Спорт
(ВИДЕО) Модриќ му го даде дресот на својот соиграч и цврсто го прегрна: „Тој го прогласи својот наследник“

Лука Модриќ (39) го одигра својот последен натпревар за Реал. Во поразот од ПСЖ (0:4) во полуфиналето на Светското клупско првенство, тој играше за Реал по 597-ми пат, со што завршија брилијантни 13 години во најголемиот клуб.
Во Реал, тој стана капитен и легенда на тој клуб со 28 освоени трофеи, негов најодликуван играч. Сега, откако му истече договорот, тој заминува за Милано, а по враќањето од САД, камерата на „Ел Чирингито“ го фати во интересна и, тврдат навивачите, значајна ситуација.
Откако авионот на Реал слета на аеродромот Барахас во Мадрид, играчите се упатија кон клупскиот автобус. Модриќ застана на влезот од автобусот, ја спушти торбата и го извади дресот од неа. Потоа еден соиграч му се приближи, а Модриќ му го даде дресот и го прегрна.
🎥 When the team arrived in Madrid, Modrić gave his shirt to Arda Güler and hugged him tightly 🥹❤️ pic.twitter.com/lMq4Lh4BYm
— Arda Güler (fan) (@iHQGuler) July 11, 2025
Иако не е можно да се види за кого станува збор бидејќи носи качулка, а камерата го снима одзади, шпанските новинари тврдат дека станува збор за Арди Ѓулер (20). Оваа сцена стана вирална, а навивачите на Реал ја споделуваат на социјалните мрежи со коментари дека Модриќ на тој начин „го предал жезлото“ и „го крунисал наследникот“.
Младиот Турчин игра на десното крило, а во Реал дојде пред две години од Фенербахче за надомест од 24 милиони евра. Ѓулер има одиграно 61 натпревар за Реал, со 12 гола и 11 асистенции. Трансфермаркт ја проценува неговата вредност на 45 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Манчестер јунајтед постигна договор со голманот на Антверпен

Манчестер јунајтед, до крајот на преодниот рок ќе го реализира трансферот на белгискиот голман Сене Ламенс од Ројал Антверпен. За услугите на 23-годишниот голман клубот од „Олд Трафорд“ ќе плати 20 милиони евра. Ламенс, досега има повеќе од 50 настапи за Антверпен откако се приклучи од Клуб Бриж пред две сезони.
Неговата вредност значително порасна во последните месеци благодарение на неговата форма и неговиот статус како член на белгиската репрезентација до 21 година, а многу аналитичари го нарекуваат еден од најперспективните голмани во Бенелукс.
Планот на Манчестер јунајтед е со доаѓањето на Леменс да ја зголеми конкуренцијата на голманската позиција, а не да биде непосредна замена за првиот голман Андре Онана.
Тренерот Рубен Аморим јавно го изрази своето задоволство од сегашниот голмански кадар, но раководството на клубот е свесно за можното заминување на Онана на Африканскиот куп на нации на почетокот на 2026 година и бара долгорочна сигурност.
Спорт
Рома и Ливерпул во преговори за Цимикас

Рома започна преговори со Ливерпул за траснферот на Костантинос Цимикас. Рома сака да издејствува позајмица со задолжителен откуп на договорот наредното лето.
Грчкиот лев бек нема многу шанси да добие поголема шанса во редовите на шампионите на Англија оваа сезона, особено по доаѓањето на Милош Керкез, а тука е и Енди Робертсон, кој претходно имаше предност пред него.
Затоа, трансфер во Рома изгледа како идеално решение за овој играч. Засега не се споменуваат бројки, но се нагласува дека „волчицата“ е решена да го реализира трансферот.
Новиот тренер на Рома, Џанпјеро Гасперини, инсистира на дополнително засилување на тимот до крајот на преодниот рок, тоа го истакна по синоќешната победа над Болоња со 1:0 во првото коло од Серија А.
Против Болоња, Гасперини играше во формација со тројца во одбраната, а Анхелињо, со кого Цимикас веројатно ќе се бори за место во тимот, дејствуваше како винг бек по левата страна.
Цимикас има 29 години и игра за Ливерпул од 2020 година.
Спорт
Борусија се договори за трансфер на тандемот од Челзи

Борусија Дортмунд договори соработка со двајца фудбалери на Челзи, Арон Анселмињо и Карни Чуквемека.
Исклучително добрата соработка што ја имаат Челзи и Борусија Дортмунд продолжува и ова лето.
Во овој преоден рок, „сините“ го купија Џејми Гитенс од Дортмунд за 56 милиони евра, а сега се подготвени да испратат двајца играчи во спротивна насока.
Арон Анселмињо ќе дојде на позајмица, додека Борусија ќе го купи Карни Чуквемека за 25 милиони евра.
Двајцата играчи треба да бидат официјализирани во понеделник, кога се закажани медицински прегледи.
Чуквемека играше за Борусија минатата сезона и постигна еден гол во 10 натпревари од Бундеслигата. Анселмињо, кој е дефанзивец, ја помина минатата сезона на позајмица во Бока Јуниорс.