Спорт
(Видео) Нотингем Форест по пауза од 30 години победи на „Олд Трафорд“

Фудбалерите на Нотингем Форест го совладаа Манчестер јунајтед на „Олд Трафорд“ со 3:2 во последниот натпревар од саботната програма, во рамките на 15. коло на Премиер лигата.
„Шумарите“ прекинаа една лоша традиција, ја остварија првата победа на „Олд Трафорд“ од 1994 година.
Српскиот репрезентативец, Никола Миленковиќ во втората минута го шокираше домашниот тим. За него ова беше прв гол во дресот на Нотингем Форест. Летово се пресели во Премиер лигата од Фиорентина.
Ова беше трет последователен гол кој Јунајтед го прими по удар од корнер.
Тимот на Рубен Аморим брзо се консолидира. Расмус Хојлунд израмни во 18. минута. Жота Силва недолго по голот на Данецот ја погоди стативата, а до крајот на полувремето Бруно Фернандеш од слободен удар ја погоди гредата.
Втората минута повторно беше кобна за Јунајтед. Во втората минута од вториот дел Форест повторно поведе. Морган Гибс-Вајт го постигна вториот гол за гостите во 47. минута, по аматерската реакција на Андре Онана. Необјасниво дозволи топката која одеше по средината на голот да заврши о мрежата.
Сседум минути подоцна, играчите на Форест постигнаа уште еден гол. Крис Вуд од тешка позиција го совлада Онана. Оваа беше 10. гол за Новозеланѓанецот во сезоната, покрај нег двоцифрен број на голови имаат постигнато упте само Мохамед Салах и Ерлинг Халанд.
Јунајтед успеа да го намали резултатот во 61. минута преку Бруно Фернандеш, но до крајот имаше само една посериозна шанса, во шестата минута од судиското надополнување кога Лисандро Мартинез ја испрати топката преку гредата, па Јунајтед го доживеа вториот пораз во ерата на Рубен Аморим.
„Црвените ѓаволи“ се на 13. место со 19 бодови, додека Форест е петти. Во следното коло Јунајтед го игра дербито на Манчестер против Сити, додека Нотингем ја пречекува Астон Вила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона и Бетис се договорија, Витор Роке се сели во Палмеирас

Барселона и Бетис постигнаа договор околу Витор Роке. Младиот Бразилец се враќа во татковината, кариерата ќе ја продолжи во Палмеирас.
Барселона за Роке плати речиси 40 милиони евра. Бразилецот беше најавен како нова голема ѕвезда, но ниту доби вистинска шанса најпрвин кај Чави, а потоа и кај Флик, ниту ги оправда очекувањата кога ќе добиеше шанса.
Минатото лето Барселона го испрати на позајмица во Бетис. Не блескаше ниту кај Мануел Пелегри. Пред еден месец Барселона доби понуда од Палмеирас од 25 милиони евра и Барса да задржи 20 отсто од следната продажба.
Џоан Лапорта ја прифати понудата но мораше да го убеди Бетис да ја раскине позјмицата.
Тоа се случи откако Барселона се откажа од 30 отсто од правата што ги имаше врз Ез Абде. Барселона за крилниот напаѓач од Бетис доби 7,5 милиони евра и задржа 50 отсто од правата од наредната продажба. Со новиот договор Барселона од евентуалниот наводен трансфер на Ез Абде ќе добие 20 отсто.
Исто така Бетис од Палмеирас ќе добие компензација од 6 милиони евра.
Спорт
Кин за капитенот и играчите на Јунајтед: Еб..и изманици

Манчестер јунајтед минатиот викенд успеа да ремизира против Евертон (2:2) во возбудлив премиерлигашки натпревар, а вчера го победи Ипсвич со 3:2.
Бруно Фернандеш со својот гол од слободен удар го започна камбекот на „црвените ѓаволи“ против Евертон. Сепак, овие резултати не го импресионираа легендарниот поранешен капитен на Јунајтед, Рој Кин.
Кин, познат по своите остри коментари ги критикуваше играчите на Манчестер јунајтед, смета дека тимот нема карактер. Неговиот гнев беше насочен и кон сегашниот капитен Бруно Фернандеш.
„Овие играчи едноставно го немаат она што е потребно за да го носат дресот на Манчестер јунајтед“, изјави Кин за „Скај Спорт“.
„Гледам премалку страст, премалку борбеност. Каде е Јунајтед што го знаевме? Овие играчи се еб..и измамници“.
Зборовите на Кин одекнаа меѓу фановите кои беа поделени во нивните мислења. Додека некои ја поддржуваат неговата критика, други веруваат дека тој е премногу остар кон тимот.
Спорт
Хорхе Мартин ќе ја пропушти и Големата награда на Аргентина

Актуелниот светски шампион во Мото ГП, Хорхе Мартин нема да ја вози и втората трка сезонава.
Хорхе Мартин ќе ја пропушти првата трка сезонава во Тајланд овој викенд, а откако заработи нова повреда нема да вози ниту во Аргентина.
Возачот на Априлија ја повреди другата рака за време на првиот тренинг по операцијата на скршеница на раката и ногата, поради што било потребно да се изврши уште една операција.
Големата награда на Аргентина ќе се вози на 16 март.