Спорт
(Видео) Прв пораз на Денвер, Бостон го затрупа кошот на Индијана, Лејкерси победија во градското дерби

Актуелните шампиони во НБА лигата, Денвер Нагетс го запишаа првиот пораз во новата сезона. Денвер, на гостувањето во Минеаполис, доживеа убедлив пораз од Минесота 110:89. Без пораз се уште се Бостон Селтикс и Далас Маверикс, Селтикс ја прегазија Индијана со 155:104, а Далас славеа против Чикаго 114:104. Ноќта во НБА ја обележаа два интересни натпревари одирани во Калифорнија. Голден стејт Вориорс со кош во последната секунда го победија Сакраменто 102:101, а Лејкерси, по продолжението, славеа во градското дредби против Клиперс со 130:125.
Денвер, во Минеаполис, одиграа лош натпревар и заслужено се поразени. Никола Јокиќ за 30 минути забележа 25 поени, 10 скока, три асистенции и пет загубени топки. Двоцифрен кај Нагетс беше уште само Џамал Мареј со 14 поени. Ентони Едвардс со 24 и Карл-Ентони таинс со 21 поен ја предводеа Минесота.
Бостон Селтикс славеа против Индијана Пејсерс со 155:104. Славниот клуб потврди дека тоа е десетти натпревар во историјата со 150 или повеќе поени, а прв од 1992 година.
Рекорден број на поени Бостон постигнале во 1958/59, во победата против Минеаполис Лејкерс со 173:139.
Џејсон Тејтум ги предводеше сите стрелци со 30 поени и 12 скока, Дерик Вајт додаде 18, а Сем Хаузер 17 поени.
Далас немаа проблем со Чикаго. Тим Хардавеј со 24 поени, од кои седум тројки, го предводеше тимот. Лука Дончиќ одигра просечен натпревар, со лош процент на реализиција. Словенецот забележа 18 поени и 10 асистенции. Кај Чикаго се истакна Црногорецот Никола Вучевиќ со 21 поен и 20 скока.
Во Сан Франциско, Клеј Томпсон со кош во последната секунда му ја донесе победата на Голден стејт против Сакраменто 102:101.
KLAY THOMPSON GAME WINNER. 🔥🔥
— Hoop Central (@TheHoopCentral) November 2, 2023
Во Лос Анџелес Лејкерси прв пат по 2020 година ги победија Клиперси. Во продолжението клучен играч беше Остин Ривс кој во овој дел од играта постигна седум од 15 поени. Лејкерис ги предводеше Леброн Џејмс со 35 поени и 11 скока. Џејмс Харден не беше во тимот на ЛА Клиперс, во чии редови Пол Џорџ и Каваи Ленард комбинираа 73 поени.
Резултати:
Детриот Пистонс – Портланд Трејл Блејзерс 101:110
Торонто Репторс – Милвоки Бакс 130:111
Атланта Хокс – Вашингтон Визардс 130:121
Мајами Хит – Бруклин Нетс 105:109
Њујорк Никс Никс – Кливленд Кавалирс 89:95
Оклахома сити Тандер – Њу Орлеанс Пеликанис 106:110
Хјустон – Шарлот Хорнетс 128:119
Јута Џез -Мемфис Гризлис 133:109
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Спектакл на 400 слободно, златото за Мертенс

Лукас Мертенс го освои првиот златен медал на Светското првенство во пливање во Сингапур.
Тој славеше во спектакуларното финале на 400 метри слободно и со тоа на олимписката круна го додаде и најсјаниот медал на планетарното првенство.
Тој стигна до целта за 3:42,35 и за само две стотинки од секундата во одличен финиш го победи Австралиецот Семјуел Шорт, светскиот шампион од Фукуока во 2023 година.
Третото место со 25 стотинки минус го освои Вомин Ким кој не успеа да го одбрани златниот медал освоен во Доха минатата година.
Оваа година, Мертенс успеа по 16 години да го собори светскиот рекорд на Пол Бидерман на 400 метри слободно. Тој ја запре стоперката на 3:39,96.
Фото/ Принтскрин
Спорт
Лилард по отпуштањето од Милвоки: Не беше фер

Кошаркарот на Портланд, Демијен Лилард, зборуваше за отказот што го доби во Милвоки и враќањето во Блејзерс.
Дејм Лилард отсекогаш мислеше дека ќе се пензионира со Портланд Треил Блејзерс и ќе заврши во „Куќата на славните“ како играч на овој тим, но неговата кариера пред две сезони тргна во друга насока.
Тој го напушти Орегон за да се бори за шампионски прстен, а со Милвоки Бакс не успеа. Откако ја скина Ахиловата тетива во април на почетокот од плејофот, беше отпуштен, а Бакс го откупија неговиот договор, со што стана слободен агент.
Според извештаите, Јанис Адетокумбо бил многу незадоволен од одлуката на тимот, но одлуката веќе била донесена и сега Лилард проговори за она што се случуваше.
„Мора да имаш малку среќа за да бидеш шампион во НБА. Мора да бидеш здрав и да играш најдобра кошарка во најдобро време, мислам дека воопшто имавме среќа“, рече Лилард во интервју со Џим Овчарски за „Милвоки џурнал сентинел“.
Тие говореше и за еден од најдобрите играчи во лигата, Јанис Адетокумбо.
„Јанис и јас имавме најмногу постигнати поени во целата лига како тандем на НБА тимови. Го освоивме НБА Купот. Многу луѓе сакаа да ме видат во најдобра форма, а јас играм со човек кој постигнува над 30 поени по натпревар и често ја држи топката во свои раце, што го правев во текот на целата моја кариера. Тој е агресивен и често напаѓа, а сепак успеав да постигнам просек од 25 поени и 7 асистенции за две години. Не беше фер, изгледав поинаку и повторно мислам дека бевме многу продуктивни“, рече Дам.
Фото/ Принскрин
Спорт
Детали го делат Лукман од трансфер во Интер

Адемола Лукман донесе одлука да ја напушти Аталанта.
Тој имаше неколку понуди, но пред два дена им изјави на италијанските медиуми дека единствена опција за трансфер е Интер. .
Члениците на Интер испратија официјална понуда од 55 милиони евра, плус бонуси. Италијанските медиуми тврдат дека одличниот напаѓач е на еден чекор од потпишување на договор.
Foto/ EPA