Спорт
(ВИДЕО) Родригез и Љуљ му донесоа нов трофеј во Евролигата на Реал Мадрид
![](https://makfax.com.mk/wp-content/uploads/2023/05/lulj-so-olimpijakos.jpg)
Во неверојатно драматично финале на Ф4 турнирот во Евролигата, Реал Мадрид успеа да ја освои единаесеттата европска титула, совладувајќи го Олимпијакос со 79:78, со поените
на Серхио Љуљ на три секунди до крајот на мечот. Во последниот напад, Слукас не успеа да погоди за триумф на грчкиот тим.
Реал Мадрид беше на работ на елиминација против Партизан, „кралевите“ губеа со 2-0 во четвртфиналната серија и огромна негатива и во петтиот меч, но докажаа уште еднаш и вечерва во Каунас дека се „бесмртни“.
Искуството на Серхио Родригез и на Серхио Љуљ повторно беше пресудно.</p
Олимпијакос имаше водство од 76:72, но потоа Чачо Родригез со тројка намали на 78:77.
Мустафа Фол не го реализира последниот напад на Олимпијакос, а Реал доби шанса за триумф. Топката отиде во рацете на Серхио Љуљ, а тој не греши кога е најпотребно.
🤯🤯🤯 pic.twitter.com/QVBEY4CP4X
— Turkish Airlines EuroLeague (@EuroLeague) May 21, 2023
За МВП играч на Ф4 турнирот од Евролигата во Каунас е избран Волтер Таварес од Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Срби и Англичани се тепаа во Гелзенкирхен
![](https://makfax.com.mk/wp-content/uploads/2024/06/Untitled-2-7.jpg)
Навивачите на Србија и Англија физички се пресметаа низ улиците на Гелзенкирхен во пресрет на натпреварот на Европското првенство.
На видеата кои се шират по мрежите се гледа дека навивачите фрлаат предмети од кафулињата.
Германската полиција мораше итно да реагира и релативно брзо ја стави ситуацијата под контрола. Искршени се неколку излози и градини.
И додека еден дел од странските медиуми пишуваат дека се работи за пресметки меѓу англиски и српски навивачи, „Билд“ јавуваат дека биле вмешани и албански навивачи.
Искршени се неколку излози и градини.
Натпреварот ќе започне во 21 часот.
I have arrived to Gelsenkirchen ❤️ pic.twitter.com/6eOQVAw0Ay
— Diego | It’s coming home 🏴 (@DiegoNUFC) June 16, 2024
Liebe Grüße aus Gelsenkirchen#EURo2024 pic.twitter.com/3jQ012qmTQ
— slevin 🥷🏼 (@DieserOnkel) June 16, 2024
Just arrived in centre of Gelsenkirchen and a large group of hooded face-covered locals attacked a load of Serbian fans outside a bar!
Hundreds of England fans including kids eating and drinking yards away, totally uninvolved!
Lively start to the day! pic.twitter.com/7mn0DAzIPS
— Simon Clare (@SiClare) June 16, 2024
Спорт
(Видео) Џокерот Вегхорст за триумф на Холандија над Полска
![](https://makfax.com.mk/wp-content/uploads/2024/06/12303397.jpg)
Холандија со победа го започна Европското првенство во Германија. „Лалињата“, со пресврт ја победија Полска во Хамбург со 2:1 (1:1).
Холанѓаните, многу тешко дојдоа до првата победа на ЕП, најмногу по своја вина, бидејќи не знаеја да ги реализираат своите шанси.
Буска ги шокираше Холанѓаните во 16.минута, а изедначи со многу среќа Гакпо во 29.минута. По ударот на Гакпо топката го закачи Саломон го смени правецот и заврши зад грбот на одличниот Шчесни.
Холанѓаните во првиот дек не реализираа три одлични шанси преку Гакпо, Депај и Рејнедрес.
Во второто полувреме јасна беше определбата на Полска да го ува нерешениот резултат. Холандија се обудуваше но немаа интензитет во играта каков што имаа во првото полувреме.
Џокерот на селекторот Куман го реши мечот во 83.минута. Напаѓачот на Хофенхајм нецели две минути претходно влезе на теренот.
До крајот Полска можеше до 2:2, но победата ја сочува голманот Вербруген кој брлијантно го одбрани ударот на Свидерски во 89.минута.
Спорт
Павловиќ во Баерн до 2029 година
![](https://makfax.com.mk/wp-content/uploads/2024/06/1698830531-120874.jpg)
Германскиот репрезентативец и играч на Баерн, Александар Павловиќ го продолжи договорот со баварскиот великан до летото 2029 година.
Павловиќ, кој непосредно пред ЕП ја одби понудата да игра за Србија, земја од која потекнуваат неговите родители, поради проблем со крајниците, два дена пред почетокот на ЕУРО 2024 го напушти кампот на репрезентацијата.
„За жал поради воспаление на крајниците нема да играм на Европското првенство, но воодушевен сум што мојот договор со Баерн е продолжен до 2029 година. Тоа покажува дека клубот има верба во мене. Баерн е мојот дом. Горд сум, среќен и благодарен, сакам да освојувам трофеи со тимот и да продолжам со мојот личен развој“, изјави Павловиќ за клупската веб-страница.
За тимот од Минхен одигра 22 натпревари и постигна два гола.