Спорт
(Видео) Реал се мачеше со Леганес, победи со пресврт

Реал Мадрид го преживеа гостувањето на Леганес во 29.коло. Актуелните шампиони славеа со 3:2.
Реал, против екипата која се бори за опстанок до предност дојде во 32.минута, од пенал. Мбапе, слично како Хулијан Алварез во 2Мадрилењо“ дербито со паненка го совлада Дмитровиќ.
И кога сите навивачи на Реал Мадрид на стадионот помислија дека се е решено и дека нивниот тим лесно ќе го реши прашањето за победникот, се случи нешто сосема спротивно.
Само минута подоцна Леганес израмни преку Диего Гарсија, а студен туш за сите следеше во 41. минута кога Дани Раба го принуди Андреј Лунин по вторпат да ја извади топката од мрежата.
Со овој резултат тимот замина на пауза, а во вториот дел од натпреварот Реал успеа да изедначи по само две минути игра.
Беше јасно дека Леганес тешко ќе се одбрани до крајот на мечот.
Ново водство на овој натпревар Реал дојде во 76. минута, кога Килијан Мбапе го постигна својот втор гол на натпреварот. Овој гол може да се припише на голем кикс на гостинската одбрана, бидејќи Французинот изведе слободен удар, а топката мина низ живиот ѕид, кој се раздвои, а Димтровиќ немаше шанса да го брани ударот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија: Минутата молк беше испочитувана, но група поединци се однесуваше неодговорно

По настанот на фудбалскиот натпревар со Брера каде навивачите на тетовскиот клуб наместо минута молк за жртвите од Кочани, пееја песни за УЧК, се огласи фудбалскиот клуб Шкендија. Клубот се извини за однесувањето и нагласи дека ги почитува жртвите и нивните семејства.
„Шкендија со целосна одговорност ја следи и почитува секоја институционална одлука поврзана со чувствителните моменти за општеството. Како клуб, длабоко ја доживеавме трагедијата што се случи во Кочани, настан кој ја шокираше целата земја и емоционално влијаеше на нашиот секојдневен живот. Ова чувство беше присутно на секој тренинг во овие денови, а се одрази и на натпреварот против АП Брера, каде и покрај победата од 2-1 и одржувањето на првото место на табелата, тимот не ја доживеа вообичаената радост по натпреварот.
Во овој контекст, Шкендија ја почитува минутата молчење што Фудбалската федерација на Македонија ја воспостави во чест на жртвите. Сепак, во овој момент, група поединци на трибините избраа да не го почитуваат молкот, однесување кое не го претставува ниту клубот ниту навивачката база во целина. „Балистите“, кои вообичаено стојат на трибината на „Маршин Беќири“ зад голот, овојпат беа сместени на централната трибина. На стадионот имаше околу 3-4.000 гледачи, додека само група од околу 20 поединци покажаа неодговорно однесување, што не ги претставува чувствата, солидарноста и почитта на мнозинството присутни навивачи.„Балистите“ се 12. играч на клубот и отсекогаш биле нераскинлив дел од Шкендија, но неодговорното однесување на одредена група поединци не го отсликува ставот на навивачката група која моментално е во процес на реорганизација, ниту на останатата јавност која во тој момент реагираше со свирежи за изразување на незадоволството.
Шкендија изразува жалење за ваквата состојба и го повторува својот непоколеблив став во почит кон изгубените животи и болката низ која поминува целото општество“, напишаа од Шкендија.
Спорт
Дејвид од следната сезона во Серија А?

Напаѓачот на Лил, Џонатан Дејвид наводно е најблиску до преселба во Италија.
Како што откри „Скај Спорт“, Дејвид моментално преговара само со Интер и Јувентус, кои покажале најголем интерес за неговиот потпис.
Канаѓанецот своевремено откри дека негов сон бил да игра за Барселона, но Каталонците сепак се откажаа од него.
Дејвид има договор со Лил до 30. јуни, а во неколку наврати повтори дека нема да потпише нов, бидејќи смета дека е вистинско време за чекор напред во неговата кариера.
Интер во моментов има предност во трката за неговиот потпис, иако конкуренцијата на „Меаците“ е многу посилна, бидејќи тука се Лаутаро Мартинез, Маркус Турам, Мехди Тареми и Марко Арнаутовиќ, чиј договор исто така истекува на 30 јуни. Реално е поктај Арнаутовиќ Интер да го напушти и Маркус Турам.
Спорт
Сити подготвува понуда за Педри

Педри (22) го потврди статусот на најдобар играч за врска во светот оваа сезона и ја предводи Барселона во борбата за трофеи на сите фронтови. Поради ова, неговите настапи не останаа незабележани и Пеп Гвардиола сака да го доведе во Манчестер сити. Гвардиола смета дека Педри би бил идеален наследник на Кевин Де Брујне, кој треба да го напушти клубот.
Според „Марка“, Манчестер сити подготвува понуда од 100 милиони евра за Педри, кого го гледаат како долгорочна замена за Кевин Де Брујне. Договорот на Белгиецот истекува на крајот од сезоната, а засега нема индиции дека ќе го продолжи.
И покрај гласините, од Барселона велат дека Педри не е на продажба. Клубот е свесен дека на нивниот играч од средниот ред му се восхитуваат ширум Европа, но сигурни се дека неговата иднина е во Барселона.
Педри е клучен играч за тимот на Ханси Флик, сезонава настапи на 44 од 45 натпревари, а само поради болест го пропушти натпреварот против Валенсија.