Спорт
(Видео) ПСЖ со „петарда“ ја освои првата титула во Лигата на шампионите

Фудбалерите на ПСЖ прв пат во клупската историја ја освоија титулата во Лигата на шампионите. „Светците“ во финалето, во Минхен, го декласираа Интер со 5:0 (2:0). Мечот го обележа најмладиот играч на ПСЖ, Дезире Дуе со два гола и една аситенција.
ПСЖ во своето второ финале успеа да дојде до првата титула во клупската историја. Симоне Инзаги, неговата тактика посебно ќе се анализира и неговите играчи едноставно не се „појавија“ на теренот во Минхен.
Дека на Интер лошо му се пишува беше јасно по само 20 минути игра. Два пати лошо реагираше Димарко, им овозможи на Хакими, а потоа и на Дуе да го совладаат Сомер. Интер имаше шанса во 36.минута, но Тирам од пет метри со глава биеше крај голот.
Финалето практично беше решено во 64.минута кога Дуе со својот втор гол зголеми на 3:0. Девет минути подоцна Кварацхелија четврти пат го совлада Сомер, а точка на натпреварот стави Мају, кој на теренот влезе во 84. а голот го постигна во 87.минута
Од 1962 година не се случило еден тим во финалето да постигне пет гола.
Тренерот на ПСЖ, Луис Енрике му се придружи на Пеп Гвардиола како единствен тренер кој успеал два пати да ја освои тројната круна.
Енрике влезе во друштвото на тренерските великани како седмиот човек што го освоил европскиот трофеј со повеќе клубови, им се придружи на Карло Анчелоти, Ернст Хапел, Јуп Хајнкес, Отмар Хицфелд, Жозе Мурињо и Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.
Спорт
Македонија вечерва против Белгија и традицијата
Фото/ ffm.mk
Фудбалската репрезентација на Македонија, вечерва ќе ја пречека Белгија во квалификациите за пласман на Светското првенство, кое за 13 месеци ќе се одржува во САД, Канада и Мексико.
Македонија ќе го одигра третиот натпревар во Ј групата, додека Белгија во Скопје ги отвора квалификациите за пласман на Мундијалот.
Белгија не играше во март, бидејќи имаше обврски во Лигата на нации, а Македонија одигра два натпревари, победи кај Лихтенштајн и одигра нерешено со Велс.
„Мора да сме на својот максимум, па ќе видиме што ќе ни донесе тоа. Овој јунски период години наназад ни е проблематичен. Што се однесува до сегашната ситуација, мора да го смениме тој менталитет индивидуално и како тим. Тоа што го видов изминатите седум дена ми дава за право да бидам оптимист дека овој јуни ќе биде поинаков. Менталитетот на играчите е поинаков отколку досега, атмосферата и енергијата се одлични. Без оглед на повредите, во текот на овие денови имаме дополнителни проблеми. Под знак прашалник се Алими, Димоски и Трапановски, но се надевам дека ќе бидат способни да заиграат. Се надевам дека на физички план ќе бидеме поподготвени од минатото“, рече на прес конференцијата пред натпреварот, селекторот на Македонија Благоја Милевски.
На сите им е јасно дека Белгија е исклучително квалитетен тим, покрај тоа и традицијата не и оди во прилог на Македонија.
Вечерва, Македонија и Блегија ќе го одиграат петтиот меѓусебен дуел. Претходните дуели беа во квалификациите за пласман на Европското првенство во 1996 година и Светското првенство во 2014 година.
Белгија има три победи, еден натпревар завршил нерешено, првиот пред три децении, кога во Брисел Македонија одигра 1:1. Гол разликата е 9:1 во корист на Белгија.
Белгија во Скопје ја интересира само победата и ништо друго. Тоа го потврди селекторот Руди Гарсија, кој е пожали на временските прилики во главниот град на Македонија.
„Дојдовме да победиме. Го анализиравме противникот. Сите се спремни. Не чека тежок дуел,ќе влеземе без потценување. Македонија прави притисок и ги користи грешките на противникот. Македонија веќе има четири бода.За нас е необично што почнуваме од последната позиција на табелата. Македонија е силна, но ние ќе дадеме се од себе да победиме“.
Натпреварот ќе стартува во 20.45 часот, ќе го суди Англичанецот Кавана. По дуелот со Белгија, Македонија патува во Астана, каде на 9.јуни ќе игра против Казахстан.