Спорт
(Видео) Пакета доби жолт картон па заплака, го тешеше судијата Мајкл Оливер

Вест Хем одигра нерешено 1-1 на домашен терен против Тотенхем во 35-то коло од Премиер лигата.Натпреварот го обележа емотивен момент, односно солзите на најдобриот играч на „чеканите“, Лукас Пакета.
Бразилецот доби жолт картон во 73-та минута поради прекршок, а кога судијата Мајкл Оливер му додели жолт картон, Пакета емотивно реагираше.
Пакета протестираше кај судијата дека фаулот не бил за јавната опомена, а потоа и заплака. Судијата Оливер се обиде да го утеши, како и капитенот на Вест Хем, Џерод Бовен.
Во текот на целата сезона, Пакета игра во сенка на истрага поради сомневања дека намерно добивал жолти картони за неговото семејство и пријателите да можат да профитираат во обложувалниците.
Обвиненијата вклучуваат четири такви случаи. Истражителите пронајдоа околу 60 облози на неговите жолти картони во натпревари од 2022 и 2023 година, со влогови кои се движеле од 7 до 400 фунти.
Некои од облозите се поврзани со членови на неговото семејство. Пакета жестоко ги негираше сите обвинувања, тврдејќи дека жолтите се резултат на неговиот агресивен стил на игра.
Неговите адвокати наведоа дека, многу луѓе се обложуваат на жолтите картони, а чето го избираат Пакета бидејќи тој имал репутација на агресивен фудбалер кој често прави фаули.
Минатото лето, неговиот трансфер од 95 милиони евра во Манчестер сити пропадна токму поради истрагата што ја започна Фудбалската асоцијација (ФА).
Пакета се повлече од бразилската репрезентација за да се фокусира на својата правна одбрана. Тој целосно соработува со истражителите, предаде телефонски записи, банкарски извештаи и мобилен телефон.
Доколку биде прогласен за виновен, се соочува со доживотна забрана за играње фудбал.
🚨 Lucas Paqueta cries after receiving a yellow card 😨! pic.twitter.com/KVudD7fX7E
— KinG £ (@xKGx__) May 4, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона со стил ја заврши сезоната

Точка на сезоната во шпанското првенство ставија Атлетик Билбао и Барселона во Баскија, каде што актуелниот шампион победи со 3:0 (2:0) и со тоа ја спушти завесата на сезоната во која постигна 101 гол.
„Црвено-белите“ нема да жалат премногу за овој пораз бидејќи одамна го обезбедија четвртото место и пласманот во Лигата на шампионите, каде што се враќаат по 10 години.
Навивачите на „Сан Мамес“ се збогубаа со легендата Оскар де Маркос. Еден од капитените стави крај на кариерата.
Барса ги реши сите проблеми во првата половина од првото полувреме, а двоен стрелец беше полскиот напаѓач Роберт Левандовски. Полјакот головите ги постигна во 14-та и 17-та минута.
Во самиот финиш, ВАР интевенираше, Барселона доби пенал, а Дани Олмо во 94.минута го постави конечниот резултат.
Барса и Атлетик Билбао, но и Реал Мадрид, Атлетико Мадрид и Виљареал ќе играат во Лигата на шампионите следната сезона. Место во Лига Европа обезбедија Бетис и Селта, а во Конференциската лига ќе се натпреварува Рајо Ваљекано.
Спорт
(Видео) Јуве од пенал до Лигата на шампионите, Лацио остана без Европа

Драматичен крај имаше сезоната во Серија А. Најголеми губитници се фудбалерите на Лацио, во последната рунда останаа без место во европските купови. Лацијалите на домашен терен загубија од Лече (0:1). Екипата од југот на Италија со овој триумф избори опстанок во лигата.
Лацио против давеникот не успеа да постигне гол, еден бод ќе го однесеше клубот во Лигата на Конференции. Лацио, цело полувреме играше со фудбалер повеќе, но ниту тоа не им беше доволно да се спасат од поразот. Херој на Лече е Кулибали, неговиот гол во 43.минута го реши победникот.
Јувентус, со многу труд успеа да победи кај Венеција (3:2) и да го задржи четвртото место на табелата. „Старата дама“ и наредната сезона ќе игра во Лигата на шампионите.
Во втората минута, Венеција поведе преку Фила, но по нешто повеќе од половина час игра, Јувентус успеа да направи пресврт со головите на Јилдиз и Коло Муани.
Ново израмнување имаше во 55-та минута кога Хапс постигна гол за домаќините, а во тој момент Рома имаше водство од два гола против Торино и беше јасно дека оди кон победа.
Мануел Локатели го спаси Јувентус од со голот од пенал во 73-та минута. Овој резултат остана до крајот на разочарување на навивачите на Рома и нивниот тренер Клаудио Раниери. Овој натпревар беше 500-ти за Раниери како тренер во Серија А.
Покрај Јуве, во Лигата на шампионите одат и шампионот Наполи, Интер и Аталанта. Рома и Болоња ќе играат во Лига на Европа, а Фиорентина во Конференциската лига. Монца, Венеција и Емполи се селат во Серија Б.
Спорт
Никола Миротиќ се договорил со Монако

Монако вечерва не успеа да стане европски првак. Во Абу Даби, Монако го загуби финалето од Фенербахче со 70:81.
Еден час по завршувањето на финалето, медиумите објавија дека Никола Миротиќ од следната сезона ќе го носи дресот на клубот од „малото кнежество“.
Миротиќ ќе потпише двегодишен договор со Монако, со можност тој да биде продолжен на уште една сезона.
Оваа информација ја објавува „Јурохупс“, а претходно беше споменато дека Миротиќ ќе замине од Милано и ќе се пресели во Монте Карло.
Според овој извор во наредните денови Миротиќ ќе го потпише договорот.