Спорт
(Видео) Реми меѓу Австрија и Србија, Украина ја надигра Белгија, Шкотска победи во Атина, Турција ја победи Унгарија

Австрија и Србија одиграа без победник, Украина ја шокира Белгија, Турција славеше во дуелот со Унгарија, а Шкотска победи во Атина во мечевите за опстанок во А дивизијата во Лигата на нации.
На стадионот во Виена, Австрија и Србија одиграа 1:1. Головите го спасија натпреварот, во кој Австрија ја контролираше играта, а десеткуваната Србија (без пет стандардни играчи) шансата ја бараше во контранападите.
Грегорич и донсе предност на Австрија во 37.минута, му асистираше Арнаутовиќ, а тој од 16 метри ја испрати топката во голот. Србите изедначија во 61.минута, кога играчот на Аталанта, Самарџиќ од 20 метри го погоди споритвниот агол од австрискиот гол. Австрија во 88.минута пропишти шанса за победа, ударот на Арнаутовиќ од пет метри на волшебен начин го одбрани Рајковиќ.
— OvoOno (@OvoOnoX) March 20, 2025
— OvoOno (@OvoOnoX) March 20, 2025
Новиот селектор на Белгија, Руди Гарсија, дебитираше со пораз на функцијата. Во Мурсија, со три гола во вториот дел Украина ја победи Белгија со 3.1.
Водеа Белгијците со голот на Лукаку во 40.минута. Ја чуваа преднста до 66.минута кога изедначи Гутсулјак, во 73. Ванат го комплетираше пресвртот, а пет минути подцна Забрњи стави точка на натпреварот.
Грција во Атина доживеа непријатен пораз од Шкотска. Единствениот гол на натпреварот го постигна Мектоминеј од пенал во 33.минута.
Турција стекна предност од два гола пред реваншот во Унгарија. Турците со головите на Кокчу, Актуркоглу и Кавечи ја победија Унгарија со 3:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.