Спорт
(Видео) Нови победи за Денвер и Далас, Јокиќ и Дончиќ со трипл-дабл
![](https://makfax.com.mk/wp-content/uploads/2023/10/download-7-1.jpg)
Денвер Нагетс и Далас Маверикс се единствените две непоразени екипи на Западот од почетокот на сезоната. Изминатата ноќ Нагетс ја забележаа четвртата, а Маверикс третата победа. Трипл-дабл во победите забележаа Никола Јокиќ и Лука Дончиќ.
Нагетс во својата „Бол Арена“ ја победија Јута со 110:102.
Јокиќ за 35 минути запиша 27 поени (шут од поле 12/16) со 11 асистенции и 10 скока. Ова е негов 107. трипл-дабл учинок во кариерата.
Кошаркарот на Сомбор со тоа се израмни со Леброн Џејмс и Џејсон Кид на вечната листа.
Од неговите соиграчи се истакнаа Арон Гордон со 21 поен и седум скока и Џамал Мареј со дабл-дабл учинок од 18 поени и 14 асистенции.
Во поразениот тим Лаури Марканен постигна 27 поени и фати 14 топки.
Далас го победи Мемфис со 125:110.
Маверикс ги предводеше Лука Дончиќ, кој го има можеби најдобриот старт во лигата. Лука постигна 35 поени, 12 скока и 12 асистенции. Ова е негов 58. трипл-дабл во кариерата.
Фасцинантно е што на овие три одиграни натпревари од почетокот на сезоната, Словенецот има постигнато 117 поени или 39 поени во просек.
Резултати:
Шарлот – Бруклин 121:133
Индијана – Чикаго 105:112
Вашингтон – Бостон 107:126
Атланта – Минесота 127:113
Торонто – Портланд 91:99
Мемфис – Далас 110:125
Милвоки – Мајами 122:114
Њу Орлеанс – Голден Стејт 102:130
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.