Спорт
(Видео) Нуркиќ суспендиран и парично казнет – Казните на играчите на Далас ќе им ги плати Ирвинг

НБА лигата експресно реагираше и ги казни актерите на тепачката на натпреварот Далас-Феникс.
Кратка но жестока пресметка имаа Јусуф Нуркиќ и Наџи Маршал, по што и двајцата беа исклучени.
Исклучен беше и кошаркарот на Далас, Пи Џеј Вашингтон, бидејќи и тој учествуваше во тепачката.
Јусуф Нуркиќ е суспендиран на три натпревари и казнет со 125.000 долари по натпревар или 375.000 долари.
Наџи Маршал доби суспензија од четири натпревари и парична казна од 59.113 долари по натпревар, вкупно 232.456 долари, а Пи Џеј Вашингтон доби суспензија од еден натпревар и парична казна од 89.080 долари.
JUSUF NURKIC VS. NAJI MARSHALL
— Hoop Central (@TheHoopCentral) December 28, 2024
Интересно казните на Маршал и Вашингѕон ќе и ги плати Кајри Ирвинг. Вкупно ќе издвои 321.536 долари.
„Можеби ова е вистинскиот начин да се заврши 2024 година, некој всушност некој некого удри во НБА. Можеби тоа малку ќе ја подигне гледаноста. Бев малку збунет, сè се случи толку брзо. Во моменти како овие, важно е играчите да се заштитат себеси, да се заштитат едни со други, каде и да, на улица или на кошаркарски терен, треба да кренете раце и да се браните. Ќе се погрижам за нивните казни, за Пи Џеј и Маршал, понекогаш овие работи се дел од кошарката“, им изјави најдобриот играч на Далас на новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јувентус го договори Жегрова и го испрати Гонзалес во Атлетико

Јувентус, во финишот на преодниот рок обезбеди важно засилување. Поранешниот фудбалер на Лил, Едон Жегрова доаѓа во Јувентус. Во исто време клубот ќе го напушти Нико Гонзалес.
Косовскиот репрезентативец пристигнува од француски Лил, каде што играше претходните три сезони и се профилираше како еден од најдобрите играчи во Лига 1 на позицијата офанзивен играч за врска.
Жегрова ќе му се придружи на својот поранешен соиграч од Лил во Јувентус, Канаѓанецот Џонатан Давид, кој исто така им се придружи на Бјанконерите ова лето, но како слободен играч.
Италијанските медиуми објавуваат дека Јувентус ќе му плати 15 милиони евра на Лил
За репрезентацијата на Косово досега одигра 42 натпревари и постигна пет гола.
Исто така, на претпоследниот ден од преодниот рок, раководството на „старата дама“ ја прифати понудат од Атлетико за Аргентинецот, Нико Гонзалез.
Сезонава, Нико ќе настапува како позајмен играч во Атлетико. Клубот од Мадрид ќе плати еден милион евра за позајмицата.
На крајот од сезоната, во завосност од настапите, Атлетико ќе може да го откупи договорот на Аргентинецот за за сума помеѓу 20 и 30 милиони евра.
Фото/ Принтскрин
Спорт
(Видео) Шок во Милано, Удинезе го победи Интер

Вицепрвакот на Италија и Европа, Интер доживеа шокатнтен пораз на „Џузепе Меаца“ во второто коло, во Серија А. Удинезе победи со 2:1.
Интер поведе во 17-та минута со голот на Дензел Дамфрис по додавањето на Маркус Турам.
Во 26-та минута, Дамфрис играше со рака во шеснаесетникот. Во првиот момент, судијата покажа дека нема пенал, но доби сигнал од ВАР собата. Откако ја провери снимката, ја промени својата одлука. Кенин Дејвис беше прецизен во 29-та за 1:1.
Во 40-та минута, Артур Ата прими одлична топка на работ од шеснаесетникот и брилијантно постигна гол за водство на гостите.
Мрежата на Удинезе се тресеше во 56-та минута, но по проверката на ВАР, голот на Федерико Димарко беше поништен поради офсајд.
Подоцна, Интер имаше одлична можност преку Турам, но не успеа да освои барем бод на овој натпревар.
Foto/ EPA/MATTEO BAZZI
Спорт
(Видео) Влаховиќ за победа на Јувентус во Џенова
Фудбалерите на Јувентус ја победија Џенова на гостински терен во второто коло од Серија А со 1:0.
Единствениот стрелец беше српскиот фудбалер Душан Влаховиќ во 73-та минута, на асистенција на неговиот сонародник Филип Костиќ.
Јувентус изгледаше лошо во поголемиот дел од натпреварот, се мачеше да создаде шанса, па Џенова лесно ги одбиваше нападите на противникот.
Клучен момент беше 70-минута кога тренерот Игор Тудор на теренот ги испрати Влаховиќ и Костиќ. Три минути подцна српската врска му ја донесе победата.
Во следното коло Јувентус го очекува големото дерби против Интер.
Foto/ corriere.it