Спорт
(Видео) Нотингем го шокира Ливерпул, лесно му е на Сити кога го има Халанд
Нотингем Форест го приреди најголемото изненадување од почетокот на сезоната во Премиер лигата. „Шумарите“, во четвртото коло на „енфилд“ го победија Ливерпул со 1:0. Кога ќе биде комплетирана оваа рунда, само шампионот Манчестер сити ќе има максимален учинок. „Граѓаните“ предводени од Ерлинг Халанд го победија Брентфорд со 2:1.
Ливерпул го прими првиот гол и го доживеа првиот пораз во новата сеозна. Нотингем Форест со победа го напушти „Енфлид“ прв пат по 1969 година. Ливерпул доминираше пред своите навивачи, креираше шанси, но не успе да постигна гол. Нотингем, определен на одбрана на својот гол, шансите ги бараше во брзата транзиција. Еден таков напад во 72.минута го реши победникот, кога Хадсон-Одои од работ на шеснаесетникот го погоди спротивниот агол.
Брентфорд го шокираше Манчестер сити во 22 секунда, кога Виса го совлада Едерсон. Но до крајот на полувремето „граѓаните“ со головите на Халанд во 19. и 32.минута направија пресврт. Со овој резултат заврши натпреварот и покрај тоа двата тима имаа свои шанси во второто полувреме.
Инаку, Халанд во првите четири натпревари постигна девет гола.
Изненадување направи и Норич, на „Амкес“ во Брајтон одигра 0:0 против фаворизираниот домаќин.
Кристал Палас осои бод против Лестер и покрај тоа што „лисиците“ имаа 0:2 со головите на Варди и Мавидид. Бод за Палас спаси Матета со дват гола.
Фулам, во „малото лондонско дерби“ доминираше против Вест Хем, но не успеа да победи. Раул Хименез постигна гол за Фулам во првото полувреме, а Вест Хем од пораз во 95.минута осови бод со голот на Дани Ингс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Стефано Пиоли ќе го преземе Ал Наср
Стефано Пиоли екс тренерот на Милан, попладнево заминал за Саудиска Арабија каде треба да потпише договор со Ал Наср.
Пиоли, претходно во клупските простории на Милан, на „Сан Сиро“, го раскина договорот со клубот.
Тој на клупата ќе го замени Луис Кастро, кој по нешто повеќе од една година го напушта клубот.
Стефано Пиоли претходно работеше во Милан со кој го освои и Скудетото, а на клупата е седна во октомври 2019 година. Претходно ги водеше Фиреонтина, накратко и Интер во сезоната 2016/17, Лацио, Болоња, Палермо, Киево, Сасуоло, Пјаченца, па ова му е прва работа надвор од Италија.
Најголема ѕвезда на Ал Наср е Кристијано Роналдо.
Спорт
Керол доаѓа на помош – Англичанецот го засили Бордо
Бордо доживеа вистинска спортска трагедија и поради финансиски проблеми испадна во четвртиот ранг на францускиот фудбал. Денеска клубот доби звучно засилување кое треба да му помогне да избори пласман во повисок ранг.
Енди Керол се пресели од Амиен во редовите на поранешниот шампион. Керол минатата сезона во Амиен постигна четири гола на 31 натпревар, што не е завидна статистика за напаѓач.
Во минатото Керол се сметаше за еден од најдобрите англиски напаѓачи. Ова беше во период кога го носеше дресот на Њукасл. По три сезони меѓу „страчките“ за тогаш огромна сума од 41 милион евра се пресели во Ливерпул. Во тој зимски преоден рок во Ливерпул пристигна и Луис Суарез од Ајакс.
Во Ливерпул неговата кариера започна да се движи по надолна линија. Откако замина од Ливерпул играше за Вест Хем, Ридинг и Вест Бром.
Тој помина една година во Амиен, а без обештетување се сели во Бордо.
Спорт
Иван Јуриќ ќе биде новиот тренер на Рома
Даниеле Де Роси (41) повеќе не е тренер на Рома, потврди римскиот клуб преку објава на својата официјална веб-страница. Де Роси, легенда на Рома, доби отказ бидејќи нема победа во првите четири рунди во Серија.
Рома има биланс од три нерешени и еден пораз, со гол разлика 2:3. Де Роси, кој одигра 616 натпревари за Рома од 2001 до 2019 година, поради лошите резултати доби отказ.
Сега се поставува прашњето кој ќе го наследи?
Италијанските инсајдери Џанлука Ди Марцио, Николо Шира и Алфредо Педула пишуваат дека главен кандидат е хрватскиот стручњак Иван Јуриќ (49). Ди Марцио наведува дека Рома размислува и за Един Терзиќ и Томас Тухел, додека Масимилијано Алегри, Стефано Пиоли и Маурицио Сари моментално ги нема во конкуренција.
Шира тврди дека Јуриќ потврдил дека е подготвен да го преземе тимот и дека денеска треба да оди на ручек со техничкиот директор на Рома, Флоријан Гисолфи.
Според досегашните сознанија, Рома на Јуриќ му нуди договор до крајот на сезоната, кој автоматски би бил продолжен за уште една година доколку избори пласман во Лигата на шампионите.
Педула ги надополнува информациите на колегите дека менаџерот на Јуриќ веќе пристигнал во Рим за да разговара со раководството на Рома и ги потврдува наводите на Шира за договорот што би го добил Јуриќ.
Иван Јуриќ целата кариера е тренер во Италија, без работа е од крајот на минатата сезона кога по три години си замина од Торино.