Спорт
(Видео) Миовски од клупата го гледаше шоуто на Газанига – Џирона го победи Билбао

Фудбалерите на Џирона го совладаа Атлетик Билбао со 2:1 во натпреварот од деветтото коло на шпанската Примера за кој долго ќе се зборува. Вистинско шоу имаше голманот на Џирона, Паоло Газанига.
Аргентинецот направи историскиот подвиг, на гостите им одбрани три пенали, од кои два регуларно. Неверојатната партија на Газанига, македонскиот репрезентативец, Бојан Миовски ја гледаше од клупата за резерви.
Шоуто на Газанига започна во 28. минута кога Аргентинецот лесно го сопре ударот од белата точка на Алекс Беренгер.
Lo de que Gazzaniga lleve 3 penaltis parados hoy contra el Athletic qué coño es. Sonríe el Fantasy de mucha gente.
— Cᴀꜱᴛɪʟʟᴏ (@Castillo__Rm) October 6, 2024
Десет минути подоцна стигна наградата за неговата интервенција, бидејќи колумбискиот играч за врска Јасер Асприља ги доведе домаќините во водство. Само две минути подоцна гостите од Баскија израмнија со голот на Оихан Сансет.
Во вториот дел Атлетик имаше две шанси да ги земе сите три бода.
Во 56. минута кога во шеснаесетникот на Џирона беше соборен Игнњаки Вилијамс, а гостите добија уште еден пенал. Токму Вилијамс ја зеде топката во свои раце, а Газанига ја прочита неговата намера и го одбрани пеналот.
Сепак, по проверката на ВАР, беше утврдено дека „гаучосои“ при изведувањето на ударот бил надвор од гол-линијата со двете нозе, па Билбао доби шанса за поправен. Андер Ерера ја презеде одговорноста, а Газанига рутински го одбрани неговиот обид
Tottenham'ın eski kalecisi Paulo Gazzaniga, Girona – Athletic Bilbao maçında üç penaltı vuruşunu kurtarmayı başardı:
❌ Alex Berenguer
❌ Ander Herrera
❌ Inaki Williams— EPL Günlükleri (@EPL_Gunlukleri) October 6, 2024
Длабоко во судиското надополнување, Џирона доби пенал кој во гол го претвори ветеранот Кристијан Стуани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роман Абрамович подготвен да го купи Галатасарај

Поранешниот сопственик на Челзи, рускиот милијардер Роман Абрамович, планира да се врати во европскиот фудбал со купување на турскиот гигант Галатасарај, тврдат објавуваат турските медиуми.
Според весникот „Создзу“, Абрамович е во напредни преговори за преземање на поголемиот дел од акциите на истанбулскиот клуб, а наводно веќе купил луксузна вила во Истанбул, што дополнително ги разгорува шпекулациите. Сепак, за реализација на оваа купопродажба, ќе му треба дозвола од турските власти.
Абрамович го презеде Челзи во 2003 година и оттогаш го водеше клубот до нивниот најголем успех досега, вклучувајќи две титули во Лигата на шампионите, две Лиги на Европа и пет титули во англиската Премиер лига. Тој го продаде клубот во 2022 година по санкциите воведени поради војната во Украина.
Поради сегашните ограничувања за руските сопственици во повеќето европски национални шампионати, Турција се појавува како логичен избор за неговото враќање, а Галатасарај, актуелниот шампион, е најзначајното име.
Галатасарај ја отвори сезоната со девет победи во 11 натпревари, а во третото коло од Лигата на шампионите вечерва во 18:45 часот го пречекува норвешкиот Боде/Глимт.
Историски гледано, Галатасарај го освои Купот на УЕФА во 2000 година и Суперкупот на УЕФА истата година, а нивниот најголем успех во Лигата на шампионите е забележан во 2013 година со пласман во четвртфиналето.
Фото/ Принтскрин
Спорт
Фудбалските академии на Динамо, Црвена звезда и Партизан меѓу најдобрите во светот

Фудбалската опсерваторија (CIES) од Швајцарија се етаблираше во последните години како релевантна институција за бројни анализи на трендовите во светскиот фудбал. Редовно објавува нови интересни податоци.
Денешната анализа се однесува на квалитетот на фудбалските академи низ целиот свет.
За разлика од некои претходни анализи, беа земени предвид различни фактори: колку играчи од фудбалската школа, денес играат во 49-те најдобри лиги на планетата, потоа колку минути минуваат на теренот, а секоја лига има индекс, не сите се третирани подеднакво. На крајот се добива просечен резултат, според кој се рангираат клубовите.
На листата на Швајцарскиот фудбалски инситут високо се рангирани академиите на великаните од просторите на поранешна Југославија: Динамо, Црвена звезда и Партизан. Најторфејниот хрватски клуб е на седмото, а школите на белградските клубови се рангирани на 11-то и 20-то место.
Бенфика е на првото место, по неа следуваат Барселона, Ривер Плата, Ајакс, Бока Јуниорс, Спортинг, Динамо Загреб, Дефенсор (Уругвај), Реал Мадрид и Велез Сарсфилд се меѓу првите десет.
Помеѓу Црвена звезда и Партизан се Сао Паоло, Динамо Киев, Коринтијанс, Фламенго, Сан Лоренцо, Национал, Палмеирас и Пари Сен Жермен.
Спорт
Спогодбено се разделија Олимпија Милано и Влатко Чанчар

Армани Милано потврди дека спгодбено го раскинал договорот со Влатко Чанчар. Овој 28-годишен кошаркар, кој пристигна во Милано во текот на летото, играше во два натпревари од Евролигата оваа сезона, во првите две кола. Ги пропушти последните три кола поради повреда на коленото.
„Олимпија Милано и Влатко Чанчар спогодбено се разделија“, се наведува во соопштението за медиумите на клубот.
„Олимпија сака да му се заблагодари на Чанчар за неговото примерно однесување, професионализам и посветеност во текот на овие недели поминати заедно, со желба што поскоро да се врати на теренот целосно закрепнат.“
Чанчар се врати во европската кошарка ова лето по половина деценија во редовите на Денвер Нагетс, каде на крајот од минатата година доживеа повреда на коленото поради која беше потребна операција.
Словенечкиот репрезентативец ги пропушти натпреварите против Тортона, Монако, Варезе и Баерн. Во меѓувреме, раскинувањето на договорот беше оценето како најдобра опција за двете страни.
По пет кола во Евролигата, Армани има две победи и три порази. Во следното коло, Армани ќе ја пречека Валенсија, тој дуел е закажан за четврток во 20:30 часот.