Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Влаховиќ успешно опериран, ќе паузира 14 недели
Душан Влаховиќ е успешно опериран во Лондон по повредата на левата аддукторна тетива, потврди Јувентус. Според првичните проценки, напаѓачот ќе биде надвор од терените најмалку 14 недели, што значи дека се очекува да се врати дури во март 2026 година.
Српскиот ас ја претрпе повредата за време на победата на Јувентус над Каљари во Серија А, по што веднаш отпатува во Лондон на консултација со стручњак. Операцијата, која ја извршија проф. Ернест Шилдс и Ровена Џонсон во присуство на клупскиот доктор Марко Фрески, беше извршена во клиниката „Мајо“ во Лондон.
„Играчот ќе ја започне програмата за рехабилитација од петок, 5 декември“, се наведува во соопштението на клубот.
Влаховиќ е вториот играч на Јувентус кој беше опериран вчера. Дефанзивецот Федерико Гати го оперираше менискусот на десното колено во Нант.
По операцијата, се огласи и Влаховиќ и напиша на социјалните мрежи:
„Се гледаме наскоро“.
Foto/ EPA
Спорт
Меси не е сигурен дали ќе игра на Светското првенство
Аргентинскиот фудбалер Лионел Меси изјави дека можеби ќе го пропушти Светското првенство следното лето, односно дека можеби ќе го гледа турнирот од трибините, наместо да ја брани титулата со Аргентина на теренот.
Осумкратниот освојувач на Златната топка, кој го слави својот 39-ти роденден во јуни, изрази желба да се натпреварува, но призна дека можеби нема да биде во составот.
Тој нагласи дека нема намера да му биде пречка на националниот тим.
„Не сакам да бидам товар“, рече тој пред ждрепката во Вашингтон.
Меси изрази загриженост за одржување на врвна физичка кондиција.
„Ќе имаме подготовки помеѓу, со неколку натпревари до Светското првенство, и ќе видиме како ќе одат работите ден по ден за да видиме дали навистина се чувствувам доволно физички подготвен за да бидам таму каде што би сакал да бидам и да можам да учествувам“, рече Меси.
Селекторот на Аргентина, Лионел Скалони, претходно изјави дека е свесен за „неизбежното заминување“ на капитенот. Тој изјави дека го вклучил Меси во националниот тим, но призна дека тимот „значително се развил во последните години“.
Foto/ EPA
Спорт
По 100.000 симулации, суперкомпјутерот пресмета дека Шпанија ќе победи на СП
Foto/ EPA
Ждрепката за Светското првенство во 2026 година ќе се одржи денес во Центарот „Кенеди“ во Вашингтон. Церемонијата започнува во 18:00 часот по средноевропско време, а малку подоцна ќе биде познато како ќе изгледаат 12-те групи на досега најмасовното Светско првенство.
САД, Канада и Мексико од 11 јуни до 19 јули ќе бидат домаќини на Светското првенство..
Ова ќе биде првото Светско првенство на кое ќе се натпреваруваат 48 репрезентации, дури 16 повеќе отколку на Светското првенство во Катар 2022 година.
Ова значи дека вкупниот број на натпревари ќе се зголеми од 64 на 104.
Националните селекции ќе бидат поделени во 12 групи од по четири екипи. Двете најдобри екипи од секоја група и осум од 12-те третопласирани репрезентации ќе се пласираат во осминафиналето.
Експертите од платформата „Фудбал мејтс дата“, специјализирана за применета фудбалска статистика, направија 100.000 симулации на претстојното Светско првенство за да гои одредат фаворитите пред ждрепката.
Суперкомпјутерот ѝ дава на Шпанија најголема шанса за титулата, пред бранителот на титулата Аргентина и актуелниот вицешампион Франција.


