Спорт
(Видео) Нереални слики – Неапол „гори“

Фудбалерите на Наполи се шампиони на Серија А за сезоната 2024/25.
Тимот на Антонио Конте го освои Скудетото по втор пат во последните три години, откако во последното коло го победи Каљари со 2:0.
Ова е четврта титула за клубот од Неапол во историјата, а речиси половина милион навивачи сакаа да го имаат своето место на стадионот „Диего Армандо Марадона“, чии капаситет е 10 пати помал.
¡NAPOLI CAMPEÓN DE LA SERIE A! pic.twitter.com/HhY7LlIWkB
— Fox Sports Argentina (@FOXSportsArg) May 23, 2025
Преостанатите навивачи го окупираа централниот градски плоштад и всушност сите пори на градот од каде што го гледаа натпреварот, поради што целиот Неапол застана, а по последниот свиреж почна да „гори“.
Неверојатни сцени на прослава можат да се видат на улиците на Неапол, трофејот е обележан со факели и огномет.
OMG Napoli fans turned Naples into hell after Lukaku goal🔥
Scudetto 🏆 pic.twitter.com/3wZlOcr8O8— ApocaliptoX (@Pazzrik) May 23, 2025
Que bonito es el futbol italiano. Que pasión y que forma de vivirlo. Tremendamente meritorio el Scudetto del Napoli. Leyenda Antonio Conte pic.twitter.com/vSX979wgSW
— 🔱 (@ArchiATM) May 23, 2025
SCUDETTO! 🏆
Napoli have won their 4th ever Serie A title, and just look at those full time celebrations 🥹
This is what it means to Naples. Phenomenal!
— Football Heritage (@_footyheritage) May 23, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дијаз во Баерн за пет пати поголема плата

Колумбискиот напаѓач Луис Дијаз официјално ќе го засили Баерн во наредните денови.
Дијаз во текот на денот ќе слета во Минхен, каде што ќе се сретне со челниците на клубот, а медицинските прегледи се планирани за вторник. Потоа ќе следи официјализирање на трансферот вреден 75.000.000 евра со бонуси.
Дел од германските медиуми, во меѓувреме го објавија и финансискиот дел од договорот. Дијаз ќе има годишна плата од 14.000.000 евра, што е речиси пет пати повеќе од она што го имаше во Ливерпул. Таму заработуваше 2.700.000 по сезона.
Популарниот Лучо постигна 41 гол и асистираше уште 23 пати во 148 натпревари.
Фото/ Принскрин
Спорт
Гвардиола: Барселона? Таа приказна е завршена

Пеп Гвардиола импресивната тренерска кариера ја започна во Барселона. Најпрвин како тренер на Б тимот, а потоа го презеде првиот тим. Три години неговата Барселона доминираше во Европа.
Гвардиола ја напушти Барселона во 2012 година, се пресели во Баерн, а потоа во Манчестер сити.
Изминатите години често го прашуваа дали некогаш ќе се врати на „Ноу Камп“.
„Таа приказна е завршена. Засекогаш е ставен крај. Беше прекрасно, но заврши и нема да се случи повторно“, рече Гвардиола.
Исто така, покрај враќањето во Барселона, искусниот Шпанец зборуваше и за Ламин Јамал и споредбите на младата ѕвезда со Лионел Меси.
„Треба да го оставиме Ламин Јамал да си го гради својот пат и само кога ќе игра 15 години тогаш ќе можеме да кажеме дали е подобар од Меси или не“, рече Гвардиола и дополни.
„Фактот дека веќе го споредуваат со Меси е голема работа. Но, тоа е како да споредувате сликар кој штотуку почнува со Ван Гог.“
Foto/ EPA
Спорт
Виса започна штрајк, бара Бренфорд да ја прифати понудата од Њукасл

Фудбалерот на Брентфорд, Јоан Виса, е незадоволен бидејќи клубот одбива да го продаде на Њукасл, објави дека нема да тренира ниту да игра додека не се заврши трансферот.
Брентфорд е решен да го задржи Виса, додека Тотенхем, Нотингем Форест и Њукасл покажаа интерес за напаѓачот.
Њукасл е во незавидна ситуација, откако Александар Исак побара трансфер. „Страчките“ се во потрага по засилувања во нападот. Наводно ако Исак замине на неговото место ќе дојде Бенјамин Шешко од Лајпциг. За посилен напад Њукасл го сака и Виса за чии услуги понуди 25 милиони фунти. Проблем е што Брентфорд бара двојно поголема сума.
Виса е многу разочаран бидејќи му било ветено дека ќе може да си замине ова лето, а Њукасл е неговата претпочитана дестинација поради учеството во Лигата на шампионите.
Извор од „Скај Спортс“, сепак, негира дека постои таков договор помеѓу 28-годишникот и Брентфорд.
Главниот тренер на Брентфорд, Кит Ендрус, изјави во саботата дека очекува Виса да се придружи на подготовките во наредните денови.
Напаѓачот има уште една година од договорот, а клубот може да ја активира опцијата за продолжување на договорот за уште 12 месеци.
Визс постигна 18 гола и имаше шест асистенции минатата сезона – само крилниот напаѓач Брајан Ембеумо беше поефикасен од него.
Брентфорд веќе го продаде Ембеумо на Манчестер јунајтед, а клубот го напуштија и неодамнешниот тренер Томас Франк (Тотенхем), капитенот Кристијан Норгард (Арсенал) и голманот Марк Флекен (Баер Леверкузен).