Спорт
(Видео) Милвоки од -26 до триумф над Портланд, Јокиќ го потопи Сан Антонио

Неверојатниот пресврт на Милвоки Бакс и Никола Јокиќ ги обележаа натпреварите во НБА лигата одиграни изминатата ноќ.
Деневер Нагетс против Сан Антонио ја прекинаа лошата низа(четири порази на последните пет натпревари). Јокиќ го одигра најефикасниот меч од почетокот на сезоната во победата 132:120.
Центарот на Денвер забележа 39 поени, 11 скока и девет асистенции. Во чекор го следеа Мајкл Портер Јуниор со 25 поени и седум скока, односно Реџи Џексон со 20 поени.
На спротивната страна Виктор Вембањама забележа 22 поени, 11 скока и шест украдени топки. Сан Антонио го забележа 11 последовен пораз.
Кошаркарите на Милвоки Бакс надополнија негатива од 26 поени и го победија Портланд со 108:102. Портланд на девет минути до крајот на третата четвртина водеа со 81:55.
Јанис Адетокумбо со 33 поени и 15 скока, односно Демијан Лилард со 31 поен го предводеа Милвоки. Сепак најзаслужен за пресвртот е Боби Портис кој во последниот период постигна 10 од своите 12 поени и со својата енергија го раздвижи тимот.
Бостон во интересен натпревар славеше во дуеот со Атланта 113:103. Џејсон Тејтум беше најефикасен играч на натпреварот со 34 поени.
Кај Атланта се истакнаа Тре Јанг со 33 поени и Богдан Богдановиќ со 23. Богдановиќ погоди седум тројки од 10 обиди.
Резултати:
Бостон – Атланта 113:103
Мемфис – Минесота 97:119
Њујорк – Феникс 113:116
Орландо – Шарлот 130:117
Бруклин – Чикаго 118:109
Кливленд – Торонто 105:102
Денвер – Сан Антонио 132:120
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи сака да го врати Елмас

Елиф Елмас сака да го напушти Лајпциг до преодниот рок. Македонскиот репрезентативец се поврзува со неколку клубови, Торино сака да го откупи неовиот договор, а попладнево се појави информација дека тој би можел да се врати во Наполи.
Елмас е играч на Лакпциг од 1.јануари 2024 година, кога со клубот од Бундеслигата потпиша договор до јуни 2028 година. Лајпциг на Наполи му плати 24 милиони евра.
Минатата сезона, во првиот нејзин дел, одигра само 44 минути во Бундеслигата и 15 во Лигата на шампионите по што решпи да замиен на позајмица во Торино. За „биковите“ играше во препознатливата форма, постигна и четири гола. Торино сака да го откупи неговиот договор, но не може да ги испрати финасиските барања на Лајпциг.
Медиуми во Италија тврдат дека актуелниот шампион Наполи ќе испрати официјална понуда до Лајпциг за Елмас.
Елиф Елмас е роден во Скопје, играше за Работнички од кој се пресели во Фенербахче, а оттаму во 2019 година во Наполи за кој одигра речиси 185 натпревари и постигна 19 голови.
Ќе остане запишан во историјата на Наполи, како дел од тимот кој по 33 години ја врати титулата во градот под Везув.
Foto/ EPA/PAOLO MAGNI
Спорт
Македонија ќе игра контролен меч против Саудиска Арабија

Македонската фудбалска репрезентација ќе одигра контролен натпревар против Саудиска Арабија на 4. септември во рамки на официјалниот ФИФА термин. Дуелот ќе се одигра на стадионот „Викторија“ во Прага, Чешка, со почеток во 17:00 часот.
Ова ќе биде трет меѓусебен натпревар помеѓу двете репрезентации. Првиот се одигра на 1. август 2001 година во Ријад и заврши без победник (1:1). Вториот меч беше на 22. октомври 2022 година во Абу Даби, кога Саудиска Арабија славеше со 1:0. За Македонија на тој натпревар настапија фудбалери од домашниот шампионат.
Контролниот меч во Прага ќе биде важен тест за нашите најдобри фудбалери и можност за селекторот Благоја Милевски да ја провери формата и тактичките замисли пред продолжението на квалификациите за Светското првенство 2026.
Само три дена подоцна, на 7 септември, Македонија ќе го пречека Лихтенштајн на Националната арена „Тодор Проески“ во Скопје.
Извор/ ffm.mk
Спорт
Винисиус тајно преговара со Манчестер сити

Пред две години, Винисиус беше најголема ѕвезда, можеби дури и статусен симбол на Реал Мадрид. Но, многу работи се променија во нивниот однос. Односот е нарушен толку многу што се повеќе се зборува за разделба.
Сè започна со изборот за Златна топка, Бразилецот не ја доби престиѓната награда и покрај тоа што го сметаа за наголем фаворит. Потоа новодојдениот Килијан Мбапе се профилираше како прва ѕвезда на тимот.
Винисиус зад себе има солидна сезона, скромна за неговите стандарди. Лут е најмногу што смета дека Реал не му помогнал доволно за да ја освои Златната топка.
Сето тоа изгледа влијаеше врз Бразилецот да почне да размислува за заминување.
Имаше приказна дека најголемиот договор во историјата на фудбалот се подготвува за него во Саудиска Арабија. Но, тој сè уште сака да игра во Европа и тоа во најсилната лига во светот.
Одредени медиуми под кодот ексклузивно ја пренесуваат информацијата дека претставниците на Бразилецот тајно се сретнале со претставниците на Манчестер сити.
Сепак, Бразилецот не сака да брза ќе го чека расплетот во процесот од 115 тужби со кои се соочуваат „Граѓаните“.
Ситуацијата ја следат градските ривали на Јунајтед, Ливерпул, како и лондонските гиганти Арсенал и Челзи.
Фото/ Принтскрин