Спорт
(Видео) Сан Марино прв пат победи на официјален натпревар
Сан Марино ја забележа првата победа во својата историја кога се во прашање натпреварувањата на УЕФА.
На стартот на натпреварите во Д дивизијата во Лигата на нации, Сан Марино го победи Лихтенштајн 1:0. Голот го постигна Нико Сенсоли.
Единствениот гол погледнете го ТУКА, а прославата погледнете ја во продолжение.
🇸🇲 SAN MARINO WIN A GAME FOR THE FIRST TIME IN 20+ YEARS & A COMPETITIVE MATCH FOR THE FIRST TIME EVER!!!
History is made as the worst team in the FIFA rankings (210th) finally end the longest winless run in international football history (140 games dating back to April 2004)!!! pic.twitter.com/xbB3M2WQUE
— The Sweeper (@SweeperPod) September 5, 2024
Сан Марино сега има биланс од две победи, девет нерешени и 195 порази на 206 одиграни натпревари и гол разлика 33:834.
Со ова беше прекината најцрната серија во историјата на националниот фудбал, бидејќи најлошата репрезентација на ранг-листата на ФИФА (210. место) стави крај на серијата од 140 натпревари без победа.
Инаку ова е прва победа на официјален меч за Сан Марино, претходно на 28.април 2004 година оваа репрезентација славеше во пријателски меч над Лихтешптајн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наполи на Сардинија го декласира Каљари
По почетниот пораз од Верона, екипата на Наполи ја најде вистинската форма и ја забележа третата победа во низа со која по некомплетното четврто коло се искачи на првата позиција во Серија А.
Во својот прв старт во светло синиот дрес, блескаше Ромалу Лукаку со гол и две асистенции, го предводеше Наполи до победата во Каљари со 4:0.
Лукаку во 18. и 66.минута им аситираше на Ди Лоренцо и Кварацхелија за првите два гола на натпреварот. На истекот на 70,миута Белгиецпт ја искористи грешката на голманот Скуфет и погоди за 3:0.
Конечниот резултат, со првиот гол во дресот на Наполи го постави Бонџорно во судиското надополнување на времето.
Спорт
Српски џудист се прекрстил пред борбата на ОИ, доби пет месечна суспензија
Српскиот џудист Немања Мајдов е суспендиран на пет месеци поради прекршување на верските кодекси на Олимписките игри во Париз. Конкретно тој се прекрстил пред да ја започне борбата на Олимписките игри.
Правилникот на Интернационалната џудо федерација и не дозволува изразување религиски и политички пораки на нејзините натпреварувања.
Да потсетиме дека Мајдов пред борбата се прекрстил и, според мислењето на комисијата, го прекршил верскиот кодекс и со тоа ги прекршил прописите.
Поради ова Немања Мајдов е суспендиран на пет месеци.
Како што се огласи и самиот Мајдов во писмо, а потоа вели:
„Не плашете се од оние што го убиваат телото, но не можат да ја убијат душата. Господ Исусе Христе“, рече Немања Мајдов.
Мајдов имаше многу проблеми на Олимпијадата во Париз и беше доста бесен откако беше елиминиран во осминафиналето во категоријата до 90 килограми.
Спорт
(Видео) Барселона ја декласира Џирона – Два гола на Јамал, Миовски не играше
Барселона во каталонскто дерби ја победи Џирона со 4:1. Барса на овој начин и се реваншираше на Џирона за двата порази со резултат 4:2 во минатата сезона. Македонскиот репрезентативец Бојан Миовски не доби од тренерот Мичел да настапи на овој натпревар.
Барселона и во Џирна покажа дека игра во голема форма од стартот на сезоната. До победата тимот го водеше 17-годишниот Ламин Јамал, кој ги постигна првите два гола во 30. и 37.минута.
На стартот од второто полувреме третиот гол за Барселона го постигна Дани Олмо. Тоа беше трет гол за него на првите три натпревар во дреост на Барселона. Во 61.минута Олмпо поради повреда се пресели на клупата.
Четвртиот гол за блауграна го постигна Педри во 64. минута, а Стуани во 80. минута ги постави конечните 4:1.
Барселона го заврши натпреварот со играч помалку, бидејќи Торес заработи црвен картон во 86. минута.