Спорт
(Видео) Милвоки ја растури Оклахома, Денвер повторно е лидер на Западот
Милвоки Бакс ја совлада Оклахома со 118:93, во НБА дербито и ги однесе Денвер Нагетс, на врвот во Западната конференција. Денвер сега имаат една победа повеќе од Оклахома и до крајот на регуларниот дел жестоко ќе се борат за првата стартна позиција која носи предност на домашниот терен се до големото финале.
Натпреварот во Милвоки го одбележа Јанис Адетокумбо. Двократниот МВП на НБА лигата постигна 30 поени (13/18 шут од поле), а имаше и 19 скока и четири асистенции. Тој беше нерешлива енигма за одбраната на Тандер. Најдобро го следеа Боби Портис и Брук Лопез со 16, односно 15 поени.
Од другата страна, Шеј Гилџис-Александар беше целосно запрен. За 30 минути постигна само 12 поени. Џош Гиди беше на прагот на трипл-дабл со 19 поени, девет скока и осум асистенции.
Минесота, третиот кандидат за првата позиција на Западот, во интересна завршница го победи Голден Стејт со 114:110. Сега на тимот од Сан Франциско сериозно му се загрозен пласманот во плеј-ин.
Кај Тимбервулфс, Едвардс постигна 23 поени со шест скока и осум асистенции, а го следеше Рид со 20 поени и 12 скокови. Стеф Кари на другата страна броеше до 31, но тоа не беше доволно.
Во последниот меч од вечерта ЛА Лејкерси во ефикасен натпревар ја победија Индијана со 150:145. Дејвис постигна 36 поени и 16 скока, додека Леброн запиша 26 поени и 10 асистенции. Паскал Сијакам постигна 36 поени за Индијана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

