Спорт
(Видео) Прва нула на ЕУРО 2024
![](https://makfax.com.mk/wp-content/uploads/2024/06/12318041.jpg)
Холандија и Франција одиграа интересeн, но не премногу квалитетен натпревар на Еп. Натпреварот во Лајпциг заврши без голови. Поништениот гол на Чави Симонс поради офсајд може да крене голема прашина.
Веднаш на почетокот на натпреварот одлична прилика имаше Џереми Фримпонг, прекрасно интервенираше Мењан. Се играше отворено и на другата страна, па три минути подоцна Гризман шутираше од далечина, Вербруген беше подготвен да интервенира.
Гризман не можеше да има подобра шанса од онаа во 14. минута. Рабио влезе во шеснаесетникот, беше несебичен и го проигра капитенот на Франција, сепак фудбалерот на Атлетико Мадрид ја промаши топката.
Франција ја презеде иницијативата, а Холандија имаше можности на контра. Гакпо имаше едена таква во 18. минута, Мењан одбрани. Тирам пропушти уште една потенцијална шанса во 28. минута кога шутираше високо над пречката.
Второто полувреме започна со иницијатива на Франција, но првата убава можност дојде дури во 65. минута. Французите одиграа одлична акција, Дембеле брилијантно го проигра Гризман, кој пропушти одлична прилика од пет метри. Само три минути подоцна шанса имаше и Дембеле откако го „измеша“ Аке, но шутираше над голот.
Холандија ја затресе мрежата во 69. минута од натпреварот, стрелец беше Чави Симонс, но Ентони Тејлор го поништи голот по контроверзниот офсајд. ВАР ситуацијата ја проверуваше околу две минути.
Французите беа поконкретни до крајот на натпреварот, но не успеаја да создадат сериозни шанси. На крајот од натпреварот Холанѓаните се бранеа и сепак го прифатија бодот кој на крајот го освоија.
Состојбата на табелата по две кола вели дека Франција и Холандија имаат по четири бода, Австрија три, Полска е без бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.
Спорт
Англија со засилување
Бекот Лук Шо засилување за Англија во продолжението на Евро 2024 година.
В недела во Гелзенкирхен во осминафиналето Англиската селекција за противник ќе ја има Словачка.
Шо ги пропушти сите натпревари во групната фаза затоа што не беше во кондиција за настап, поради проблем со грбот, па од февруари беше надвор од терените.
Сепак, се чини дека сега се е во најдобар ред и дека на него ќе може да смета и селекторот Герет Саутгејт.
Кога играчот на Манчестер Јунајтед беше прашан дали е блиску до настап на турнирот, Шо им даде краток одговор – „во следниот натпревар“.
Ова секако е добра вест за Ерик тен Хаг и Манчестер Јунајтед, кои не можеа да сметаат на искусниот дефанзивец во вториот дел од сезоната.
Натпреварот меѓу Англија и Словачка се игра на 30 јуни од 18 часот