Фудбалерите на Црвена звезда го победија Партизан со 2:1, во 177-то „вечно“ дерби одиграно во рамките на деветтото коло од српската Суперлига.

По петти пат по ред во домашното првенство, а вкупно шести, црвено-белите ги надиграа своите ривали и со тоа уште еднаш ја потврдија, во овој момент, својата доминација во српскиот фудбал. Прв пат од 1974 година Црвенз звезда успеа два пати по ред да победи на теренот на најголемиот ривал. Минатата сезона црвено-белите славеа со 4:0.

Дербито донесе добар фудбал, двата тима играа на моменти во исклучително добар ритам, на крајот пресуди квалитетот и сикуството на српскиот првак. Особено Звезда беше сигурна во првиот дел и покрај тоа што Партизан при 0:0 имаше добра шанса за гол.

Словенецот Тими Макс Елшник го отвори резултатот во 27-та минута. Вториот гол е дело на Немања Радоњиќ по еден час игра, по првиот допир со топката откако влезе на теренот.

Откако не искористи шанса да го реши мечот, Црвена звезда прими гол, во 74-та минута погоди Милошевиќ. До крајот една голема шанса за Партизан и две за Звезда, но резултатот остана 1:2.

Црвенз звезда е лидер со максимални седум победи и натпревар помалку, Партизан е втор со 19 поени.

Foto/ Starsport/Srđan Stevanović

Фудбалерите на Манчестер jунајтед го победија Челзи со 2:1 во петтото коло од Премиер лигата.

Ова е втора победа на Јунајтед оваа сезона, а прва над Челзи од 2023 година.

„Црвените ѓаволи“, барем на 24 часа се вратија во горниот дел од табелата и се наоѓаат на деветтото место, со бод помалку од „сините“, кои го забележаа првиот пораз сезонава во Премиер лигата.

Рубен Аморим и неговите избраници имаа голема помош, бидејќи Челзи остана со играч помалку на теренот по само пет минути игра.

Непромислениот Роберто Санчез излезе од шеснаесетникот, го собори Мбумо и заслужено доби директен црвен картон – трет најбрз за голман во историјата на Премиер лигата и најбрз досега во историјата на неговиот клуб.

Колата потоа тргна надолу – Јунајтед поведе со 1:0 во 14-та минута, а стрелец беше Бруно Фернандеш. Португалецот во 200-от натпревар за Јунајтед го постигна 100-от гол.

Во 37-та минута, Касемиро ја дуплираше предноста на својот тим, а во петтата минута од судиското продолжение доби втор жолт картон, со што стана првиот играч во историјата на Јунајтед кој постигнал гол и бил исклучен во истото полувреме.

Во второто полувреме имаше неспоредливо помалку возбудувања отколку во првото. Во ситуација „десет на десет“, Челзи апсолутно го контролираше поседот (28 спрема 78 отсто), но „сините“ не успеаја да приготват некои добри шанси.

Најголемата ја имаа во 80-та минута, кога Тревор Чалоба им даде надеж на Енцо Мареска и неговите играчи, кога со глава ја смести топката во мрежата на домашниот тим и го намали резултатот.

До крајот на натпреварот, тимот од Лондон не успеа да освои ниту еден бод, и покрај дури седум минути судиско продолжение.

Фудбалерите на Хајдук и Динамо го одиграа првото дерби во сезоната. Во седмото коло од СуперСпорт ХНЛ на „Пољуд“ во Сплит, екипата од Загреб победи со 2:0.

Головите за победа на „модрите“ ги постигнаа Арбер Хоџа во 44-та минута, кога ја зеде топката на околу 30 метри од сопствениот гол, се упати кон голот на Хајдук и го заврши одличниот соло пробив со удар од работ на шеснаесетникот за 0:1.

BEAUTIFUL SOLO GOAL FROM ARBER HOXHA! GETS THE BALL IN THE MIDDLE OF THE PITCH AND SCORES! 🤯😮‍💨 pic.twitter.com/eIrOoc5g45

— Illyrian Footy 🇦🇱 (@IllyrianFooty) September 20, 2025

Точка на натпреварот и Монсеф Бакрар во 81-та. Тој му ја одзеде топката на Шимун Хрговиќ, се помести неколку метри, а потоа со фантастичен удар од работ на шеснаесетникот ја заби топката под пречката.

QUEL BUT de Monsef Bakrar dans ce classico croate ! 🤯🇩🇿

Le setifien va offrir la victoire et la place de leader à son equipe.

Le Dinamo Zagreb veut retrouver la Ligue des Champions ! 🇪🇺 https://t.co/A0mgSSuIMp pic.twitter.com/rLeoAWJhJm

— 𝗠𝗘𝗥𝗖𝗨. 🔍🇩🇿 (@CompsMercu) September 20, 2025

Со оваа победа, Динамо се искачи на врвот на табелата во ХНЛ со 16 бода, три повеќе од второпласираниот Хајдук.

Foto/ jutarnji list