Спорт
(Видео) Пчели го прекинаа мечот Алкараз – Зверев, Синер собори рекорд на Ѓоковиќ
Карлос Алкараз закажа дуел со Јаник Синер во полуфиналето на Мастерсот во Индијан Велс. Двајцата лесно ги минаа ривалите во четвртфиналето, Александар Зверев односно Јиржи Лехечка.
Алкараз го декласира Зверев со 6.3, 6:1 и му се реваншираше за елиминацијата на Австралија опен.
Мечот започна неизвесно, двајцата тенисери добија по еден гем, а потоа се случи нешто невидено на тениските и спортските терени.
Огромен рој пчели буквално го нападна Стадионот 1, камерата „пајак“ што го покрива теренот ја претворија во своја „кошница“ и ги принуди тенисерите да се повлечат.
Главниот судија Мухамед Лајани го прекина мечот, а прекинот траеше речиси два часа.
Дури откако локалниот „убиец на пчели“ Ленс Дејвис ги собра пчелите со правосмукалка и ги растера од стадионот, тенисерите се вратија и го продолжија мечот.
Остатокот од мечот мина во апсолутна доминација на Алкараз, кој ја демонстрираше својата моќ.
Шпанецот го одигра најдобриот меч сезонава и го совлада Зверев за 90 минути активна игра.
The most BEE-ZARRE thing you'll ever see!! 🐝#TennisParadise pic.twitter.com/OAHe0lIMpB
— Tennis TV (@TennisTV) March 14, 2024
Доминатен во своето четвртфинале беше и Јаник Синер. Италијанецот за 88 минути го победи Лехечка со 2:0 (6:3, 6:2).
Синер победи во првите 16 меча во 2024 година и е најмладиот тенисер во историјата кој успеал да го направи тоа со само 22 години. Претходниот најмлад беше Новак Ѓоковиќ во легендарната кампања во 2011 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Де Брујне опериран во Антверпен, ќе паузира три до четири месеци
Фудбалерот на Наполи, Кевин де Брујне, беше опериран во Антверпен откако го повреди бутниот мускул на десната нога на првенствениот натпревар против Интер.
„Како што беше планирано, Кевин де Брујне беше опериран во Антверпен поради повреда на задниот бутен мускул на десниот бут. Процедурата помина совршено и Де Брујне ќе ја започне првата фаза од постоперативното закрепнување во Белгија“, се вели во соопштението на Наполи.
Де Брујне се повреди во саботата на натпреварот против Интер (3:1) во Серија А.
Тој постигна гол во 33-та минута од пенал и веднаш по ударот се фати за бтниот мускул. Со помош на медицинскиот тим го напушти теренот.
De Bruyne took a pen so powerful he pulled his hamstring ffs https://t.co/XVaSUYAjOM pic.twitter.com/UX0FeyImLL
— Z 🇵🇸 (@PepsBalls) October 25, 2025
Актуелниот шампион на Италија не соопшти колку долго ќе отсуствува белгискиот фудбалер, но во вторникот генералниот менаџер Габриеле Оријали изјави дека Де Брујне ќе биде надвор од теренот три до четири месеци.
Ова лето, по 10 години во Манчестер Сити, Де Брујн се пресели во Наполи, за кого одигра осум натпревари во првенството и постигна четири гола, а имаше и две асистенции во Лигата на шампионите.
Спорт
(Видео) Кризата се продлабочува, Ливерпул испадна од Лига купот
По четири последователни порази во Премиер лигата, фудбалерите на Ливерпул се елиминирани од Лига купот. На „Енфилд“ Кристал Палас го победи Ливерпул со 3:0.
Кризта во Ливерпул се продлабочува, екипата на Арне Слот, има шест порази на последните седум натпревари.
За поразот во Лига купот оправдување на холандскиот тренер не моѓе да му биде ниту фактот што играше со „шарен состав“.
Исмаила Сар со два гола во интервал од четири минути, во првиот дел ја најави елиминацијата на „црвените“.
Ливерпул го нокаутира Јереми Пино во финишот на натпреварот.
Арсенал беше сигурен дома против Брајтон.
На „Емирати“, головите на Енванери и Букајо Сака му овозможија на тимот на Микел Артета успешно да го мине осминафиналето на Лига купот.
Енванери погоди во 56-тата минута, а Сака 20 минути подоцна.
Манчестер Сити се мачеше против Свонси, но победи по пресврт со 3:1. Домашниот тим поведе преку Франко во 12-та минута, израмни Доку во 39-та минута, кога Доку.
Изненадувањето го спречи Мармуш, кој донесе пресврт со гол во 77-та минута, а Черки со гол во 90+3-тата минута го потврди триумфот на својот тим.
Челзи го реши прашањето за победникот на полувремето на гостински терен против Вулверхемптон, на крајот се мачеше но победи со 4:3. „Сините“ постигнаа дури три гола во првиот дел од играта.
Стрелци беа Андре Сантос во петтата минута, Џорџ ја удвои предноста во 15-та минута, а се покажа дека победата ја обезбеди Естевао со гол во 41-та минута.
Надежта на домашниот тим ја врати Арокодаре, кој постигна гол во 48-та минута, а кога гол постигна и Вулф, Вулверхемптон се надеваше на чудо. Сепак, сè беше завршено кога Гитенс постигна гол за Челзи во 90-та минута, а две минути подоцна Волф повторно постигна гол за домашниот тим и го постави конечниот резултат.
Спорт
Вељко Пауновиќ ќе биде новиот селектор на Србија
Вељко Пауновиќ ќе биде новиот селектор на српската фудбалска репрезентација. Иако нема потврда од куќата на српскиот фудбал, ниту од идниот селектор, „Спортклуб“, повикувајќи се на свои извори тврди дека двете страни постигнале договор.
Според овој извор, се очекува оваа информација официјално да биде потврдена во четврток.
Во мир, далеку од притисокот на јавноста, и со претходно зелено светло од Извршниот одбор на ФСС, генералниот секретар на Српскиот фудбалски сојуз, Бранко Радујко, во Мадрид, водел тивки преговори со единствениот сериозен кандидат. Конечно, по конкретни дискусии и решавање на посериозни пречки, позитивен одговор дојде од Шпанија.
Конечниот договор доаѓа пред дефинирањето на списокот за натпреварите со Англија и Латвија. Сепак според непотврдени информации, иако претставниците на ФСС, поточно генералниот секретар Бранко Радујко, ја застапуваа тезата за преземање на тимот веќе во претстојните натпревари, желбата на Пауновиќ била да започне нов мандат, однсно да го преземе националниот тим во јануари 2026 година.
Вељко Пауновиќ ќе биде 12-от селектор со полно работно време на Србија. Тој ќе го наследи Драган Стојковиќ на клупата, кој остави зад себе рекорден ангажман, кој траеше четири години и осум месеци.
Foto/ EPA

