Извиците на „Србија, Србија“ од трибините на стадионот во Букурешт во судиското надополнување на натпреварот помеѓу Романија и Косово (0:0) од Ц дивизијата во Лигата на нации толку многу ги налутија гостинските фудбалери поради што демонстративно го напуштија теренот и му кажаа на данскиот судија Мартен Крог дека повеќе нема да играат поради провокација од романските навивачи.

Можете да го погледнете ТУКА.

Судијата им порачал дека им дава пет минути да се вратат на теренот. Репрезентативците на Косово, на што судијата им порачал дека им го продолжува рокот за десет минути.

Сепак, судијата Крог заедно со своите помошници и романските репрезентативци чекаа подолго, а противниците не се врарија да ја доиграат преостанатата минута од натпреварот.

Данскиот судија означи крај на натпреварот, а Романците се револтирани од ваквото однесување на репрезентативците на Косово.

Breaking | Surreal! Kosovo walk off the pitch in the 93rd minute of their Nations League match in Romania after the local fans chanted Serbia's name. Game interrupted!!! The Kosovo players are inside their locker. pic.twitter.com/CZUp2dvRIN

— Emanuel Roşu (@Emishor) November 15, 2024

Новинарот Емануел Росу објави фотографија од соблекувалната на гостите по нивното заминување и напиша: „Додека играчите и тренерите на Романија беа на теренот на минус 2 степени повеќе од еден час чекајќи ги играчите на Косово да се вратат за да го доиграат натпреварот, гостите нарачале пици и се гоштевале во соблекувалната, пред да објават дека нема да се вратат на теренот. Изгледа дека донеле таква одлука многу порано. Погледнете какви купишта ѓубре оставија во соблекувалната“.

While Romania's players and staff were kept waiting on the pitch for more than 1h at -2°, Kosovo's players ordered pizza and treated themselves in the locker room, before deciding not to return to end the match in Bucharest. It seems to me the decision was taken well before it… pic.twitter.com/MtfqBeqQxU

— Emanuel Roşu (@Emishor) November 16, 2024

Капитенот на Косово, Амир Рахмани објасни што се случувало и испрати порака до УЕФА.

„Постојано скандира „Косово е Србија“. Ова се случуваше цели 90 минути. Во финишот почнаа да викаат и други работи што не сакам да ги повторувам бидејќи се срами. Првиот пат му кажав за судијата, но тој не реагираше. Вториот пат одби да слуша. По трет пат му кажав дека го напуштаме теренот. Тогаш навивачите почнаа да скандираат „Косово е Србија“, па решивме да заминеме и да не се враќаме на теренот, за разлика од лани“, изјави капитенот на косовската репрезентација Амир Рахмани.

Во исто време тој испрати порака до УЕФА.

„УЕФА мора да донесе одлука. Ние не сме фудбалери и тука сме да го претставуваме нашиот народ, нашата земја која има тешко минато. Имавме голема војна која однесе многу животи, имаше масакри. Ова е премногу. Сите треба да знаат: Косово е Косово или Косово е Албанија. Тоа е тоа. Со ова завршува шоуто“, додаде тој.

УЕФА ќе треба експресно да донесе одлука, а според шпекулациите натпреварот ќе биде регистриран со службен резултат за Романија.