Спорт
(Видео) Сакраменто го растури Милвоки, настварен пресврт на Минесота во ЛА
Кошаркарите на Милвоки Бакс доживеаја тежок пораз во престолнината на Калифорнија, Сакраменто, а Минесота Тимбервулвс со нестварен пресврт во Лос Анџелес гии победија Клиперси.
Сакраменто Кингс славеа победа 129:94 во дуелот со Милвоки Бакс. Кингс во вториот период стекнаа двоцифрена предност, а во последниот пеирод беа на +37 во однос на ривалите.
Диерон Фокс забележа 29 поени, седум асистенции и шест скока, Малик Монк додаде 25, со по пет асистенции и скока, додека Домантас Сабонис натпреварот го заврши со 22 поени, 11 скока и осум асистенции.
Кај Милвоки играше само Јанис Адетокумбо, сите останари потфрлија. Гркот мечот го заврши со 30 поени, 13 скока и четири асистенции.
Минесота Тимбервулвс, кои во ЛА беа подобри од Лос Анџелес Клиперс со 118:100. Минесота убедливо победи и покрај тоа што во еден период од натпреварот Клиперси имаа предност од 22 поени.
Најдобар во тимот на Минесота, кој се бори за врвот на табелата на Западната конференција, беше Ентони Едвардс со 37 поени, осум скока и четири асистенции.
На „Ент“ му помогна Александар Никил-Вокер со 28 поени, а искусниот Мајк Конли додаде 23. Кај Клиперси Пол Џорџ имаше 22, а Џејмс Харден 12 поени и седум скока. Сепак, најголемиот впечаток (крајно негативен) кај навивачите на Клиперс е дека Каваи Ленард ја напушти играта по само 12 минути, имаше болки во грбот поради што не можеше ниту да седне.
Резултати:
Њујорк Никс – Филаделфија ‘76 106:79
Мемфис Гризлис – Вашингтон Визардс 109:97
Оклахома Сити Тандер – Индијана Пејсерс 111:121
Сан Антонио Спарс – Хјустон Рокетс 101:103
Јута Џез – Бостон Селтикс 107:123
Лос Анџелес Клиперс – Минесота Тимбервулфс 100:118
Сакраменто Кингс – Милвоки Бакс 129:94
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.