Спорт
(Видео) Реал најави голема промоција – навивачите залудно се надеваа дека се работи за Мбапе

Рeал Мадрид со обајав на социјалните мрежи во транс ги фрли своите навивачи, кои неколку часа подоцна дожиеваја разочарување.
„Кралскиот клуб“, објави видео во кое на центарот на „Сантијаго Бернабеу“ се поставени маса и столче за презентација. На масата седи непознато лице, кое го отвора календарот на лаптопот и пишува нешто во него. Видеото завршува со црн екран и натпис: „2.2.2024“.
Навивачите на Реал ја преплавија објавата со коментари и прашањато: „Дали доаѓа Мбапе?“.
🗓️ 02/02/2024 🗓️ pic.twitter.com/s2bu2U3ZZ7
— Real Madrid C.F. 🇬🇧🇺🇸 (@realmadriden) February 1, 2024
Навивачите се надеваа дека големата ѕвезда на светскиот фудбал конечно ќе пристигне во Мадрид, но „Марка“, медиум специјализиран за Реал Мадрид откри за што се работи.
„Ништо од Мбапе. На 2 февруари Реал ќе објави нова голема соработка со еден спонзор, а тоа е ХП. Познатата компанија ќе го има своето лого на ракавите на дресот на Реал, кој станува најскап во светот“, објави „Марка“.
Реал добива 120 милиони евра годишно од Адидас, а уште 70 милиони им плаќа Емирати, кој е главен спонзор на дресот. ХП наводно ќе плаќа околу десет милиони евра годишно за своето лого на дресот.
Реал на тој начин ќе заработува околу 200 милиони евра по сезона од сите спонзорски договори на дресот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Украдени велосипеди вредни 250.000 евра

Велосипедскиот тим Висма, тимот на лидерот на Вуелта, Данецот Јонас Вингегор, се соочи со голем проблем. Преку ноќ од камионот на механичарот биле украдени велосипеди. .
Италијанската полиција, во земјата каде што се одржуваат воведните етапи на Вуелта, го истражува случајот и вели дека се украдени „неколку велосипеди“. Медиумите објавија дека украдени се 18 велосипеди чија вредност изнесува 250.000 евра.
„Нашите механичари работат многу напорно за да се осигурат дека тимот е целосно подготвен за третата етапа“, се вели во соопштението на тимот.
Вингегор ја зеде црвената маичка за лидерот во трката, со победата на етапата во недела.
Двократниот победник на Тур де Франс сепак ќе биде без помошта на својотколега Аксел Зингл во остатокот од трката, кој мораше да се повлече по тешкиот пад на дождливата етапа во неделата.
Третата етапа е долга 134,6 километри и завршува со искачување до Церес во италијанските Алпи, северозападно од Торино.
Вингегор, кој веќе двапати го освои Тур д’Франс, се смета за главен фаворит на овогодинешната Вуелта, бидејќи актуелниот победник на Тур д’Франс, Тадеј Погачар, и четирикратниот шампион на Вуелта, Примож Роглич не учествуваат на оваа трка.
Спорт
(Видео) Тинејџер во 100.минута погоди за триумф на Ливерпул

Неверојатен натпревар и голема победа за Ливерпул против Њукасл, со голот на тинејџерот Енгумоа, кој погоди во десеттата минута од судиското продолжение во второто полувреме за конечни 2:3.
Њукасл и Ливерпул одиграа фантастичен натпревар на затворањето на второто коло од Премиер лигата, во кој „стралките“ малку ги делеше од неверојатен подвиг.
Ливерпул не одигра ништо, дури и во ситуација кога имаше играч повеќе, Њукасл доминираше, особено во првите 35 минути, кога со високиот пресинг ја загушија играта на ривалот.
Грабенберг погоди за 0:1 во 35-та минута, а десет минути подцна Гордон поради невнимателен старт доби црвен картон.
По 20 секунди игра Екетике ја зголеми предноста на ливерепул.
Њукасл немаше намера да се рпедаде, се вратија домашните во мечот со головите на Гимараеш во 57. и Осула во 88-та минута. Ја посакуваа домашните победата, и по израмнувањето напаѓаа но без бод останаа во 100-тата минута.
Ги шокира 17-годишниот тинејџер Енгумоа, кој четири минути претходно влезе на теренот. По додавањето на Салах и брилијантно промашената топка на Собослаи, тинејџерот го постигна првиот гол во сениорска конкуренција.
foto/ EPA/ADAM VAUGHAN
Спорт
(Видео) Интер со „петарда“ ја започна новата сезона

Фудбалерите на Интер го затворија првото коло од италијанската Серија А со убедлива победа над Торино со 5:0 (2:0).
„Неро-азурите“ му ја предадоа круната на Наполи минатата сезона, а со овој почеток испраќаат јасна порака дека сакаат да го вратат „Скудетото“ во своите витрини.
„Биковите“ беа целосно инфериорни на „Џузепе Меаца“, а серијата голови отвори Алесандро Бастони во 18-та минута.
Уште толку време му беше потрбно на Маркус Тирано за да го постигне својот прв гол на оваа средба.
Во раната фаза од второто полувреме, Лаутаро Мартинез ја искористи големата грешка на одбраната на Торино за да го зголеми резултатот 3:0, а потоа Тирам постигна убав гол во 62-та минута.
Торино целосно потона, а во 72-та минута „петардата“ ја комплетираше новодојдениот Французин Бони, само пет минути по влегувањето на теренот.
Foto/ EPA/MATTEO BAZZI