Спорт
(Видео) Нестварен пресврт на Денвер во Далас, Индијана ја прекина победничката низа на Кливленд
Кошаркарите на Денвер Нагетс славеа победа на гости кај Далас од 112:101, иако домашните Маверикс имаа 19 поени предност на неполни 17 минути до крајот на натпреварот.
Ослабениот Далас, кој остана без своите две ѕвезди Лука Дончиќ и Кајри Ирвинг, водеше со 86:67 во осмата минута од третата четвртина. Сепак, до крајот на тој период Нагетс ја намалија негативата на 10 поени (89:79), а за неполни три минути игра во последниот дел од натпреварот целосно ја анулираа предноста на домаќините (91: 91).
Далас го држеше водството до три минути пред крајот, гостите потоа тргнаа во серија од 11:2 до крајот на натпреварот и на крајот остварија убедлива победа. На Никола Јокиќ му недостасуваше уште една асистенција за уште еден трипл-дабл.
Српскиот центар на Нагетс натпреварот го заврши со 19 поени, 18 скока и девет асистенции. Расел Вестбрук додаде 21 поен, 10 скока и седум асистенции, а Џамал Мареј постигна 17 поени во новата победа на Денвер.
Далас го предводеше Клеј Томпсон со 25 поени, додека Наџи Маршал и Спенсер Динвиди постигнаа по 16 поени, а вториот додаде и 10 асистенции.
Водечкиот тим во НБА Кливленд Кавалирс на домашен терен беше поразен од Индијана Пејсерс со 108:93. Пејсерс со шестата последователна победа ја прекина серијата на Кавс од 12 последователни победи.
Кливленд го загубија својот прв натпревар од 8-ми декември минатата година, Кавси сега имаат 33 победи и пет порази, Ендрју Нембхард постигна 19, а Паскал Сијакам додаде 18 поени и девет скока за Индијана. Најдобар стрелец кај Кавси беше Дариус Гарланд со 20 поени. Тој имаше и седум асистенции.
Во Њујорк, домашниот тим Никс убедливо го совлада Милвоки Бакс со 140:106, со што ја прекина нивната серија од три победи. Џејлен Брунсон постигна 44 поени за победниците, а Карл-Ентони Таунс комбинираше 30 поени и 18 скока. Кај гостите Јанис Адетокумбо постигна 24 поени и 13 скока, а Демијан Лилард постигна 22 поени.
Сакраменто Кингс во Чикаго ги совлада Булс со 124:119 и го доби седмиот последователен натпревар. Де’Арон Фокс ги предводеше „кралевите“ со 26 поени, додека Домантас Сабонис имаше 22 поени, 16 скока и осум асистенции. Зак Лавин беше најдобар играч на Чикаго со 36 поени и 10 скока.
НБА лига, резултати:
Далас Маверикс – Денвер Нагетс 101:112
Њујорк Никс – Милвоки Бакс 140:106
Чикаго Булс – Сакраменто Кингс 119:124
Вашингтон Визардс – Оклахома Сити Тандер 95:136
Орландо Меџик – Филаделфија 76ерс 104:99
Кливленд Кавалирс – Индијана Пејсерс 93:108
Бостон Селтикс – Њу Орлеанс Пеликанс 120:119
Јута Џез – Бруклин Нетс 112:111
Феникс Санс – Шарлот Хорнетс 1201:113
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

