексплодирани убојни средства (НУС) останати...
„Волстрит џурнал“ го објави планот за мир на Путин
Рускиот претседател, Владимир Путин, наводно му презентирал сеопфатен предлог за прекин на огнот на американскиот претставник Стив Виткоф, нудејќи прекин...
Путин и Трамп ќе се сретнат во Алјаска
Американскиот претседател, Доналд Трамп, објави на својата социјална мрежа Truth дека долгоочекуваната средба со неговиот руски колега, Владимир Путин, ќе...
Маск: Вештачката интелигенција ќе ги замени сите работни места, дури и моето
Илон Маск, извршен директор на „Тесла“ и еден од најбогатите луѓе во светот, издаде остро предупредување до секој што е...
Клиниките за Токсикологија, Неврологија и Кардиологија добија нови директори
Министерството за здравство информира дека се именувани нови в.д. директори во четири јавни здравствени установи. На Универзитетската клиника за токсикологија...
Објавено е што е подготвен Путин да направи
Русија и САД се обидуваат да постигнат договор што би ја запрел војната во Украина и би ја потврдил руската...
Крадци украле акумулатори и нанеле штета од над 10 милиони денари на ЈП за железничка инфрастрактура
Јавен обвинител од Основното јавно обвинителство Битола донесе наредба за спроведување истражна постапка против две лица за тешка кражба. За...
Убиство во Штип: пијан со нож ја избол мајка си во врат, па сам пријавил на 112
Основното јавно обвинителство соопшти детали за убиството во Штип што се случи утрово. Од таму велат дека против С.З. (54)...
Мицкоски: Карпалак е обврска да изградиме држава во која нема да има место за омраза и поделби
Слава за хероите од Карпалак. Нивното дело и пожртвуваност се памети, нивната храброст и одлучност се почитува, напиша на социјалните...
Одбележана 24-годишнината од загинувањето на десеттемина армиски припадници кај месноста Карпалак
Делегација од Министерството за одбрана и Генералштабот на Армијата, предводена од државниот секретар Елизабета Чуповска-Ристова и директорот на Генералштабот, бригаден...
Семејна заштеда и помал притисок за родителите: Дурмиши за поевтинувањето на училишниот прибор
Министерот за економија и труд, Бесар Дурмиши, денеска ја промовира новата владина мерка „Училишна кошничка“, насочена кон намалување на трошоците...
Надлежните со препораки до граѓаните поради најавата за температури до 39 степени во периодот до 13 август
Министерството за здравство информира дека, според најновата прогноза од Управата за хидрометеоролошки работи (УХМР), од 8 до 13 август 2025...
Четири цени за паркинг во Клинички, просторот ќе се прошири двојно
Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање...
Израел се подготвува за целосна окупација на Појасот Газа
Израелскиот безбедносен кабинет го одобри планот на премиерот Бенјамин Нетанјаху за преземање воена контрола над Газа, што претставува нова голема...
