Спорт
(Видео) Салах го запре Борнмут, Фулам со пресврт победи во Њукасл, Саутемптон го доби дербито на дното
Ливерпул, предводен од Мохамед Салах, победи на тешкото гостување на „Вајталити“ во Борнмут.
„Црешите“ се најпријатното изненадување сезонава, но не успеаја да избегнат пораз од „црвените“, иако ж според играта заслужија повеќе од 0:2.
Првата голема шанса Борнмаут ја имаше во 21. минута, но Семењо немаше среќа, тој одлично шутираше од левата страна и ја погоди гредата.
Ливерпул одговори само две минути подоцна, при што шанса имаше Собослај, но Кепа успеа да го одбрани неговиот удар.
Во 27. минута Кук го собори Гакпо во сопствениот шеснаесетник, судијата Дарен Ингланд покажа на белата точка, а ВАР ја потврди неговата одлука. Пеналот го реализира Салах.
Борнмаут во 37. минута, постигна гол преку Брукс, но ВАР пресуди дека на зачетокот на акцијата Керкез бил во офсајд.
Второто полувреме започна со напади на домашните, тие пропуштија одлична можност за израмнување во 70. минута, најпрвин Маркус Таверние ја погоди стативата, а најдобриот стрелец Џастин Клајверт налета на одбиена топка и го промаши празниот гол.
Казната стигна пет минути подоцна, Куртис Џонс му ја додаде топката на Салах, а Египјанецот во свој стил со лева ја погоди малата мрежа.
Тоа беше 178. гол за Салах во Премиер лигата, со што го престигна легендарниот играч на Челси Френк Лампард. Сега е на шестото место, а Серхио Агуеро е петти со 184 гола.
Тимот на Арне Слот по победата ја зголеми предноста во поредокот, сега има 56 бода, девет повеќе од најблиските ривали Арсенал и Нотингем Форест.
Фулам гостуваше кај Њукасл и ги однесе трите бода во Лондон. Екипата од „Крејвен Котиџ“ победи со пресврт 1.2..
„Страчките“ поведоа кон крајот на првото полувреме со голот на Џејкоб Марфи, но гостите постигнаа два гола во преостанатиот дел од мечот преку Раул Хименез и Родриго Муниз.
Дербито на дното се одигра на „Портман Роуд“, каде се сретнаа претпоследниот Ипсвич го пречека последнопласираниот Саутемптон. Гостите беа поуспешни и славеа со 1:2
Воведниот гол на „светците“ го постигна Нигериецот Џо Арибо, точно десет минути подоцна израмни Лиам Делап, а првата премиерлигашка победа за хрватскиот селектор Иван Јуриќ ја донесе Нигериецот Пол Онуачу во 89. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заедно за Македонија! Почнува ЕУРО 2026 – да навиваме како едно срце!
Утре во Шведска започнува едно од најголемите спортски случувања во Европа – Европското првенство во ракомет ЕУРО 2026, а македонската ракометна репрезентација повторно излегува на терен со срце, борбеност и гордост да ја претставува Македонија.
Како официјален партнер на Ракометната федерација на Македонија, компанијата Гранд Ауто, заедно со брендот CHERY – официјален партнер, упатуваат силен и гласен повик до сите навивачи:
Да бидеме заедно, да навиваме гласно и да ја испратиме нашата енергија до Шведска!
Репрезентацијата секогаш црпела сила од поддршката на навивачите, а сега, повеќе од кога било, е време да покажеме дека Македонија знае да стои зад своите херои – без разлика каде играат.
🎉 Навивај и добиј!
За да ја засилиме навивачката енергија и да ја споделиме радоста со фановите, CHERY подготви специјални подароци:
🎽 оригинални и потпишани дресови од македонската репрезентација
🤾♂️ официјални ракометни топки
Овие подароци се симбол на заедништвото, страста и вербата во нови победи на ЕУРО 2026 а ќе се делат преку официјалните канали на социјалните мрежи на CHERY:
Да навиваме со срце, да бодриме со гордост и да покажеме дека кога Македонија игра – сите сме на теренот!
Со среќа, момци!
Македонија е со вас!
ПР
Спорт
(Видео) Гризман го постигна можеби најубавиот гол во кариерата
Антоан Гризман (34) постигна речиси 350 гола во својата имресивна кариера, но оној што го постигна во осминафиналето на Купот на Кралот зазема посебно место. Атлетико Мадрид победи кај Депортиво Коруња со 1:0, а голот што го постигна Гризман во 61-та минута беше прекрасен.
Гризман изведе слободен удар од околу 20 метри од голот, малку дијагонално од десната страна, така што со левата го префрли живиот ѕид и погоди кадеш што се спојуваат пречката и стативата. Голманот на Депортиво остана закопан на гол-линијата и со поглед ја испрати топката во мрежата.
Голоот можете да го погледнете Тука:
„АС“, во денешното издание вака ја коментира големата мајсторија на Гризман.
„О, ла ла! Гризман постигна еден од најспектакуларните голови во неговата кариера! Французинот направи брилијантен потег. Тој изведе извонреден слободен удар и постигна златен гол.“
Ова е 10-от гол на Гризман во 28-от натпревар оваа сезона. Неговите бројки во Атлетико се спектакуларни. Тој одигра 473 натпревари, постигна 208 и намести 94 гола.
Foto/ Depositphotos
Спорт
(Видео) Аматер освои милион долари во Мелбурн
Аматерот, Австралиецот Џордан Смит го освои „One Point Slam“ во Мелбурн.
Смит, кој ја претставуваше тениската академија „Касл Хил“ од Нов Јужен Велс, во финалето ја победи Џоана Гарланд, 117-та тенисерка во светот.
Во натпреварот за трофејот, Гарланд одлучи да сервира, но потоа ја „предаде“ бекхендот, на општо задоволство на „Род Лејвер Арена“.
На патот до финалето, Смит го елиминираше и Јаник Синер, откако Италијанецот направи грешка при сервисот.
The world number two beaten by a local amateur! 👏
Jordan Smith's upset is what the 1 Point slam can provide, driven by @kiaaustralia pic.twitter.com/g7PHNf3G4G
— #AusOpen (@AustralianOpen) January 14, 2026
За победата на овој турнир, Смит освои точно еден милион австралиски долари.
Инаку, тој почнал да игра тенис кога имал само три години, едно време се натпреварувал против Камерон Нори и Саша Зверев во јуниорската конкуренција, но никогаш не играл во сениорската.
29-годишникот го обезбеди своето место во главната ждрепка преку квалификацискиот турнир. Покрај овој милион долари, тој заработи уште 50.000 благодарение на пласманот во главната ждрепка.
На ждрепката имаше навистина врвни играчи. Покрај Синнер, тука беа и Карлос Алкараз, Саша Зверев, Ник Кирјос, Данил Медведев, Ига Швјонтек, Наоми Осака…
Учествуваа точно 64 натпреварувачи, секој натпревар се играше за еден освоен поен, со оглед на тоа што професионалците имаа еден, а аматерите два обиди на сервисот.
Foto/ EPA
(Видео) Мицкоски: Техничката влада треба да замине во минатото, но ако СДСМ мислат дека е потребна за следните избори, во ред, прифаќаме
Претседателот на Владата, Христијан Мицкоски на прес-конференцијата по завршување на лидерската средба извести дека сите присутни се согласиле дека техничката...
Мој ДДВ не се укинува – налозите за исплата во февруари се подготвуваат, извести УЈП
Управата за јавни приходи ги демантира написите во дел од медиумите дека се укинува мерката „МојДДВ“. „Јасно и недвосмислено истакнуваме...
Загина маж во пожар во стан во Тетово: со изгореници се здобило уште едно лице
Вчера во 19:20 часот во СВР Тетово е пријавено дека на улицата „180“ во Тетово настанал пожар во стан, сопственост...
Oбјавена листата на најмоќните пасоши за 2026 година: Македонија бележи напредок
Азиските земји продолжуваат да доминираат на рангирањето на најмоќните пасоши во светот, според најновиот извештај на „Henley Passport Index“. Сингапур...
(Видео) Димитријевиќ: Кој оди на средба со Мицкоски легитимира криминал и изолација на земјата
Сите што денеска ќе одат на средба со Мицкоски за укинување на техничката стануваат соучесници во легитимирање на криминалот и...
За новогодишно украсување, општините дале 785 илјади евра – најмногу пари потрошила Општина Штип
За новогодишно украсување, општините потрошиле 785 илјади евра, а 78 отсто од вредноста е концентрирана кај една фирма. Ова го...
Вељаноски за техничката влада: Eксперимент кој предизвикува штета за државата
За поранешниот претседател на Собранието Трајко Вељаноски, техничката влада е експеримент кој како што оценува, предизвикува повеќе штета од корист...
Денешниот состанок во Вашингтон ја одлучува судбината на Гренланд
Денес во Белата куќа се одржува состанок кој би можел да ја одреди иднината на Арктикот, но и на самиот...
Трамп: Сакам да победам во Иран, обожавам да победувам
Претседателот на САД, Доналд Трамп, се закани дека ќе „преземе многу силни мерки“ ако иранските власти почнат да ги бесат...
Лидерска средба за техничката влада, СДСМ одби да учествува
Во Клубот на пратениците денеска треба да се одржи лидерска средба на премиерот и претседател на ВМРО-ДПМНЕ, Христијан Мицкоски, со...
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
