Спорт
(Видео) Проектилите на Мулдур и Гулер и пресудија на Грузија
Турција ја совладаа Грузија со 3:1 (1:1) во првиот натпревар од групата Ф на Европското првенство во Германија.
Турција и дебитантот на големите натпреварувања, Грузија, во Дортмунд одиграа спектакуларен меч.
Турците за нијанса беа подобри, постигнаа два спектакуларни гола, но имаа многу среќа во самата завршница кога Грузја промаши шанса во 93.минута, а потоа во 96. стативата им беше сојузник, а откако топката се одби блокот на Гонук ја спречи Грузија да изедначи.
Мулдур го постугна првиот гол во 25. минута. Десниот бек од работ на шеснаесетникот со волеј го погоди спротвниот агол. Голот на Мулдер е 500. на европските првенства.
Седум минути подоцна изедначи Микаутадзе.
Во вториот дел ремек дело на младиот играч на Реал, Арда Гулер, кој погоди во 65.минута. Гулер на возраст од 19 години и 114 дена, стана најмладиот играч кој постигнал гол на дебито на европските шампионати.
Грузија во 70.минута преку Кочорашвили имаше добра анса, но неговиот удар заврши во гредата. Турците победата може да ја обезбедат во 87.минта, но Мамардашвили спектакуларно го одбрани ударот на Јазичи.
Откако Грузијците ги пропуштија шансите за израмнување, тошка на натпреварот, на празен гол стави Актуркоглу во 97.минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Далиќ останува селектор на Хрватска
Хрватскиот стручњак Златко Далиќ останува на селекторската позиција.
Веста ја потврди Маријан Кустиќ, претседател на Хрватскиот фудбалски сојуз.
Дали испаѓањето од групната фаза на ЕП е неуспех за Хрватска?
„Па, тоа не е неуспех. Целта ни беше да се пласираме на Европското првенство. Рековме дека сакаме да поминеме низ групата, а потоа се што правиме е одличен резултат.
Не ја поминавме групата, но тука е „Лигата на нации“, рече Кустиќ во гостувањето на „Нова ТВ“.
Тој се надева дека Лука Модриќ ќе продолжи да ја носи капитенската лента во Лигата на нации и на Светското првенство, но за тоа сам ќе одлучи. Искрено верувам дека ќе остане и навистина би го сакал тоа“, додаде Кустиќ.
Спорт
Нови рекорди на Роналдо и Арвеладзе
Во третото коло од групата Ф на Европското првенство во Германија се среќаваат фудбалерите на Португалија и Грузија.
Најдобар стрелец во историјата на Грузија е Шота Арвеладзе, тој за националниот тим постигна 26 гола на 61 натпревар. Аверладзе остави длабока трага во Ајакс и Ренџерс на почетокот на 2000-тите.
Португалецот Кристијано Роналдо одигра 49 натпревари на големите натпреварувања, 27 на Европско и 22 на Светско првенство.
Во мечот против Грузија тој ќе стане првиот европски фудбалер кој ќе настапи на 50. репрезентативен меч на големите турнири.
Спорт
Романија прва во групата Е
Фудбалерите на Словачка и Романија ремизираа 1:1 во натпреварот од последното, трето коло во групата Е.
Тие се пласираа во нокаут фазата на Европското првенство по „пријателската“ поделба на бодовите.
Словачка и Романија одиграа без победник, како и Белгија и Украина, каде резултатот остана 0:0.
Сега Романија оди во следната фаза од првото место поради подобра гол разлика, Белгија е втора, додека Словачка ќе мине како трета.
По исходот во групата Е добивме нова двојка во нокаут фазата на ЕП.
Спорниот финиш на таа група доведе до тоа сите три екипи да завршат со ист број бодови за прв пат во историјата на турнирот.
Романија, Белгија, Словачка и Украина имаа по четири бода, а Украинците беа првата селекција што испадна со четири бода.
Во двата последни меча беше забележано нерешено, а Белгијците по којзнае кој пат избраа да одат на потешката страна на ждрепката, иако не ја победија Украина за да ја прескокнат Романија и да си ја олеснат работата.
Вака избраниците на Доменико Тедеско ќе играат против Французите во осминафиналето.
Веќе се познати уште два пара: Германија и Данска, односно Италија и Швајцарија.