Спорт
(Видео) Ремек дело на Барди – Македонија и со играч помалку ја победи Ерменија
Фото/ EPA-EFE/GEORGI LICOVSKI
Македонија ја победи Ерменија со 2:0 (0:0) и ги задржа шансите за освојување на првото место во Групата 4, во Ц дивизијата од Лигата на нации. Македонија, до победата дојде во второто полувреме, кое го играше со фудбалер помалку, со головите на Барди и Миовски.
Фудбалската репрезентација на Македонија ја прекина лошата низа и по 11 месеци успеа да забележи победа. Интересно, пред неполна година, Македонија ја победи Ерменија во пријателски натпревар во Струмица, а против истиот ривал ја прекина серијата од седум натпревари без победа.
Избраниците на Благоја Милевски беа подобри на теренот, не и дозволија на Ерменија ниту еднаш сериозно да се закани по голот на Димитриевски и на крајот заслужено го запишаа привиот триумф во новата сезона во Лигата на нации.
Во првиот дел Елмас имаше одлична шанса во 21.минута. По додавањето од Барди, Елмас малку откосо шутираше со десна но Чанчаревиќ одбрани. 20 минути подцна Барди се обиде од далечина, ударот заврши малку над голот.
Зајков доби жолт картон во 44.минута, а истиот играч поради приговор доби уште еден на истекот од првото полувреме.
Со играч помалку во вториот дел, Македонија им ја препушти топката на противниците, а својите шанси ги бараше во контранападите.
По една контра која ја истрча Елмас, се обиде Миовски, но неговиот удар беше изблокиран.
Во 70.минута, Барди од 25.метри совршено изведе слободен удар. Топката заврши во горниот лев агол од голот на Чанчаревиќ. Капитенот го постигна 18.гол за националниот тим.
Осум минути подоцна Миовски стави точка на натпреварот.
North Macedonia [2] – 0 Armenia – Bojan Miovski 80'
byu/etclassico insoccer
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Избор на „Лекип“: Словенец и Канаѓанка се најдобри во светот
Тадеј Погачар, словенечки велосипедист, и Самер Мекинтош, канадска пливачка, беа избрани за најдобри спортисти во светот во анкета на познатиот француски спортски весник „Лекип“. Погачар и Мекинтош прв пат во кариерите ја добија оваа награда.
Погачар го победи шведскиот скокач со стап Армандо Дуплантис во тесна борба.
Погачар собра 821 поен, а Дуплантис 799. Двајцата беа далеку пред конкуренцијата, третопласираниот шпански тенисер Карлос Алкараз имаше 252 поени. За потсетување, Дуплантис, минатата недела ја доби, беше прогласен занајдобра европски спортист, во традиционалниот избор на полската новинска аганеција, ПАП.
Во женска конкуренција немаше неизвесност, Канаѓанката Мекинтош победи со 628 поени. Зад неа беа две американски спортистки, Сидни Меклафлин-Леврон со 516 и Мелиса Џеферсон-Вуден со 425 поени.
Погачар го освои Тур де Франс во 2025 година, негова четврта победа во кариерата на најпрестижната трка во светот. Покрај тоа, 27-годишниот Словенец ја потврди својата доминација со победи на Трката околу Фландрија и Ломбардија и трката Лиеж-Бастон-Лиеж.
Самер Мекинтош се истакна на Светското првенство во Сингапур оваа година, освојувајќи четири златни медали. Канадската тинејџерка победи на 400 метри слободен стил, 200 метри пеперутка и 200-400 метри мешано.
Foto/ depositphotos
Спорт
Барселона сака да врати поранешeн играч од Саудиска Арабија
Барселона има намера да ја засили својата одбрана во зимскиот преоден рок. Клубот притиснат од финансиката криза, мора да бара алтернативни и пред се ефтини решенија.
Шпанските медиуми објавија дека „блауграна“ се заинтересирани за Португалецот Жоао Кансело (31), кој игра за саудискиот Ал Хилал од летото 2024 година.
Кансело би сакал да се врати во Европа, бидејќи сезонава не е во преден план кај тренерот на Ал Хилал, Симоне Инзаги. Оваа сезона, тој одигра само шест настапи, па затоа неговиот статус во португалската репрезентација е под знак прашалник, односно дали ќе биде на списокот на играчи за СП 2026.
Пристигнувањето на „Камп Ноу“, би значело враќање во добро позната средина, бидејќи во сезоната 2023/24 беше на позајмица во Барселона. Во својот мандат, Кансело одигра 42 натпревари, постигна четири гола и пет асистенции.
Кансело остави најдлабока трага во дресот на Манчестер Сити, каде што запиша девет гола и 22 асистенции во 154 натпревари. Играше и за Валенсија, Интер, Јувентус и Баерн. Во дресот на португалската репрезентација постигна 12 гола на 64 натпревари.
Foto/ depositphotos
Спорт
(Видео) Рома за 17 минути ја декласира Џенова
Со натпреварот Рома-Џенова заврши фудбалската 2025 година во Серија А. Рома рутински ја победи Џенова со 3:1. Гостите од клупата ги предводи легендата на „волчицата“ даниеле Де Роси.
Со оваа поведа, Рома се врати на четвртата позиција, последна што води во Лигата на шампионите, додека Џенова, со третиот пораз по ред, остана веднаш над зоната за испаѓање.
Победникот практично беше познат веќе во првото полувреме, по само половина час игра, кога Рома ги постигна головите. Во интервал од 14-та до 31-та минута голманот на Џеонова го совладаа: Суле, Коне и Фергусон.
Почесниот гол за Џенова го постигна Ехатор во 87-та минута.
Foto/ depositphotos

