Спорт
(ВИДЕО) Покрај тренинзите, тенисерот најде време и за забава
![](https://makfax.com.mk/wp-content/uploads/2024/06/NOVAK-1.jpg)
Новак Ѓоковиќ на социјалните мрежи сподели видео за инсектот и полжавот кои го носат неговото име.
Вториот тенисер во светот заедно со видеото објави и т.н „емоции“ со бубачки, полжави, српско и црногорско знаме, како и споени раце во знак на благодарност.
Во 2022 година, српските научници открија редок вид на тврдокорен инсект, именуван по Ѓоковиќ поради неговата борбеност, упорност и способност да издржи сурови и често непријатни услови.
Во 2021 година, научниците пронајдоа редок и загрозен вид полжав во Црна Гора. Тие се надеваат дека името ќе помогне да се привлече вниманието за да се спаси видот од исчезнување.
Цврст, упорен и стабилен едноставно тоа е Новак Ѓоковиќ
Вимблдон започнува на 1 јули, Ѓоковиќ во првото коло ќе игра против Чехот Вито Коприва.
The unexpected legacy of Novak Djokovic 🪲#Wimbledon pic.twitter.com/qgqwC14Xzq
— Wimbledon (@Wimbledon) June 28, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Специјален гостин на тренингот на Српската кошаркарската репрезентација
![](https://makfax.com.mk/wp-content/uploads/2024/07/treningg.jpg)
Кошаркарскиот великан Владе Дивац беше специјален гостин на затворениот тренинг на кошаркарската репрезентација на Србија на подготовките во Стара Пазова соседна Србија.
Кошаркарската репрезентација на Србија е во почетна фаза од подготовките за Олимписките игри во Париз 2024.
Како што се наведува во соопштението на КСС, Дивац на кошаркарите им посакал добро здравје како предуслов за успех.
„Анегдотата што Владе ја раскажа за тренингот со тренерот Пешиќ ќе остане меѓу ѕидовите на тренинг салата“?!
Дивац го освои светското злато со тренерот Пешиќ во 2002 година во Индијанаполис.
Што се однесува до Олимписките игри, тој освои сребро во Сеул во 1988 година и во Атланта во 1996 година.
Спорт
Капитенот на Португалија ќе се обиде да освои уште еден трофеј
![](https://makfax.com.mk/wp-content/uploads/2024/07/ronaldo.jpg)
Португалија ја мина групната фаза како првопласирана во групата Ф пред Турција, Грузија и Чешка.
Од друга страна, Словенија заврши на третото место во групата Ц пред Србија и зад Данска и Англија.
Победникот од овој дуел на турнирот ќе оди против Франција која со 1:0 ја совлада Белгија.
Од меч во меч Пепе и Кристијано Роналдо соборуваат рекорди во категоријата најстари играчи на Европското првенство, иако се уште се чека голот на првата ѕвезда на Ел Наср.
Роналдо преку асистенција до Бруно Фернандеш против Турција покажа дека е повеќе посветен на тимскиот успех отколку на личната статистика (помалку чудно за него)
Време е да ја покажат целата своја сила.
Кристијано Роналдо е единствениот играч со повеќе од десет настапи во нокаут рундата на Европското првенство – ова ќе му биде 12. меч.
На второто место е поранешниот италијански дефанзивец Леонардо Бонучи со девет настапи.
Европското првенство во Германија е последно за Кристијано Роналдо со оглед на тоа што наполни 39 години.
Капитенот на Португалија и вечен конкурент ќе се обиде со сите сили да освои уште еден трофеј за репрезентацијата од позицијата најдобар стрелец во историјата на натпреварувањето (14 гола), две децении по дебито на ЕП.
Со 25 настапи тој е и рекордер во овој сегмент на Европското првенство.
Спорт
Неговата вредност се проценува на 180 милиони евра
![](https://makfax.com.mk/wp-content/uploads/2024/07/belingam.jpg)
УЕФА покрена истрага за гестот што го направи англискиот играч Белингам откако постигна гол во 95. минута на натпреварот против Словачка во осминафиналето на Европското првенство, а потоа ја спушти раката до меѓуножјето.
Еден од најдобрите светски фудбалери поради ова би можел да биде суспендиран, пишуваат англиските медиуми, бидејќи го прекршил „основното правило за пристојно однесување“.
Иако подоцна сето тоа го опиша како внатрешна шега со блиските пријатели кои беа на натпреварот и рече дека нема ништо друго освен почит кон Словачка, Белингам може да се соочи со парична казна или суспензија од еден натпревар.
Тоа би бил четвртфиналниот натпревар од Европското првенство против Швајцарија, кој е закажан за в сабота на 6 јули.
Белингам ја започна својата кариера во Бирмингем, од каде Борусија Дортмунд го донесе во 2020 година за 30 милиони евра.
По три сезони во клубот од Дортмунд, Реал Мадрид плати повеќе од 100 милиони евра и со него потпиша договор на шест години.
Во првата сезона во мадридскиот клуб, со кој веднаш ги освои Лигата на шампионите и Ла Лига, забележа 42 настапи, 23 гола и 13 асистенции.
Во репрезентативниот дрес одигра вкупно 33 натпревари и постигна пет гола. На претходното европско речиси сите минути ги одигра против Србија (1:0), Данска (1:1), Словенија (0:0) и Словачка (2:1 по продолженијата). Со гол против Србија и донесе победа на Англија, а против Словачка ја спаси од испаѓање.
Неговата вредност се проценува на 180 милиони евра