Спорт
(Видео) Наполи остана во шампионската трка, Милан остана без шанси да дојде до ЛШ

Фудбалерите на Наполи останаа во трката за титулата во Серија А, откако во дербито го победија Милан со 2-1.
Наполитанците го решија натпреварот во првите 20 минути. Политано погоди за 1-0 по додавањето од капитенот Ди Лоренцо во втората минута, а во 20.минута Лукаку ја зголеми предноста. Белгиецот го постигна 11. гол во Серија А од почетокот на сеозната.
Милан се разбуди дури на почетокот на вториот дел. Косенисао во рок од десет минути мораше да внесе тројца напаѓачи во игра, а еден од нив на крајот беше трагичар.
Во 69. минута за Милан беше досуден пенал, кој Сантијаго Хименез не успеа да постигне гол.
Сепак, Милан се врати во мелот во 84.минта со голот на Јовиќ , но не успеа да го избегне поразот. Српскиот репрезентаивец го постигна првиот гол за Милан по пауза од една година. Оваа сезона одигра само осум натпревари.
Наполи останува втор со 64 бодови, три зад Интер, додека Милан е подалеку од Европа, сега на деветтото место со 47 бодови.
GOL DO MILAN!!! ⚽
JOVIĆ DIMINUI pic.twitter.com/Itka96ZnN2
— Futebol Hoje ⚽ (@fut_hoje) March 30, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ридигер му се извини на судијата Де Бургос за дивјачкото однесување

Фудбалерот на Реал, Антонио Ридигер, јавно им се извини на судијата и навивачите за своето однесување во финишот, поради што доби црвен картон во финалето на Купот на Кралот и поразот. Купот го освои Барселона со победата 3.2, остварена во 116.минута.
Германскиот репрезентативец, незадоволен од една одлука на Де Бургос, фрли пластично шише кон судијата, а потоа се обид и да влезе на теренот за да се пресмета со нег.
Шпанските медиуми објавија дека тој се соочува со суспензија од четири до 12 натпревари.
„Дефинитивно нема оправдување за моето однесување. Многу ми е жал. Одигравме многу добар натпревар од второто полувреме, по 111. минута повеќе не можев да му помогнам на мојот тим, а пред последниот свиреж направив грешка. Уште еднаш им се извинувам на судијата и на сите што ги разочарав“, напиша 32-годишниот Ридигер на социјалната мрежа „X“.
Antonio Rudiger is sent off the pitch! 🟥 pic.twitter.com/wUsZXlPGDi
— Running Rüdiger (@RudigerRunning) April 26, 2025
Спорт
(Видео) Алкалоид ќе се бори за трофејот во ЕХФ купот – Последните минути од драмата во Норвешка

Фото/ rkalkaloid.mk
Алкалоид го оствари најголемиот успех во клупската историја со пласманот во финалето во ЕХФ Европскиот куп. Против Рунард Сандефјор, Алкалоид ја доби пенал драмата. откако реваншот во 60 минути заврши со 34:29 за норвешкиот тим. Со иста разлика Алкалоид победи во Скопје пред една недела.
Еден од хероите на Алкалоид секако е голманот Иван Галевски, во последните секунди од натпреварот со брилијантна интервенција го одбрани голот и спречи елиминација на Алкалоид.
Алкалоид во финалето ќе игра против АЕК. Финалните натпревари ќе се играат на 17/18 мај и 24/25 мај.
Спорт
(Видео) Слот му се заблагодари на Јирген Клоп

Менаџерот на Ливерпул, Арне Слот, изјави дека е горд на целиот тим и додаде дека тимот од „Енфилд“ заслужено ја освои титулата во Премиер лигата.
Ливерпул ја обезбеди 20. титула во клупската историја, откако го победи Тотенхем со 5:1 и на четири рунди до крајот на сезоната стекна недостижни 15 поени предност пред Арсенал.
„Се чувствувам одлично. Сакам да му се заблагодарам на Јирген Клоп“, рече Слот, кој го замени Клоп на позицијата менаџер на Ливерпул минатата година.
Слот истакна дека Ливерпул заслужено го победи Тотенхем.
„Беше јасно дека не смееме да го изгубиме овој натпревар. Сите во автобусот велеа дека нема шанси да изгубиме. Неверојатно сум горд, не само на играчите, туку и на спортските директори, членовите на мојот тренерски штаб… сите заслужуваат голем аплауз“, рече холандскиот стручњак.
Ливерпул со триумфот против Тотенхем стигна до 20-тата титула во клупската историја.
„Да заборавиме дека ова е втор пат за 35 години, но да речеме дека е втор пат во последните пет години“, заклучи Слот.
Absolute class moment. Slot pays tribute to Jurgen Klopp in the same spot with the same gesture Klopp gave him a year ago.
Full circle moment, beautiful. pic.twitter.com/RFLULait1Y
— Quill🍿 (@QuillTalks_) April 27, 2025